9 खोन्किना सुम्कातात्ओतात निनाम्हाङ काफा अ़धिवाङ य़ङ्आ ओवात्नि य़ङ्सा मोचिओ अ़चुदेङ्देङ त़ङ्तुचि, “मोवात्नि साङ्आ मो साक्स़ङ खोन्कि मोसोओ अ़सेम्पोक ब़क्तु खोन्कि अ़त़ऱबुप माङ्लो अ़छुक्दा मोसोओ अ़सेप्मा पाक्तुनालो
मो दुखा काप़ गन्धक्ओ तुङ्ऱक अ़धुन्तारि धात्नि खात। खाक्कोचिआ मो साक्स़ङ खोन्कि मोसोओ अ़सेम्पोक अ़ब़क, खोन्कि मोसोओ अ़सेप्मा अ़लोक, मोचिआ अ़खाखुत-अ़खोलेन देम्खाछाङ सावातोम्मा ऩतोक्तुन।”
खोन्किना बुदाओ निनाम्हाङ काफाआ अ़खुङ हेन्खामादा थोउ। खोन्कि मो साक्स़ङ्ओ अ़सेप्मा याआङाओ खोन्कि मोसोओ अ़सेम्पोक काब़क म़नाचिएदा चिप्माकात्ओ खोन्कि तुक्ओ खोवा लोन्ता।
“आन्कान्का आन्काओ निनाम्हाङ्ओ अ़चुहारुक्चिओ अ़चुत़ऱबुप्दा सेप्खा मान्पाक्युक्तुम्च़म्कातारि हेन्खामा, धियाङ्वामा माङ्लो स़ङ्ताङ्चि देत्छाङ मान्मुदानुम्च़म।”
