3 खानानिन्आ मो खान्नुओ तित काहुम म़ना साऩङ्वा मेत्याङ्सा, “ओदा आम्नुओ निम्पाङ अ़नुवाक युङ्खादा युङानिन”नि त़लोम, मेन मान्तोक्कादा म़ना “खाना मोदाङा एवा” माङ्लो “बाखायु अ़ङ्लाङ च़क्दा युङा”नि त़लोम्नालो,
खोन्किना हेरोद खोन्कि अ़रात्खामिचिआ येसु अ़सुङ्ता खोन्कि अ़चुसाया अ़पेप्ता। खोन्किना हाङ्आ हुम्मायु खान्नुओ बोप्खु येसु अ़हुप्ता खोन्कि पिलातस्एदा अ़लासाखाइसा।
देकिनालो आन्हाङ्पा येसु ख्रिस्तओ अ़चुसोमातुक्मा खानानिन त़सिन्तुम्योम। खोक्को कातोक म़मुवाङानुछाङ आम्नुओ निम्पाङ खोक्को मान्तोक्कादा म़लिसा, खोन्ओसा खोक्कोसोओ अ़मान्तोक्दामादाङ्का खानानिन कातोक लिमा रुवानिन।
आम्नुओ यावायोक्खिम्दा अ़क्छा म़ना हाराक्वाओ छोक्वेन्मा खोन्कि खान्नुओ तित हुम्कि ता, खोन्कि अ़क्छा मान्तोक्कादाछाङ अ़पेत्वा तित हुम्कि तानालो
मेन खानानिन्आ मान्तोक्कादा म़नाचि अ़चुसाया त़पेप्तुम्युङ्सुम्च़म। दि कातोक म़नाचिआ खानानिन ऩतिमिमिन्कि मोचिआ खानानिन छ़ङ्छेन्खादा ऩसारिन्खात्तिमिन कि?
छुऩङ्वा कामु म़नाचि, काऱक्चि, अ़चुअ़त्लो मित्मादा काकोन्चि, ऱफोक्वा य़ङ काचेप्चि खोन्कि अ़चुओ तोक्माओ निम्पाङ नि म़नाचि वाकालेङ ओचिङा ओ।
