4 ओ य़ङ्चि अ़ङ्का खानानिन खाएत्नायुङ्नानिन, देकिनालो माय़ङ मोवाको काचि लिहिदा अ़ङ्का खानानिन दे लोनानिन्ओ मो खानानिन्आ त़मित्तुम्तोक्तुम्ने। बुयादाङ्का अ़ङ्का खानानिन ओ मान्लोदानानिन, देकिनालो अ़ङ्का खानानिन्एनान युङाङ्याङ।
हान ओ लिमा बुया अ़ङ्का खानानिन लोनायुङ्नानिन, खोन्किना ओ देम्खा लि, खानानिन साकोङ्छ़ङ त़मुङाऩङ।
खोन्ओसा चाप्चेत्तानिन्चिन! अ़ङ्का खानानिन झारा य़ङ बुयाङा लोनाचिन्नायुङ्नानिन।
ओ लिमा बुया ओन्ग़रि अ़ङ्का खानानिन लोनानिन, खोन्किना देम्खा मो लि, अ़ङ्का खोक्कोङा ओ निकिना खानानिन साकोङ्छ़ङ त़मुन्ने।
येसुआ मोचि म़लासुलोचि, “सायाकाकाम्पा तावाङ्चिएनान अ़क्नि युङ्तारि दि मोचि सोखा म़मु कि? मेन मो लेन ता, सायाकाकाम्पा मोचिएदाङ्का अ़खात, खोन्किना मोन्ग़रि मोचि मान्चामाङ म़युङ।
खोन्कि येसुआ मोचि म़लासुलोचि, “सायाकाकाम्पा तावाङ्चिएनान अ़क्नि युङ्तारि दि मोचि मान्चामाङ म़युङ कि? सायाकाकाम मोचिएनान म़युङ्तारि मोचि मान्चामाङ युङ्मा अ़दोत्निन!
खानुम! अ़ङ्का खानानिन झारा य़ङ बुयाङा लोनाचिन्नायुङ्नानिन।
देकिनालो अ़ङ्का सिन्तुङ्योङ, आन्हाङ्पा येसु ख्रिस्तआ अ़ङ्पोक छित्मा ग़रि च़क्निङा तायाङ निकिना खाङ्ऩमेत्ताङ्युङ्साङ।
देकिनालो अ़ङ्ऩङ्ओ निम्पाङ खोसाआ देम दुखा आङ्मादोत, अ़ङ्का खो खाङ्मेत्तुङ।”
खारानिन्कि ‘निनाम्हाङ्होन च़क्दा तायुङ्सा’नि य़ङ्सा नुय़ङ्खान खालुसानुम।
अ़पुङ्मादाङ्काङा आप्पिओ अ़चुम़क्आ काखाङ म़नाचि खोन्कि निनाम्हाङ्ओ अ़चुय़ङ खाकाएत्चिआ आन्कान्का खाऩएत्तिन्काओ य़ङ्चि खोचिआ म़छाप्तुयुङ्सुचि।
अ़ङ्का खानानिन्एनान युङाङ्याङ्हिदाङा ओ य़ङ्चि लोयाङ्सा मुनाङ्नानिन ओ, दि खानानिन्आ त़मित्तुम्योम?
