13 खोन्कि कुपि युङ्खाचिओ अ़चुरादा म़नाओ अ़छावा काराङाओसाआ अ़लाङ्युतारि तालालो तित हुम्साङा खोन्कि अ़कोङ्कोम्दा हाराक्वाओ पेति मोसाआ छ़सुङु।
आन्काओ मुलो काब़क्पा आन्माऱदामाचिदा सोमामान्तुक्कादा ऩमुनिनिन। मेन आन्कान्वात्नि खोक्को झारा य़ङ्दा हेवादा धान्मा अ़लाप्ताहिदाछाङ खोक्को हेवादा मान्धान्दान्चिन।
खोन्किना अ़ङ्का खाङ, खोन्कि अ़क्तात ओमाङाओ य़वारि खोन्कि मोदा म़युङाङाओ म़नाओ अ़छावाको अ़क्छा खाङ, मोसोओ अ़ताङ्दु हाराक्वाओ ताङ्बोप्खा याआङा खोन्कि अ़छुक्दा अ़हायाआङाओ क़च्चे याआङा।
सात्कातात अ़चाअ़त्मा काखुन निनाम्हाङ काफाचि मो निनाम्हाङ ब़क्खाखिम्दाङ्का म़लोन्ता। मोचि सेङाङाओ खोन्कि लेराङाओ तित म़हुम्साङा, खोन्कि अ़चुकोङ्कोम्दा हाराक्वाओ अ़तुनाचि म़छ़साङा।
“एफिससदाओ साम्भुङ्ओ निनाम्हाङ काफा खाना ओ य़ङ छाप्तु। ओ य़ङ्खान सात्कातात साङ्केन्माचि अ़चुचुप्ताङ्छुक्दा काक़क्क खोन्कि सात्कातात हाराक्वाओ कुपि युङ्खाचिओ अ़चुरादा काकोन म़य़ङ्याङ।
