4 मो सात्कातात कुलुङ्धिप्पाचि म़चेवाङावा अ़ङ्का छाप्मा मुङ्योङ्ओ। मेन निनाम्मादुङ्का ओवाको य़ङ अ़ङ्का एनुङ, “मो सात्कातात कुलुङ्धिप्पाचि म़चेवाओ य़ङ मान्छाप्दो, मेन ओ य़ङ कुम्सुयुङ्सु।”
मो य़ङ्आ लो, “खाना दि त़खा, मो अ़क्तात छाप्लाखा भोङ्दा छाप्तु, खोन्किना ओ सात्कातात्माङ साम्भुङ्चि छोक्तुचि: एफिसस, स्मुर्ना, पर्गामम, थिआतिरा, सार्दिस, फिलादेल्फिया खोन्कि लाउदिकिया।”
खोन्ओसा खाना दि त़खायुङ्सु, खोन्कि आइमित दे लियाङ, खोन्कि माय़ङ दे लि, मो छाप्तु।
खोन्किना निनाम्मादुङ्काओ एनुङ्ओ य़ङ्आ अ़ङ्का ओवात्नि अ़लासाङ्लोवाङ, “खारा, धियाङ्वामा खोन्कि बाखादा काएप निनाम्हाङ काफाओ अ़छुक्दा याक्याङ्ओ फोङ्माय़ङ साहोक्वा छाप्लाखाओ अ़भोङ लोउ।”
खोन्किना मोसाआ अ़ङ्का ओवात्नि अ़लोवाङ, “ओ छाप्लाखा भोङ्दाओ खालुमाय़ङ मान्सेप्दानुम, देकिनालो ओ झारा लिमा ग़रि च़क्दा ताचिआयुङ्सा।
