51 खोक्कोसोओ अ़चुसावादाङ्का खोक्कोसाआ अ़धिवो काचि म़मुवाकि मिन्मादा ऱक्भाक कामिन्चि म़ऱसुखाइसुप़युङ्सुचि।
देकिनालो मोचिआ निनाम्हाङ अ़सिन्ताकिछाङ निनाम्हाङ्ओ अ़चुऩङ मान्लोङ्अ़दा, ना मोचिआ आलाङ्ङा अ़पुवा, मेन मोचिओ अ़चुमिन्मा सोज्जेओ लिसा, खोन्कि मोचिओ खामान्सिन अ़चुसाकोङ्वा कुइयामा लिसा।
निनाम्हाङ्ओ अ़चुतायाओ अ़देङ्सालाप्पा म़लोन्ओ दुम्छ़न्माचि खोन्कि ऱक्भाक्एनान लाम्काछेक य़ङ्चि आन्कान्का लुक्तुम्च़म्का, खोन्कि आन्कान्का झारा मिन्मा क़म्तुम्का खोन्कि मो ख्रिस्तओ अ़चुलोमाय़ङ्वा मुमेत्तुम्च़म्का।
मोवात्निङा सावाछाचि ओ, ताङ्पाचिओ अ़चुक़म्मादा युङानिन। खानानिन झारा सिम्सानिन्चिन्कि अ़क्छा निएदा फाकाफा मुवानिन, देकिनालो, “निनाम्हाङ्आ ऱक्भाक्चि फित्चि म़मुचि, मेन कासिम्नान्चिन्चि खोक्कोसाआ सोमाम़तुक्तुचि।”
खोन्ओसा अ़क लेन्ङा मो मेत्छामाएदा अ़चाअ़त्माचि स़मा, योक्मा खोन्कि स़ङ्साक्वा म़ता। मो मिआ राङ्खान, देकिनालो मोसोओ अ़छ़ङ्काछेन हाङ्पा निनाम्हाङ सावापोरिओ म़मुयाङ।”
