16 खाना त़खाचिओ मो दस्कातात खुक्खाचि खोन्कि मो साक्स़ङ्आ मो काचान्चामा ऩङाछिरु। मोचिआ मोएदा युङ्याङ्ओ झारा अ़ङाप्खात खोन्कि अ़दाप्म़ङ कालाङ्द़क अ़मु। मोचिआ मोसोओ अ़सा अ़चा खोन्कि मो मिआ अ़ह़त्खान।
खोन्किना निनाम्मादु नि बुन दारा, सात्कातात अ़ताङ, दस्कातात अ़खुक्खा खोन्कि अ़ताङ्दु सात्कातात ताङ्बोप्खा बोम्साङाओ अ़क्तात हालापाक्पाक्ओ अ़धिवा प़ दारा।
खोन्किना छकातात्ओतात निनाम्हाङ काफाआ अ़खुङ तोक्पो याङ्वामा युफ्रेतिस्दा थोउ। बुसुहोन्याङ्का काता हाङ्चिओ अ़चुलाम चुम्मा निम्पाङ याङ्वामादाओ चाक्वा छोवाखारा।
पाच्कापाङ म़लुक्तायुङ्सा, अ़क्छा हान्छाङ हाङ मुयाङ, खोन्कि नितात मान्तायुक। मो ताकिना थुत्मेत्लो ओन्ङा हाङ मु।
खोन्किना मोचिआ अ़चुताङ्दु बाखा थुलि अ़पाआकि खाप्याङ्सा खोन्कि सोखा मुयाङ्सा ओवात्नि म़पारा, “चाअ़त्लो! चाअ़त्लो! मो तोक्पो सहरा! मो सहराओ चासुम्छेन्बिआ वाप्तेलाओ अ़हाङ्पाचि कातोक म़लिसायुङ्सा। अ़क ग़रिदाङा मो सहरा लुक्ताखारा।”
खोन्ओसा अ़क लेन्ङा मो मेत्छामाएदा अ़चाअ़त्माचि स़मा, योक्मा खोन्कि स़ङ्साक्वा म़ता। मो मिआ राङ्खान, देकिनालो मोसोओ अ़छ़ङ्काछेन हाङ्पा निनाम्हाङ सावापोरिओ म़मुयाङ।”
खानानिन्आ हाङ्चि, कप्तानाचि, सावापोरिओ खोन्कि झारा म़नाचिओ अ़चुसाचि खोन्कि युक्वाचिकिना मो कायुक्चि, फोङ्माय़ङ खोन्कि हारुक्चि अ़चुप्पो खोन्कि अ़धिवो झारासोओ अ़चुसाचि चामा त़ऱम्च़म।”
