7 खोन्किना मोसाआ अङ्गुराखा काखाङ म़ना लो, ‘खाखो, अ़ङ्का ताङ्कि ओ वासिताङ्दा अ़सिवा लामुङ्योङ्ओ सुम्कादोङ लिसा। मेन अ़क्बोप्छाङ मान्धित्युक्तुङ। ओ धेरु तेइसु। देकि ओसाआ व़क काक्मेत्मा?’
अ़नुवाक सिवा मान्सिकादा स़ङ्ताङ झारा म़धेत्तेन, खोन्कि मिदा म़वेन्दि।
ओन्ग़रिङा स़ङ्ताङ्चिओ अ़चुभेन्दा छ़ङ छेन्माओ बान्त युङ्सुचिउयुङ्सु। अ़नुवाक सिवा अ़सिनिन्ओ झारा स़ङ्ताङ्चि तेइसुचिकि मिदा वेइसुदिसुचि।”
साङ अ़ङ्काएदा अ़याक्निन, मो अ़खेत्वात्नि बुङ्खाया वेत्खान, खोन्कि मो छोप्खात। ओवाको अ़खेत्चि म़नाचिआ म़कोउचिकि मिदा म़वेइसुदिसुचि, खोन्कि मोचि म़ह़त्खात।
अ़ङ्काएदा कायाक झारा सिवा मान्सिकादा खेक्चि खोक्कोसाआ म़खोक्तुखाइसुचि खोन्कि सिवाकासि झारा खेक्चि च़लोक सिवा म़सिने निकिना खोक्कोसाआ मान्सिकादाचि म़क़प्तुचि।
खोन्कि अङ्गुराखा काखाङ म़नाआ लासुलो, ‘हाङ्पो, ओ हान अ़क दोङ याक्मा पुवानुम। खोन्कि अ़ङ्का ओसोओ ऱङ्कोप्नि धोक्तुङ्कि म़ला पाक्तुङ्ने।
