9 येसुआ मोचि म़लासुलोचि, “दि अ़क लेन्दा बारकाकोम अ़याक्निन कि? अ़खोलेन काकोन अ़धुङ्निन, देकिनालो हेन्खामादाओ साम याक्याङ।
मेन अ़खाखुत काकोन धुङ, देकिनालो मो म़नाएदा साम अ़याक्निन।”
येसुआ मोचि म़लासुलोचि, “हान्छाङ अ़क्चित्तारि साम खानानिन्एदा युङ। साम खानानिन्एदा युङ्याङ्तारि कोलानिन, खोन्ओसा कुइयामाआ खानानिन त़भुक्तिमिन्ने। साङ कुइयामादा कोन, मोसाआ खो खादात्नि खात्ओ अ़सिन्तुन।
अ़ङ्का काछुत्ओ अ़चुकाचि अ़खोलेन्ङा आन्कान मुमादोत। देकिनालो अ़खाखुत तायाङ खोन्कि साङ्छाङ काचि मुमा अ़ऱनिन।
साङ्आ अ़निछा सोमातुक्तु, मो साम्दा युङ, खोन्कि खो मोदा धुङ्माओ अ़तुक्वाङा मात्द़ङ।
