2 “अ़क्तात सहरादा निनाम्हाङ मान्कित्कादा खोन्कि म़ना साया मान्मेत्कादा अ़क्छा छ़ङ्काछेन युङाङा।
मो छ़ङ्काछेन थोरेत्तारिना छुन्ता। मेन आदेङ मोसाआ अ़मिन्मादा आप्पि मित्तु, ‘अ़ङ्का निनाम्हाङ अ़कित्ऩङ, म़नाओ अ़छा साया अ़मेत्ऩङ।
मो सहरादा अ़क्छा मेन्मित्मा युङाङा। मो मेन्मित्मा खोएदा तायुङ्साङा। खोन्कि छुक फाङ्याङ्सा लोङु, ‘अ़ङ्ङेङ्ओ देङ्सालाप्पादा छ़ङ छेन्निप़नि।’
खोन्किना अङ्गुराखा हाङ्पा य़ङा, ‘हान अ़ङ्का दे च़ङा? अ़ङ्का सोमातुक्तुङ्योङ्ओ अ़ङ्छा छुत्तुङ। खोक्को ना मोचिआ साया अ़मेत।’
हेन्खामादाओ आन्पापाचिआ अ़चुओ मिन्मावा च़मा आन्कान म़चिन, खोन्कि आन्कान खोचि साया मेत्तुम्च़म। ओदाङ्का च़लोक आन्लावामि पापा निनाम्हाङ्ओ अ़चुक़म्मादा आन्कान अ़धुन्तारि ह़ङिन।
