6 खोचि आम्नुओ आसिखा लोक्मा खान्तुचिओ म़नाचि म़मुयाङ्नालो निनाम्हाङ्आ खोचि अ़नुछ्याङा नुलोक म़मुचि, मेन खोचि आम्नुओ आसिखा लोक्मा अ़खान्तुन्चिन्ओ म़नाचि म़मुयाङ्नालो मो सेवाङ्नि खानानिन्एदा लाताने।
खाक्को खिम्दा त़वाङिन, बुया ‘ओ खिम्दा निनाम्हाङ्ओ अ़चुसेवाङ्नि युङ्ने’नि लोवानुम्च़म।
मोचिआ ऩप़न्ओ चामायुचि चासा, दुङ्सा मो खिम्दाङा युङानिन। देकिनालो काचि कामुआ अ़काचिलुङ तोक्मा खान्तु। खिम-खिम्दा मान्सोत्लुक्दानिन्चिन।
साङ्आछाङ खानानिन सोज्जेओ य़ङ्आ ऩधान्तिमिन्ने, देकिनालो मो य़ङ्ओ अ़तुक्वाआ लोमान्तेत्चिएदा निनाम्हाङ्ओ अ़चुच़ऱपा छुक।
हान सेवाङ्निओ हाङ्पाआ खानानिन अ़धुन खोन्कि झाराकापाराआ सेवाङ्नि ऩमुन्ने। हाङ्पा खानानिन झाराएदा म़युङ्ने।
कातोङ्चिआ सेवाङ्निदा अ़वेत, खोन्कि मोचिआ साम्योक्मिओ अ़सिवा अ़कोप।
खानानिन लोमावा काच़ छाचिओसा बुया मान्सिन्त़दोम्योम्हिदाओ अ़अ़त्पा मिन्माचिदा मान्वाङ्दानिन।
