5 खोक्कोसोओ अ़चुनिछाचि मोवात्नि म़य़ङा देकिनालो खोचिआछाङ येसु साकोङ्छ़ङ मान्मुअ़दाङा।
येसु म़ना मुक्लाएनान म़चेवाङाहिदा खोक्कोसोओ अ़चुमा खोन्कि अ़चुदुवाछा निछाचि बुङ्खाया म़एवाङा खोन्कि खोक्कोएनान हान्मा म़सुवाङा।
खोन्कि येसुओ अ़चुखिम्लुम्पाङ्आ ओसोओ अ़तुक्वादा अ़एनाकिना खोक्को खिम्दा लाप्मातात्मा निकिना म़खारा, देकिनालो “खोक्कोसोओ अ़चुखारु माखारायुङ्सा”नि म़नाचिआ अ़लोवाङा।
मेन खोक्कोसोओ अ़चुनिछाचि चानुचादा म़खाराचिआकि खोक्को म़नाचिआ खाङ्याङ्सा माआङ, मेन मान्सिन्माङ म़खारा।
खोन्ओसा येसुओ अ़चुनिछाचिआ खोक्को अ़लोवा, “गालिल छिरादानुम, खोन्कि यहुदिया खारानिन, खोन्किना खानानिन्आ त़मुम्योम्च़म्ओ काचिचि आम्नुओ काखेङ्पाचिआछाङ अ़खाङ्ने।
खाक्को म़नाआ अ़ऩङ ऱङ्मा स़, मो सुकुलादा काचि अ़मुनिन। खानानिन ओ काचिचि त़मुम्च़म्नालो आप्पि हेन्खामादा खाङ्मुसानिन्चिन।”
