18 खोन्कि मो तोक्पो सहरा ह़त्ताकि लोन्ताओ तुङ्ऱक अ़खाङ्कि ओवात्नि य़ङ्सा म़पात, “ओवाको तोक्पो सहरावा खाक्को सहरा युङाङा कि?”
म़नाचिआ अ़धिवाङ प़ अ़ब़क्ताङा, देकिनालो मोसोओ अ़पाङ साक्स़ङ प़युङ्सु। मोचिआ ओवात्नि य़ङ्सा साक्स़ङ्छाङ अ़ब़क्ता, “ओ साक्स़ङ्वाको नि साङ युङ्याङ कि? ओसोओ अ़देङ्सालाप्पादा साङ ङेन मुमा ऱ कि?”
मो दुखा काप़ गन्धक्ओ तुङ्ऱक अ़धुन्तारि धात्नि खात। खाक्कोचिआ मो साक्स़ङ खोन्कि मोसोओ अ़सेम्पोक अ़ब़क, खोन्कि मोसोओ अ़सेप्मा अ़लोक, मोचिआ अ़खाखुत-अ़खोलेन देम्खाछाङ सावातोम्मा ऩतोक्तुन।”
तोक्पो सहरा सुम्का धाङ लिसा, खोन्कि हेन्कोप्चिदाओ झारा सहराचि म़भुङ्साखारा। तोक्पो सहरा बेबिलोन्आ मुओ हेवाचि निनाम्हाङ्आ अ़मित्ता, खोन्कि खोक्कोसोओ तोक्पो अ़चुमाइसुङ मो सहराएदा ता।
“देम चाअ़त्लो! देम क़माकात्लो, मो तोक्पो सहरा! मो बाङ्गाओ, माक़ल़ङ्वा खोन्कि हालापाक्वाओ तित हुम्साकि, हाराक्वा चोङ्खान्चिन, अ़लुङ छ़ओ लुङ खोन्कि वाचेत्लुङ्चिआ चोङ्सान्युङ्सान्चिन!
