4 मोचि मेत्छामाचिएनान मान्पोप्म़युक्ता, खोन्कि खोचि म़सेङाङा। थुबाछा खादा-खादा म़खात मोचिआ खोक्को अ़त़ङ्ताङा। निनाम्हाङ खोन्कि थुबाछाओ निम्पाङ बुयाओ अ़सिवावात्नि म़नाचिओ अ़चुरादाङ्का ओचिओ अ़चुलुङ छोराकि म़खिरा ओ।
देकिनालो खा-खाक्कोचि म़लिहिदाङा मेत्छाला म़मु, देम्पाङ म़नाचिआ मेत्छाला मुमाय़ङ्चि म़युङ। देम्पाङ निनाम्हाङ्होन्ओ निम्पाङ आप्पि मेत्छाला म़मुनान्चिन। साङ्आ मो लोक्मा ऱ, मोसाआ मो लोउने।”
“खोन्किना निनाम्हाङ्होन दस्कापाङ वारिसाचिएनान तोङ्मा ऱम। मोचिआ अ़चुओ खाउप्खाचि म़खात्तुचिकि सायाकाकाम्पा तुप्सि म़लोन्ता।
अ़क्छा य़ङ्हुप काचिन्पा खोक्कोएदा ताकि लो, “काचिन्पो, खानानिन खादा त़खारिन्नुछाङ अ़ङ्का त़ङ्नानिन।”
अ़ङ्भेराचिआ अ़ङ्य़ङ अ़एन, खोन्कि मोचि अ़ङ्का सिन्तुङ्च़ङ, खोन्कि मोचिआ अ़ङ्का ऩत़ङ्ङा।
साङ अ़ङ्का ब़त्मास़नालो मोसाआ अ़ङ्का अ़त़ङ्ङाने, खोन्कि अ़ङ्का खादा युङ्ङा, अ़ङ्का काब़त्छाङ मोदाङा युङ। साङ्आ अ़ङ्का अ़ब़त्ङा, अ़ङ्पापाआ मो साया अ़मेत।
पत्रुस्आ येसु लासुलो, “हाङ्पो, अ़ङ्का देकिना ओन्ग़रि खानानिन त़ङ्मा अ़ऱनान्निमिन ओ? आम्नुओ निम्पाङ अ़ङ्का स़मा ऱङा।”
येसुआ म़नाचि म़लासुलोचि, “अ़ङ्का हेन्खामादाओ साम ओ। अ़ङ्का कात़ङ कुइयामादा देम्खाछाङ अ़कोन्निन, मेन मोसाआ ह़ङ्म़ङ काप़ साम तोक्तु।”
खानानिन आम्नुओ निम्पाङ खोन्कि सेङ्लावाआ खाङ्मा ऩप़न्ओ साम्भुङ्दाओ झारा साकोङ्छ़ङ कामुचिओ निम्पाङ चाप्चेत्तानिन्चिन। निनाम्हाङ्आ येसुओ अ़चुह़लाम्पा म़खिरुचिओ साम्भुङ काखाङ्चि लिसानिन।
हान ब़ब़, नाना खोन्कि निछाचि ओ, खानानिन त़सिन्तुम्योम, स्तिफनास्ओ अ़खिम्लुम्पाचि अखैयादा बुयाओदु साकोङ्छ़ङ कामुचिओ, खोन्कि निनाम्हाङ्ओ अ़चुम़नाचिओ अ़चुकाचिदा खोचिङा म़वाङायुङ्सा।
खानानिन निनाम्हाङ्ओ अ़चुलुङ अ़छोराकि ऩखिरिन्ओ। खोन्ओसा खानानिन्आ आम्नुओ पोक्दा निनाम्हाङ साया मेत्तानुम।
मेन खाना साया त़काम्सानुछाङ हेवा मान्मुत़युक। मोवात्निङा वारिसा सायाकाम्नुछाङ, हेवा अ़मुनिन। मेन साया काकाम्चि, ओ हेन्खामादा दुखा म़तोक खोन्कि अ़ङ्का खानानिन मो दुखाचिदाङ्का रात्मानि मिन्ङाङा।
निनाम्हाङ्वात्निङा अ़ङ्का खानानिन खाङ्नायुङ्नानिन। अ़क्छा खिम्हाङ्पाओ सेङ्याङ्ओ वारिसावात्नि खानानिन खाङ्मुमाओ निकि अ़ङ्का ख्रिस्तओ निम्पाङ खानानिन दोत्नाप़नायुङ्नानिन।
निनाम्हाङ्ओ अ़चुचासुम्छेन्बि माङ्लो आन्लेन्मा मान्तोक्युक्तुम्ओन खोक्कोसोओ अ़चुसाम चोन्माओ निम्पाङ सेङ्लावा आन्पाङ्यिओ अ़छ़ङ चिनोयाङ ओ।
खोन्कि खोक्कोसाआ थुपि मात्द़ङ्ओ खोन्कि मान्चुन्युक्तुओ माङ्लो दियाकोछाङ मान्फिकादा साम्स़रिओ साम्भुङ खोक्कोसाआ आप्पि खाङ्मुमा निम्पाङ ओ, खोन्किना मो सेङ्याङ्ओ खोन्कि थुपि मात्द़ङ्ओ लिने।
मोचिआ म़नाचि सायाकाम्मा ऩप़न्चिन, खोन्कि साकोङ्छ़ङ कामुचि खोन्कि अ़छ़ङ कासिन्चिआ आलाङ्एनान लोक्मादोत्ओ निनाम्हाङ्आ अ़मुयाओ चामायुदाङ्का अ़थाया युङ्म़मेत्तुचि।
खानानिन बुया म़लिसाओचिओ निनाम्मादुओ अ़चुयायोक्खादा त़तान्युङ्सिन। मोचिओ अ़चुऩङ निनाम्मादु छाप्तायुङ्सा। मोचि अ़च़क़ल़क मुमाय़ङ साम्योक्मि म़नाचिओ अ़चुलावा ओ। खानानिन झारा म़नाचि छ़ङ्काछेन निनाम्हाङ्एदा त़तान्युङ्सिन।
खोक्कोसोओ तोक्पो अ़चुमित्चिऩङ्ओ अ़छ़ङ य़ङ्लाम्पा आन्कान म़मुया। खोवात्निओसा आन्कान खोक्कोसोओ झारा अ़चुमुन्माय़ङ्चिदाओ बुयाओ अ़सिवा लिसिन्युङ्सिन।
मेन खानानिन छेन्माय़ङ रावा ओ, हाङ्ओ अ़चुकाब़क्पाचि, त़सेङिन्येन्ओ म़नाचि, निनाम्हाङ्ओ आप्पिओ अ़चुम़नाचि ओ। खोक्कोसाआ खानानिन कुन्यामादाङ्का म़दोम्दाओ साम्दा ऩबुत्तिन, खोन्ओसा खोक्कोसोओ म़दोम्दाओ अ़चुकाचिचि खानानिन्आ खात़लुसुम्ने।
मोचि थुबाछाओ अ़चुदेङ्सालाप्पादा ङेन म़मु, मेन थुबाछाआ मोचि हाराम़चात्तुचि, देकिनालो खोक्को हाङ्पाचिओ अ़चुहाङ्पा खोन्कि हाङ्चिओ अ़चुहाङ म़मुयाङ। साङ्चिआ थुबाछा अ़त़ङ मोचि खोक्कोसाआ म़बुत्तुचिओचिओ खोन्कि म़छेन्तुचिओचिओ खोन्कि सोम्कुवा कामुचिओचि ओ।”
अ़ङ्का मो सहरादा खाक्कोछाङ निनाम्हाङ ब़क्खाखिम मान्खाङ्ङा, देकिनालो झारा सावाकातोक हाङ्पा निनाम्हाङ खोन्कि थुबाछाङा मोदाओ निनाम्हाङ ब़क्खाखिम म़युङ्याङ।
मो सहरा उप्मा निम्पाङ नाम खोन्कि लादिप्मा मान्दोत्याङ देकिनालो निनाम्हाङ्ओ अ़चुसाम्आङा मो सहरा अ़उप खोन्कि थुबाछाङा मो सहराओ अ़कुपि ओ।
मेन सार्दिस्दा थोरेत म़नाचि म़युङ्याङ, मोचिआ अ़चुहेवाआ अ़चुतित्चि मान्पोप्म़युक्तुचि। मोचि अ़ङ्काएनान ओम्याङ्ओ तित म़हुम्कि म़कोन, देकिनालो मोचि अ़ङ्काएनान कोन्मा खान्तुचिओ म़मुयाङ।
मोचिआ अ़क्तात अ़ऩङ्वा छाम अ़लुवा। “खानानिन ओ छाप्लाखाओ अ़भोङ कालोक खोन्कि मोसोओ अ़सेप्खाचि फोङ्मा त़खान्तिन्ओ त़मुन्येन। देकिनालो खानानिन ऩसेरिन, खोन्कि आम्नुओ स़मा हेन्खोक्वाआ खानानिन निनाम्हाङ्ओ निम्पाङ झारा भुङ्चि, य़ङ्चि, म़नाचि खोन्कि रावाचि त़खिरुम्च़म।
