9 हेवाओ अ़तुक्वादा, हेन्खामादाओ म़नाचि अ़ङ्काएदा साकोङ्छ़ङ मान्मुचि। खोन्कि यायोक काप़आ मोवात्नि च़मा ना हेवा ओ निकिना खाङ्म़मेत्तुचि।
ब़ब़, नाना खोन्कि निछाचि ओ, चाप्चेत्तानिन्चिन! खानानिन खा-खाक्कोएदा याक्याङ्ओ अ़अ़त्पा खोन्कि साकोङ्छ़ङ मान्मुदामा साकोङ्वाआ खानानिन अ़ह़ङ निनाम्हाङ्एदाङ्का अ़थाया ऩखात्तिमिन्ने।
खा-खाक्को साकोङ्छ़ङ म़मुकि बप्तिस्मा म़लोक मोचि म़लेन, मेन खा-खाक्को साकोङ्छ़ङ ऩमुनिन मोचि निनाम्हाङ्आ म़ह़त्तुचि।
बुया अ़ङ्का ख्रिस्त रुकाफोक, काल़क खोन्कि खोक्को कासुङ मुवाङ्याङ्नुछाङ अ़ङ्का ओ मान्सिन्ङाङा खोन्कि साकोङ्छ़ङ मान्मुयुक्तुङ्हिदा मुङ्ओसा अ़ङ्का निनाम्हाङ्आ सोमाऩतुक्ताङ।
अ़क्दु य़ङ्हुप्ओ अ़तुक्वादा मान्सिन्युक्तुङ्हिदा अ़ङ्का ह़ङाङ्याङ। मेन लोमाय़ङ सिन्तुङ्किना अ़ङ्ह़ङ्म़ङ्दा हेवा ह़ङालोन्ता खोन्कि अ़ङ्का सुवाङ।
खोन्कि खोक्को म़ताकिना हेन्खामादाओ म़नाचि हेवा, अ़नुवाक लिमा खोन्कि छ़ङ्छेन्माओ अ़तुक्वादा मोचिआ अ़फियाङ निकिना खाङ्म़मेत्तुचि।
