5 देकिनालो खानानिन्आ ओ अ़नुछ्या सिन्तानुम, खाक्कोछाङ ताङ्लान कामु खोन्कि अ़सेङ्निनिन्ओ म़ना माङ्लो च़क्ख़य़ कामु म़ना (मो अ़क्छा सेम्पोक काब़क ओ), ख्रिस्तओ खोन्कि निनाम्हाङ्ओ अ़चुहाङ्होन्दा देम्खाछाङ पाङ्यि अ़तोक्तुन।
हान अ़ङ्का खानानिन निनाम्हाङ्ओ खोन्कि खोक्कोसोओ अ़चुसोम्तुक्माओ य़ङ्दा पाक्नाङ्नानिन। निनाम्हाङ्ओ अ़चुय़ङ्आ खानानिन येसुएदा साकोङ्छ़ङ नुलोक मुमा त़ऱन्ने खोन्कि म़सेङ्सुचिओ झारा म़नाचिओ अ़चुरादा खानानिन आसिखा ऩप़न्ने।
ओ काचि खाना मुमा त़ऱनान, देकिनालो निनाम्हाङ्ओ अ़चुबुदा आम्साकोङ्वा अ़नुवाक अ़मुनिनिन।
पोक्ओ हेवामि च़माथाङ्माओ काचिचि छेङ्छेङ्छेङ्वा म़मुयाङ। मोचि ताङ्लान, पोप्मा, हात्मा,
माइसुङ, सेत्चावा, ताकावा काच़ खोन्कि नि ओवाको य़ङ्चि ओवाको निचि ओचिओ अ़तुक्वादा अ़ङ्का खानानिन चाप्चेत्नानिन। खोन्कि बुयाछाङ चाप्चेत्नानिन्ओ। साङ्आ ओवाको काचिचि मुचि, निनाम्हाङ्ओ अ़चुहाङ्होन्ओ आसिखाओ पाङ्यि अ़लिनिन।
मेन आम्नुओ रादा पोप्मुमा खोन्कि झाराकाखालाओ अ़सेङ्निनिन्ओ माङ्लो च़ख़य़ओ अ़ऩङ्छाङ अ़बुत्निन्ने। मो निनाम्हाङ्ओ अ़चुम़नाचिएदा लिमा अ़खान्तुन।
खोक्कोसाआ आन्कान कुन्यामाओ अ़सावादाङ्का म़फोङ्सा, खोन्कि सोमाअ़तुक्ताङाओ अ़चुओछाओ अ़चुहाङ्होन्दा म़खाइसायुङ्सा।
खोन्ओसा खानानिन्एदा म़युङ्याङ्ओ हेन्खामादाओ मिन्माचि सेरानुम्च़म। मोचि पोप्मुमा, मान्सेङ्दामा, राका मित्मा, अ़त्लो मित्मा ओ। च़क्ख़य़ मान्मुदानिन, देकिनालो मो सेम्पोक ब़क्मावाको ओ।
देकिनालो याङ सोमातुक्माङा झारापाराओ अ़अ़त्पाओ अ़भेन ओ। याङ्ओ च़क्ख़य़दा म़छुक्ताकि खा-खाक्कोचि साकोङ्छ़ङ्दाङ्का नि लाम्दा म़वाङायुङ्सा, खोन्कि ब़द्धे दुखाचिआ मोचिओ अ़चुसाकोङ्वाचि धुउयुङ्सु।
ओ हेन्खामादाओ कातोक्चि ऱक्भाक मान्लिदानिन्नि लोचि। अ़छ़ङ मात्द़ङ्ओ चासुम्छेन्बिदा माआङ, मेन आन्कान ऩङानुमान्चिन्ओ निम्पाङ झारा सामा ब़द्धे याङ्मा काप़ निनाम्हाङ्एदा मोचि सोम्कुवा म़मुने।
झारासाआ सायाकाम्माय़ङ साया मेत्मादोत खोन्कि खिम्हाङ्मा खिम्हाङ्पा सोम्कुवा मुकामु लिमादोत, देकिनालो काचान्चाचि खोन्कि ताङ्लान कामुचि निनाम्हाङ्आ छ़ङ म़छेन्तुचि।
मेन अ़चुक़मा काकात्चि, साकोङ्छ़ङ मान्मुकादाचि, चिप्माकात्तुओचि, म़ना कासेत्चि, पोप्कामुचि, म़क्फेङ कामुचि, सेम्पोक काब़क्चि खोन्कि म़ना काम़प्चि झारा मो म़नाचिओ अ़चुपाङ्यि लेत्याङ्ओ गन्दक्ओ मिराक्दा लि। ओ ह्वादुओदु स़मा ओ।”
मेन मो सहरा बुङ्खाया ना कुतिवाचि, म़क्फेङ कामुचि, पोप्कापोप कामुचि, म़ना कासेत्चि, सेम्पोक काब़क्चि खोन्कि सोज्जेओ ऩङाकानुचि खोन्कि मोवात्निङा काच़चि म़युङ।
