18 अ़ङ्का तोक्मादोत्ओदाङ्का च़लोक्ङा तोक्तुङ्युङ्सुङ। इपाफ्रोदितस्लाम्पा त़छोक्निओ आम्नुओ छुक्तुप्मा अ़ङ्का तोक्तुङ्युङ्सुङ। मो निनाम्हाङ्ओ अ़चुऩङानुओ नाम्नुओ अ़सुङ अ़क्तात लोक्माखान्तुओ हेन्खोक्वा ओ।
खोसोओ अ़क़मा काराकि खोएह्यात्नि होन्नि चोउदिसु, खोन्कि “हाङ्पो, दे त़य़ङिन्येन?”नि लो। खोन्कि निनाम्हाङ काफाआ खो लासुलो, “निनाम्हाङ्आ आम्यामात्मा अ़एनायुङ्सा, खोन्कि खाना मान्तोक्कादाचि मोहा त़प़चिओ अ़खायुङ्सा!
खोन्ओसा अ़ङ्ब़ब़, नाना खोन्कि निछाचि ओ, निनाम्हाङ्ओ अ़चुतोक्पो सोम्तुक्माआ अ़ङ्का खानानिन यायोक प़नाङ्नानिन, खानानिन आप्पि सेङ्लो खोन्कि निनाम्हाङ्ओ अ़चुऩङानुओ अ़ह़ङ हेन्खोक्वाचिवात्नि पुवालावानुम। ओ खानानिन्आ प़मादोत्ओ अ़नुछ्याओ तोङ्लो ब़क्मायु ओ।
अ़ङ्का खानानिन ब़त्नाङ्नानिनहिदा नि साम्भुङ्चिदाङ्का छेन्बि लोउङ्कि फानानिन। ओ ना खानानिन फामाओ निम्पाङ नि साम्भुङ्चि छेन्बि ङाप्तिन्वा लिसा।
ओ काचिआ निनाम्हाङ्ओ अ़चुम़नाचिओ मान्तोक्दामा तेम्तु ओन्ङा माआङ, मेन च़लोक निनाम्हाङ आलाङ प़मायु चोङ्माङ्छाङ लोइसु।
देत्नि ख्रिस्तआ आन्कान सोमाम़तुक्ता खोन्कि निनाम्हाङ्ओ निम्पाङ नाम्नुयाङ्ओ छुक्दाम खोन्कि हेन्खोक्वावात्नि म़लिसाकि खोक्को आप्पि आन्को निम्पाङ म़सुवा, मोवात्नि खानानिन्छाङ सोमातुक मुवानिन।
अ़ङ्काएदा दित्छाङ मात्द़ङ्याङ्ओ ग़रि खोन्कि च़लोक युङाङाओ ग़रि देत्नि ह़ङ्मादोत, मो अ़ङ्का झारा सिन्तुङ्युङ्सुङ। खाङाहिदानेकि सास़ङाङाहिदाने, च़लोक युङ्याङ्हिदानेकि मात्द़ङ्हिदाने, झारा ग़रिदा सोम्सेत्मान्चिन्ओ अ़कोङ्दुम अ़ङ्का चिन्ताङ्युङ्साङ्च़ङ।
ब़ब़, नाना खोन्कि निछाचि ओ, आम्नुओ निकिना अ़धुन आन्कान्का निनाम्हाङ आलाङ प़माङादोत, देकिनालो आम्नुओ सोम्कुवा च़लोक पोन्याङ, खोन्कि अ़क्छा निएदा झारासोओ आम्नुओ सोम्तुक्मा पोन्याङ।
नुलोक च़मा खोन्कि खानानिन्एदा युङ्याङ्ओ निचिएदा हामा मान्मान्केदानुम, देकिनालो ओवाको हेन्खोक्वाचिआ निनाम्हाङ्ओ अ़चुऩङानु।
खोन्कि खानानिन्छाङ येसु ख्रिस्तलाम्पा निनाम्हाङ्आ लोक्माखान्तुओ लावामि हेन्खोक्वाचि काधान सेङ्याङ्ओ काब़क्पा लिमा निम्पाङ अ़ह़ङ लुङ्चिवात्नि लावामि खिम लियाङ्सा त़खारिन।
