5 झारा यहुदिया धिखाहुप्दाओचि खोन्कि झारा यरुसलेम्दाओ म़नाचि बप्तिस्मा काप़ युहन्नाओ अ़य़ङ एन्सि म़खाराङा। खोन्कि “आन्कान्का हेवा मुन्युङ्सिन्का”नि य़ङ्सा खोलाम्पा यर्दन याङ्वामादा मोचि बप्तिस्मा म़लोआ।
खोन्किना गालिल, देकापोलिस, यरुसलेम, यहुदिया खोन्कि यर्दन याङ्वामाओ ह्याउधेत्याङ्का अ़धिवाङ म़ना मुक्लाचिआ खोक्को अ़त़ङ्ता।
खोन्किना बप्तिस्मा काप़ युहन्नाआ “आम्नुओ हेवाचि छिरानुम्च़म्कि बप्तिस्मा लोआनिन। खोन्कि निनाम्हाङ्आ आम्नुओ हेवाचि ऩलेत्तिन्प़न!”नि य़ङ्याङ्सा लेक्लेक्लेक्वाओदा ता।
युहन्ना उताओ अ़मुवाआ बामाय़ङ्ओ तित हुम्साङा, खोन्कि अ़छुमाय़क्दा साहोक्वाओ छिप्माय़ङ छिआङा, खोन्कि रुइचि खोन्कि खोक्लि खुदो चाङा।
ओ य़ङ यर्दन याङ्वामाओ अ़ह्याउधेत बेथानियादा लिसाओ, मोदा युहन्नाआ बप्तिस्मा प़ङुचि।
युहन्नाआछाङ सालिम्ओ अ़च़क एनोन्दा बप्तिस्मा प़ङुचि, देकिनालो मोदा ब़द्धे चाक्वा याआङा। मोदा म़नाचि तायाङ्सा बप्तिस्मा म़लोआङा।
येसुएदा साकोङ्छ़ङ म़मुवाओ ब़द्धे म़नाचि म़ताकि मोचिआ अ़मुवाओ अ़अ़त्पा अ़चुकाचिचि म़नाचिओ अ़चुबुदा खाअ़लुसा।
खोन्कि पत्रुस्आ मोचि लासुलोचि, “खानानिन झारा आम्नुओ हेवाचिदाङ्का लासानिन्कि येसु ख्रिस्तओ अ़चुऩङ्दा बप्तिस्मा लोआनिन, खोन्कि आम्नुओ हेवाचि लेत्लुवानिन। खोन्नालो सेङ्लावा मोहाङा त़तोक्तुम।
खोन्ओसा अ़क्छा निएदा आम्नुओ हेवा खालुसानुम, खोन्कि अ़क्छा निओ निम्पाङ यामारानिन, खोवात्निनालो खानानिन त़नुन। साम्योक्मि म़नाओ अ़यामात्मा सावापोरि खोन्कि नुलोक काचि मु।
