4 खोसाआ ना निनाम्हाङ ब़क्खाखिम्दा वाङाकि काब़क्पादाङ्का नि साङ्आछाङ चामा मान्नुयाङ्ओ निनाम्हाङ प़माय़ङ पेम्पाक लारुकि चो, खोन्कि अ़यावाचिछाङ प़चि।”
खो निनाम्हाङ ब़त्खादा वाङाकि निनाम्हाङ प़माय़ङ पेम्पाक चो, खोन्कि अ़यावाचिआ अ़चा। मोवात्नि च़मा मोचि य़ङ्हुप्आ मान्प़दोङुचि, मेन काब़क्पाचिआ ओन्ङा चामा नुवाङा।
खोन्कि येसुआ मोचि म़लोचि, “म़नाओ अ़छा सावातोम्खा-लेन्ओछाङ अ़हाङ्पा ओ।”
