12 मोचिआ खो अ़सेना, “खाना ‘आम्इम्खा खुयुकि कोला’नि कालो म़ना साङ ओ?”
खोक्को निनाम्हाङ ब़क्खाखिमदा म़वाङा, खोन्किना खोक्कोसाआ म़चिन्तुङुचिहिदा मुलो काब़क्पाचि, म़नाचिओ अ़चुअ़धुवाचि खोक्कोएदा म़ता खोन्कि खोक्को अ़सेना, “साङ्कोओ अ़पाङ्आ खानानिन ओ काचिचि त़मुम्योम्च़म, खोन्कि साङ्आ खानानिन ओ पाङ ऩप़न?”
मेन खोसाआ खोचि लासुलोचि, “साङ्आ अ़ङ्का अ़नुसाङ, खोक्कोसाआङा ऩलोवाङ, ‘आम्इम्खा खुयुकि कोला’।”
मेन नुवाओ मो म़नाआ खोक्को साङ्ओ निकिना मान्सिन्युक्तु। देकिनालो मोदा म़ना मुक्लाचि म़युङाङाओसा येसु मोदाङ्का म़खारालोन्ताचिआयुङ्सा।
देकिनालो अ़ङ्का मोचिओ अ़चुतुक्वादा सालुम्स़ङ प़मा ऱनानिन, निनाम्हाङ्एदा मोचि अ़चुराक्स़रि ना म़मुयाङ, मेन मो राक अ़नुछ्याओ अ़चुतायावा अ़मुनिनिन।
