24 मेन खानानिन थिआतिरादाओ ओ अ़अ़त्पा चिन्माय़ङ मान्त़ङ्कादाचि खोन्कि ‘सैतानाओ अ़च़वाङ य़ङ्चि’नि लोमाय़ङ मान्चिन्कादान्चिन्चि खानानिन अ़ङ्का लोनानिन, खानानिन अ़ङ्का नि खाक्कोछाङ लोमाय़ङ अ़प़नानिमिन,
ह्युना म़छाप्याङ्ओदाङ्का नि ब़द्धे पाङ खानानिन खुन्मेत्मा अ़नुनिन निकिना सेङ्लावा खोन्कि आन्कान्का अ़नुवाक लुन्का।
मोचिएदाओ थिआतिरा सहरादा कायुङ्मा लिदिया अ़ऩङ मुवाङाओ अ़क्छा निरावा मेत्छामा याआङा, मो ब़द्धे अ़लुङ छुक्ताङाओ तित इनाङा। मोसाआ निनाम्हाङ ब़क्तुङु। हाङ्पाआ मोसोओ अ़साकोङ्वा अ़होत्तापुवाओसा पावल चेवाङाओ य़ङ नुलोक तुप्तु।
मेन निनाम्हाङ्आ खोक्कोसोओ अ़चुलावालाम्पा आन्कान ओ अ़चुय़ङ खाङ्म़मेत्तायुङ्सा। देकिनालो सेङ्लावाआ झारा य़ङ्चि म़लामुचि खोन्कि निनाम्हाङ्ओ तुप्मा अ़ऱन्चिमिन्ओ य़ङ्चिछाङ म़लामुचि।
मेन देत्नि प़ओ अ़चाप्चाआ हब्बा म़प्तु, मोवात्निङा ख्रिस्तएदा आम्नुओ अ़छ़ङ खोन्कि सेङ्याङ्ओ ब़क्मालाम्पा आम्नुओ मिन्माचि फेन्मादा म़छुक हे निकिना अ़ङ्क़मा कात्याङ।
खोन्ओसा सैतानाआ आन्कान म़धान्निन्ने। देकिनालो मोसोओ अ़मित्चिऩङ्चि आन्कान मान्सिन्कादा अ़मुन्मिन्येन।
ओवाको खारु निनाम्मादुङ्का अ़य़निन। मेन ओ ना हेन्खामादाङ्काओ, मान्साम्योक्मि खोन्कि सैतानादाङ्का ओ।
मो य़ङ्आ लो, “खाना दि त़खा, मो अ़क्तात छाप्लाखा भोङ्दा छाप्तु, खोन्किना ओ सात्कातात्माङ साम्भुङ्चि छोक्तुचि: एफिसस, स्मुर्ना, पर्गामम, थिआतिरा, सार्दिस, फिलादेल्फिया खोन्कि लाउदिकिया।”
मिखाएल खोन्कि अ़काफाचिआ मो अ़धिवा प़ निनाम्मादुङ्का ह्युना अ़वेइसाधान्ता। मो बुयाओ अ़धिवा प़ ओ, मो झारा हेन्खामा काथेम्खान सैतानानिछाङ लो। मो हेन्खामादा वेइसाधान्ता खोन्कि मोसोओ झारा अ़काफाचिछाङ मोएनान अ़क्नि म़वेइसुधान्तुचि।
खानानिन खादा त़युङिन्येन, अ़ङ्का सिन्तुङ्योङ। मोदा सैतानाओ अ़हाङ्युङ्खा युङ्याङ। खोन्नुछाङ अ़ङ्ऩङ्दा खानानिन नुलोक त़युङिन। सोम्कुवा मुमा खान्तुओ अ़ङ्सालुम्स़ङ काप़पा एन्तिपास्ओ अ़ग़रिदाछाङ अ़ङ्काएदा साकोङ्छ़ङ मुमा मान्छित्त़दोम, खो सैतानाओ अ़युङ्खादा आम्नुओ रादा सेरायुङ्सा।
थिआतिरादाओ साम्भुङ्ओ निनाम्हाङ काफा खाना ओ य़ङ छाप्तु। ओ य़ङ्खान निनाम्हाङ्ओ अ़चुछादाङ्का ओ, मोसोओ अ़म़क्चि मिओ अ़लाक्वा खोन्कि मोसोओ अ़लाङ्चि लेन्माय़ङ कासावा मुयाङ।
अ़ङ्का आम्दुखाचि खोन्कि आम्मान्तोक्दामाचि सिन्तुङ्योङ्च़ङ। मेन खाना कातोक त़मुयाङ! साङ आप्पि यहुदिनि म़लोनानान्चिन, मोचिआ खानानिन ऩसुङ्तिन्येन्ओ अ़ङ्का सिन्तुङ्योङ। मोचि यहुदिचि माआङ, मेन सैतानाओ अ़रुहुप्चि ओ।
