10 ओ हेन्खामादाओ म़नाचि मोचि ह़वाङ स़चिओदा अ़चुऩङानु। खोचिओ अ़चुछेमाकात खोन्कि अ़क्छा निएदा छुक्तुप्मा छोक्काछोक म़मु, देकिनालो मो ह़वाङ निनाम्हाङ्य़ङ खाकालुचिआ हेन्खामादाओ म़नाचि ब़द्धे दुखा अ़पुवाचुचिन।
अ़ङ्का कात़ङ्चिओसा झारासा खानानिन ऩङाऩछिरिन। मेन साङ आदेङ्तारि आङ्तुकि युङ, खो लेन।
अ़नुछ्या, अ़ङ्का खानानिन लोनानिन, खानानिन ओत्ओत्ओत्वा त़खाविन खोन्कि आम्नुओ राक स़, मेन हेन्खामाओ अ़ऩङानु। खानानिन सोखादा त़छुक्तिन, मेन आम्नुओ सोखा सेवाङ्निदा फान।
हेन्खामाआ खानानिन ऩङात़छिरिमिन, मेन अ़ङ्का ना ऩङाअ़छित्ङा। देकिनालो हेन्खामाओ काचिचि अ़अ़त्पा म़मुयाङ निकिना अ़ङ्का सालुम्स़ङ प़ङ।
ओ य़ङ धियायोक्खादाओ यहुदि बुसुवाचिआ अ़एनाकि मोचिओ चाअ़त्लो अ़चुमाइसुङ कारा, खोन्किना मोचिआ छाम्माय़ङ्चि सेत्मा म़लाप्तुचि।
सोम्तुक्मा अ़अ़त्पादा अ़ऩङाअ़नुनिन, मेन अ़छ़ङ य़ङ्दा अ़ऩङानु।
मो अ़धिवाङ प़आ खो हेन्खामादा वेइसाधान्ताओ खाकिना दुवाछा छा कातोक मेत्छामा खोसाआ ऱमा पुङ्सु।
खोन्कि हेन्खामादा कायुङ झारा म़नाचिआ मो साक्स़ङ अ़ब़क। मोचिओ अ़चुऩङ हेन्खामा मुन्मा बुयादाङ्काङा ह़ङ्म़ङ्ओ छाप्लाखादा मान्छाप्युक्ता। मो छाप्लाखा म़सेराओ थुबाछाएदा याक्याङ।
खोन्किना पाच्कातात्ओतात निनाम्हाङ काफाआ अ़खुङ मो साक्स़ङ्ओ अ़हाङ्युङ्खादा थोउ, खोन्किना मोसोओ अ़हाङ्होन्दा कुन्यामा लिसा, खोन्कि योक्मादा म़नाचिआ अ़चुलेम अ़ङेआ।
हान चिन्माय़ङ ओ हेन्खामादा कायुङ म़नाचि चिन्खाङ्सि झारा हेन्खामादा तामा मुयाङ। खानानिन्आ दुखा आङ्तानुम्निओ अ़ङ्लोमाय़ङ्वा त़च़न्ओसा चिन्माखाङ्माओ ग़रिदाङ्का अ़ङ्का खानानिन लेन्नानिन।
