25 इपाफ्रोदितस, खो अ़ङ्निछा, अ़ङ्काएनान अ़क्नि नुय़ङ्खान खालुमा काचि कामु खोन्कि नुय़ङ्खान कारात अ़क्निओ रात्खामि खोन्कि खानानिन्आ त़बाइसुम्ओ य़ङ्काखुन खोन्कि अ़ङ्का हाप्ङाहिदा काफा ओ, खो खानानिन्एदा लामाबान्मानि मिन्ङाङा।
अ़नुछ्याङा अ़ङ्का खानानिन लोनानिन, हारुक अ़हाङ्पाएदाङ्का तोक्पो अ़लिनिन, खोन्कि य़ङ्खान काखात य़ङ्खान काखान्दाङ्का तोक्पो अ़लिनिन।
देत्नि खानानिन्आ अ़ङ्का हेन्खामादा त़छुत्नि, मोवात्नि अ़ङ्काछाङ मोचि हेन्खामादा छुत्तुङ्योङ्च़ङ।
प्रिस्का खोन्कि अकिलास ख्रिस्त येसुदा अ़क्नि काचि कामु अ़ङ्यावाचि सेवानि लोत्निप़नि।
ख्रिस्तदा आन्यावा अ़क्नि काचि कामु अ़ङ्यावा उर्बनास खोन्कि अ़ङ्का सोमातुक्तुङ्योङ्ओ स्ताखुस सेवानि लोत्निप़नि।
देकिनालो आन्काच्या ना निनाम्हाङ्ओ निम्पाङ अ़क्नि अ़चुकाचि कामुचिओ। खानानिन निनाम्हाङ्ओ अ़चुव़क ओ, निनाम्हाङ्ओ अ़चुखिम्ओ।
मेन अ़ङ्निछा तितस मोदा मान्धित्ङा, खोन्ओसा अ़ङ्मिन्मा चाअ़त्सा। खोन्किना मोचिदाङ्का हासाङ्च़ङ्कि अ़ङ्का माकेदोनियाह्यात्नि खाराङ।
खोसाआ खानानिन झारा अ़न्नुनु तुप्मा स़याङ। खो तुआओ य़ङ्खान खानानिन्आ त़एनुम्ओसा खो चाअ़त्लो लिसायुङ्सा।
अ़ङ्का तोक्मादोत्ओदाङ्का च़लोक्ङा तोक्तुङ्युङ्सुङ। इपाफ्रोदितस्लाम्पा त़छोक्निओ आम्नुओ छुक्तुप्मा अ़ङ्का तोक्तुङ्युङ्सुङ। मो निनाम्हाङ्ओ अ़चुऩङानुओ नाम्नुओ अ़सुङ अ़क्तात लोक्माखान्तुओ हेन्खोक्वा ओ।
अ़ङ्सोम्कुवाओ यावा, अ़ङ्का खानाछाङ लोनाङ्ना, ओ मेत्छामाचि फासुचि, देकिनालो मोचिआ अ़ङ्काएनान अ़क्नि नुय़ङ्खान खालुमा, क्लेमेसएनान खोन्कि नि यावाचिएनान अ़क्नि चात्लो काचि मुवायुङ्साचि। मोचिओ अ़चुऩङ ह़ङ्म़ङ्ओ छाप्लाखादा याक्याङ।
मो नुय़ङ्खान आन्कान्का सोमातुक्तुम्योम्काओ काफापा यावा इपाफ्रास्आ खानानिन त़चिन्तिन। मो आन्काओ लिप्पादा ख्रिस्तओ अ़क्छा सोम्कुवा मुमा खान्तुओ काब़त्पा ओ।
युस्तस अ़ऩङ मुयाङ्ओ येसुआछाङ खानानिन सेवा ऩछोक्तिन्युङ्सिन। निनाम्हाङ्ओ अ़चुहाङ्होन्ओ निम्पाङ काचि कामु यावाचिएदाङ्काओ यहुदि साकोङ्छ़ङ कामुचि ओचि सुम्कापाङ ओ। ओचिआ अ़ङ्का अ़न्नुनु अ़ङ्सोम ऩसेत्ताङ्युङ्साङ।
खोन्कि खानानिन तुप्सि तिमोथि छुत्तुम्का। खो आन्निछा ख्रिस्तओ अ़चुनुय़ङ्खान खालुमा काफा निनाम्हाङ्ओ अ़चुकाचि कामु ओ। आन्कान्का खो खानानिन नुलोक साकोङ्छ़ङ मुमेत्मा फासि खोन्कि आम्नुओ सोम्कुवादा राक प़सि छुत्तुम्का।
अ़ङ्काएनान काचि कामुचि मर्कुस, अरिस्तार्खस, देमास खोन्कि लुकाओछाङ अ़चुसेवानि।
खोन्ओसा निनाम्हाङ्आ ऩबुत्तिन्ओ त़सेङियेन्ओ अ़ङ्ब़ब़, नाना, खोन्कि निछाचि ओ, निनाम्हाङ्आ अ़छाम्साओ खोन्कि मुलो काब़क्पानि आन्कान य़ङिन्ओ येसु मित्तानुम।
