2 खोन्कि अ़पाआ अ़छ़ङ मुओ ग़रितारि खो कातित खोन्कि कारात्ओ अ़पाङ्दा युङ।
खानानिन अ़ङ्काएदा त़याइन्कि अ़ङ्य़ङ खानानिन्एदा याक्नालो खानानिन दे त़मिनिन, मो दोरानुम, खोन्कि मो आम्नुओ निम्पाङ मु।
देकिनालो ख्रिस्तदा आम्नुओ कातित्चि दस हजारा म़युङ्याङ्नुछाङ आम्नुओ लावामि पापा अ़क्छा ओन्ङा म़युङ्याङ। देकिनालो नुय़ङ्खान खाएत्निकि ख्रिस्त येसुदा अ़ङ्का आम्नुओपा लिसाङ।
साकोङ्छ़ङ्लाम्पा आन्कान साम्योक्मि कान्मान्चिन ऱन्ने निकिना य़ङ्हुप आन्कान कारात लिसाकि आन्कान ख्रिस्तएदातारि म़तित्ता।
अ़ङ्का य़ङ्ङाङाओसो अ़तुप्माय़ङ ओङा ओ, पाङ्कातोक देम्खातारिछाङा मु, खो झारा सामाओ अ़चुहाङ्पानुछाङ हारुक्दाङ्का निवात्नि अ़मुनिन।
ओवात्निङा आन्कान्छाङ ख्रिस्त तामा बुया छाचिवा मुन्येन, आन्कान हेन्खामादाओ माङ्चिओ अ़चुहारुक्दा याइन्येन।
