कलस्‍सि 2:2 - बान्‍तावा राई

² मोचिआ अ़चुसाकोङ्‌वादा राक अ़तोक्‍ने, खोन्‍कि सोम्‍तुक्‍मादा अ़क्‍नि म़लिने निकिना अ़ङ्‌का ओ दुखा मुङ्‌योङ्‌ओ। मोचिआ निनाम्‍हाङ्‌ओ अ़चुकोङ्‌दुम्‌ओ ताया सिन्‍मादा मोचि नुछ्‍याङा अ़छ़ङ म़लिनेनि मिन्‍ङाङा। मो कोङ्‌दुम ख्रिस्‍त आप्‍पि ओ।

कलस्‍सि 2:2 交叉參考

मत्‍ति 11:25

मोन्‍ग़रि येसु म़य़ङा, “आपो, निनाम्‍मा खोन्‍कि हेन्‍खामादाओ हाङ्‌पा, अ़ङ्‌का खानानिन आलाङ प़नाङ्‌नानिन, देकिनालो खानानिन्‌आ ओ य़ङ्‌चि खारु कातोक खोन्‍कि तायाहाङ्‌पाचिदाङ्‌का त़कुम्‍सुम, खोन्‍कि छाचि मो खाङ्‌त़मेत्‍तुम्‍च़म।

मत्‍ति 11:27

खोन्‍किना येसु म़य़ङा, “अ़ङ्‌पापाआ झारा सामाचिएदा पाङ्‌मुमा सावा अ़ङ्‌का ऩपुवाङ्‌युङ्‌साङ। निनाम्‍हाङ्‌ओ अ़चुछा साङ निकि अ़ङ्‌पापाएदाङ्‌का साङ्‌आछाङ अ़सिन्‍तुन। अ़ङ्‌पापा साङ निकिना अ़ङ्‌काएदाङ्‌का साङ्‌आछाङ अ़सिन्‍तुन। खोन्‍कि अ़ङ्‌का साङ्‌एदा खाङ मुमानि मिन्‍ङा, मोएदाङ्‌का नि साङ्‌आछाङ अ़ङ्‌पापा साङ निकिना अ़सिन्‍तुन।

मत्‍ति 13:11

येसुआ मोचि म़लासुलोचि, “खानानिन निनाम्‍हाङ्‌होन्‌ओ अ़कोङ्‌दुम्‌ओ अ़तुक्‌वादा तुप्‍खाताया ऩप़न्‌युङ्‌सिन, मेन निचि माआङ।

लुका 1:1

ओदा निनाम्‍हाङ्‌आ आन्‍काओ रादा अ़मुवाओ काचिचिओ अ़चुतुक्‌वादा ब़द्‍धेकापाङ्‌आ अ़छाप्‍तायुङ्‌सा।

युहन्‍ना 10:30

अ़ङ्‌पापा खोन्‍कि अ़ङ्‌का अ़क्‌तात्‌ङा ओ।”

युहन्‍ना 10:38

मेन अ़ङ्‌का अ़ङ्‌पापाओ अ़चुकाचि मुङ्‌नालो खानानिन अ़ङ्‌काएदा साकोङ्‌छ़ङ त़मुन्‍मिन्‌नुछाङ ओ म़दोम्‍दाओ काचिचिदा साकोङ्‌छ़ङ मुवानिन। खोन्‌ओसा खानानिन्‌आ सिन्‍मा त़ऱम खोन्‍कि त़तुप्‍तुम, पापा अ़ङ्‌काएदा म़याक्‌याङ खोन्‍कि अ़ङ्‌का पापाएदा याक्‍ङाङा।”

युहन्‍ना 16:15

झारा अ़ङ्‌पापाएदा म़युङ्‌याङ्‌ओ, मो अ़ङ्‌कोचिङा ओ। खोन्‌ओसा अ़ङ्‌का य़ङाङ, दि अ़ङ्‌को ओ, अ़ङ्‌काएदाङ्‌का सेङ्‌लावाआ लोउकि खानानिन खाऩएत्‍तिन।

युहन्‍ना 17:3

खानानिन अ़क्‍छा ओन्‍ङा ओ अ़नुछ्‍याओ निनाम्‍हाङ त़युङिन्‌येन, खोन्‍कि खानानिन्‌आ येसु ख्रिस्‍त त़छुत्‍तुम। खानानिन खोन्‍कि खो सिन्‍मालाम्‍पा अ़लुक्‍निन्‌ओ ह़ङ्‌म़ङ अ़तोक।

युहन्‍ना 5:17

खोन्‍कि येसुआ मोचि म़लासुलोचि, “अ़ङ्‌पापा ओन्‍ग़रितारि काचि म़मुयाङ, खोन्‍कि अ़ङ्‌काछाङ काचि मुङाङा।”

युहन्‍ना 5:23

खोन्‍कि देत्‍नि मोचिआ पापा साया अ़मेत, मोवात्‍निङा झारासाआ अ़चुछा साया अ़मेत्‍ने। साङ्‌आ अ़चुछा साया अ़मेत्‍तुन, खो काछुत पापाछाङ साया अ़मेत्‍तुन।

युहन्‍ना 6:69

खोन्‍कि आन्‍कान्‍का साकोङ्‌छ़ङ मुनियुङ्‌नि खोन्‍कि सिन्‍नियुङ्‌नि, खानानिन निनाम्‍हाङ्‌ओ त़सेङिन्‌येन्‌ओ अ़चुम़ना ओ।”

छाम्‍माय़ङ 4:32

साकोङ्‌छ़ङ कामुचि झारा अ़क साकोङ्‌वा खोन्‍कि अ़क मिन्‍मा म़लिसायुङ्‌सा, खोन्‍कि मोचिएदा युङाङाओ अ़चुचासुम्‍छेन्‍बिचि “अ़ङ्‌को ओन्‍ङा”नि मान्‌य़ङ्‌याङ्‌चि। मेन मोचि झारासोओ अ़चुचासुम्‍छेन्‍बिचि अ़क्‍छा निएदा म़हासुङुचि।

रोमि 15:13

सोम्‍कुवा मुमा खान्‍तुओ निनाम्‍हाङ्‌आ झारा मिन्‍माचानुमा खोन्‍कि सेवाङ्‌निआ ऩभेम्‍सिन्‍ने, देकिनालो खानानिन खोक्‍को साकोङ्‌छ़ङ त़मुम। खोन्‌ओसा सेङ्‌लावाओ अ़चुसावाआ आम्‍नुओ सोम्‍कुवा पोन्‌याङ्‌सा खात।

रोमि 16:25

हान आन्‍कान झारासा निनाम्‍हाङ्‌ओ अ़चुऩङ्‌लोङ्‌सुम्‍ने! अ़ङ्‌का येसु ख्रिस्‍तओ अ़चुतुक्‌वादा खालुसुङ्‌ओ नुय़ङ्‌खान्‌लाम्‍पा खोक्‍कोसाआ खानानिन आम्‍नुओ साकोङ्‌छ़ङ्‌दा सावापोरिओ मुमा ऩऱन। मो नुय़ङ्‌खान्‌ओ अ़कोङ्‌दुम्‌ओ तुप्‍माय़ङ, जुगा-जुगायुङ्‌का कुम्‍सायुङ्‌सा।

रोमि 2:4

माङ्‌लो निनाम्‍हाङ्‌ओ अ़चुसोम्‍तुक्‍माआ खाना खोक्‍कोएदा लामान्‍चिन ऩतित्‌नि त़सिन्‍तुन कि, दि खोक्‍कोसोओ तोक्‍पो अ़चुसोम्‍तुक्‍मा, अ़चुआङ्‌मा खोन्‍कि अ़चुहुङ्‌मा त़सुङ्‌तुङु?

१ कोरिन्‍थि 14:31

खानानिन अ़क्‍छा चिन खोन्‍कि नि निनाम्‍हाङ्‌य़ङ खालुमा त़ऱन, खोवात्‍निओसा झारासा खेङ्‌मा अ़ऱ, खोन्‍कि झारासा राक अ़तोक।

१ कोरिन्‍थि 2:12

आन्‍कान हेन्‍खामाओ अ़लावा मान्‍तोक्‍दोम, मेन निनाम्‍हाङ्‌एदाङ्‌का सेङ्‌लावा आन्‍कान तोक्‍तुम्‌युङ्‌सुम। खोवात्‍निओसा आन्‍कान निनाम्‍हाङ्‌एदाङ्‌का मोहा म़पुवाओ य़ङ्‌चि तुप्‍मा ऱम्‍च़म।

गलाति 3:28

खोन्‌ओसा हान ना यहुदि ना ग्रिक, ना हारुक ना लेत्‌वा, ना दुवाछा ना मेत्‍छाछा निकिना अ़फेक्‍निन, देकिनालो ख्रिस्‍त येसुएदा खानानिन झारा अ़क्‌तात्‌ङा ओ।

एफिसि 1:7

निनाम्‍हाङ्‌ओ अ़न्‍नुनु अ़चुसोम्‍तुक्‍माआ ख्रिस्‍तओ अ़चुहेन्‍खोक्‌वालाम्‍पा खोक्‍कोसाआ म़फोङ्‌सा खोन्‍कि आन्‍हेवाचि म़लेत्‍ता।

एफिसि 3:16

अ़ङ्‌का यामात्‍ङा, निनाम्‍हाङ्‌ओ अ़न्‍नुनु तोक्‍पो सायाआ अ़चुलावाओ सावालाम्‍पा आम्‍नुओ कोङ्‌हुत्‌दा त़छोसिन्‍लो ऩमुन्‍ने।

एफिसि 3:3

निनाम्‍हाङ्‌आ अ़ङ्‌का मो अ़कोङ्‌दुम सिन्‍ऩमेत्‍ताङ्‍ओ। ओसोओ अ़तुक्‌वादा अ़ङ्‌का खानानिन बुयाङा थुत्‍मेत्‍लो छाप्‍नानिन्‌ओ।

एफिसि 6:22

आन्‍काओ तुक्‌वादा खानानिन्‌आ सिन्‍मा त़ऱम्‍ने, खोन्‍कि खोसाआ आम्‍नुओ साकोङ्‌वाचिदा राक त़प़न्‍नेनिओ मिन्‍माआ अ़ङ्‌का खो खानानिन्‌एदा बाइसुङ्‍ओ।

फिलिप्‍पि 2:1

मोवात्‍नि ख्रिस्‍तएदा अ़क्‍भोम लिमादा अ़क्‍चित राक याक्‌याङ्‌नालो, खोक्‍कोसोओ अ़चुसोमातुक्‍मादाङ्‌काओ अ़क्‍चित सोम्‍सेत्‍मा याक्‌याङ्‌नालो, निनाम्‍हाङ लावाएनान्‌ओ अ़क्‍चित यावायोक युङ्‌याङ्‌नालो, अ़क्‍छा निएदा सोमातुक्‍मा खोन्‍कि सोम्‍मासेत्‍माय़ङ अ़क्‍चित युङ्‌याङ्‌नालो,

फिलिप्‍पि 3:8

अ़नुछ्‍या ख्रिस्‍त येसु अ़ङ्‌हाङ्‌पा निकिना सिन्‍मा तोक्‍पो अ़वाखाम तोक्‍तुङ्‌ओदा नि झारा य़ङ्‌चि अ़काचि मात्‍द़ङ्‌ओनि मित्‍तुङ्‌च़ङ। ख्रिस्‍त तोक्‍मा ऱङ्‌ने निकिना खोक्‍कोसोओ निम्‍पाङ अ़ङ्‌का झारा य़ङ्‌चि छिरुङ्‌युङ्‌सुङ्‌च़ङ, खोन्‍किना झारा मोचि सिप्‍भाङ्‌वा मित्‍तुङ्‌च़ङ,

कलस्‍सि 1:26

निनाम्‍हाङ्‌ओ मो य़ङ जुगा-जुगा खोन्‍कि दुङ-दुङ बुयादाङ्‌का अ़कोङ्‌दुम्‌वा म़कुम्‍सायुङ्‌साओ, हान खोक्‍कोसोओ अ़चुम़नाचि खाङ्‌म़मेत्‍तुयुङ्‌सुचि।

कलस्‍सि 1:27

झारा रावाचिओ निम्‍पाङ खोक्‍कोसोओ ओ ब़द्‍धे तोक्‍पो अ़चुकोङ्‌दुम खोसोओ अ़चुम़नाचिआ अ़तुप्‍नेनि निनाम्‍हाङ म़मिन। अ़कोङ्‌दुम ओक्‍कोङा ओ, ख्रिस्‍त खानानिन्‌एदा म़याक्‌याङ। ओ य़ङ्‌आ खानानिन्‌छाङ निनाम्‍हाङ्‌ओ अ़चुसाम त़तोक्‍तुम्‌नि मिन्‍मा ऩप़न।

कलस्‍सि 1:9

खोन्‌ओसा आम्‍नुओ तुक्‌वादा आन्‍कान्‍का एनुम्‍काओ लेन्‌दाङ्‌का झारा लावामि खारु खोन्‍कि तुप्‍माआ निनाम्‍हाङ्‌ओ अ़चुमिन्‍मा नुलोक तुप्‍मा त़ऱम्‍ने निकिना आम्‍नुओ निम्‍पाङ आन्‍कान्‍का यामात्‍मा मान्‍छित्‌युक्‍तुम्‍का।

कलस्‍सि 2:19

ख्रिस्‍त ताङ्‌ओनुछाङ मोचि खोक्‍कोएनान मान्‍चोक्‍म़युक। खोसाआ सावाऱक खोन्‍कि अ़तुम्‌चिलाम्‍पा पोक्‌दा दोत्‌याङ्‌ओ झारा खाइसुकि झारा पोक्‍फुत्‍चि अ़क्‍नि लाउचि। खोन्‍कि मो पोक निनाम्‍हाङ्‌ओ अ़चुमिन्‍मावा पोन।

कलस्‍सि 3:14

ओ झारादाङ्‌का च़लोक सोम्‍तुक्‍मा लोआनुम, मोसाआ खानानिन झारा अ़क्‌तात लिमादा अ़क्‍नि म़छुम।

कलस्‍सि 4:3

आन्‍काओ निम्‍पाङ्‌छाङ ओवात्‍नि यामारानिन: ख्रिस्‍तओ अ़चुतुक्‌वादाओ मो अ़कोङ्‌दुम खालुमा अ़वाखाम निनाम्‍हाङ्‌आ आन्‍कान्‍का लाम ऩहोत्‍तिन्‍प़न्‍काने। मोसोओ निम्‍पाङ अ़ङ्‌का छेक्‍खादा छुक्‍ताङ्‌युङ्‌साङ।

कलस्‍सि 4:8

आन्‍काओ तुक्‌वादा खानानिन्‌आ सिन्‍मा त़ऱम्‍ने, खोन्‍कि खोसाआ आम्‍नुओ साकोङ्‌वाचिदा राक त़प़न्‍नेनिओ मिन्‍माआ अ़ङ्‌का खो खानानिन्‌एदा बाइसुङ्‍ओ।

१ थेसलोनिकि 1:5

देकिनालो आन्‍कान्‍का खानानिन्‌एदा नुय़ङ्‌खान तारुम्‍काहिदा य़ङ्‌चिदा ओन्‍ङा माआङ, मेन सावा खोन्‍कि सेङ्‌लावादाछाङ अ़नुछ्‍या तारुम्‍काओ त़सिन्‍तुम्‌युङ्‌सुम। आम्‍नुओ निम्‍पाङ आन्‍कान्‍का आम्‍नुओ रादा देत्‍नि युङिन्‍काओ खानानिन नुलोक त़सिन्‍तुम्‌योम।

१ थेसलोनिकि 3:2

खोन्‍कि खानानिन तुप्‍सि तिमोथि छुत्‍तुम्‍का। खो आन्‍निछा ख्रिस्‍तओ अ़चुनुय़ङ्‌खान खालुमा काफा निनाम्‍हाङ्‌ओ अ़चुकाचि कामु ओ। आन्‍कान्‍का खो खानानिन नुलोक साकोङ्‌छ़ङ मुमेत्‍मा फासि खोन्‍कि आम्‍नुओ सोम्‍कुवादा राक प़सि छुत्‍तुम्‍का।

१ थेसलोनिकि 5:14

ब़ब़, नाना खोन्‍कि निछाचि ओ, आन्‍कान्‍काआ खानानिन यायोक प़निङ्‌नि, कासोचि चाप्‍चेत्‍तानुम्‍च़म। अ़चुराक सुवाओचि, मान्‍ऱकादाचि फासानुम्‍च़म। झाराचिएनान नुलोक चेवानिन।

१ तिमोथि 3:16

आन्‍कान काङ्‌सिन, आन्‍साकोङ्‌छ़ङ्‌ओ अ़तुप्‍माय़ङ अ़न्‍नुनु तोक्‍पो मुयाङ: खोक्‍को पोक्‌दा खाङ्‌म़मुसान्‍चिन, सेङ्‌लावालाम्‍पा खोक्‍को साम्‌योक्‍मि अ़काइसा। निनाम्‍हाङ काफाचिआ खोक्‍को अ़खा, खोक्‍कोसोओ अ़चुतुक्‌वादा रावा-रावाचिओ अ़चुरादा खालुसा। खोक्‍को झारा हेन्‍खामादाओ म़नाचिआ साकोङ्‌छ़ङ अ़मुवा, खोन्‍कि खोक्‍को साम्‌दा निनाम्‍मादु अ़थेन्‍ताखात्‍ता।

हिब्रु 10:22

खोन्‌ओसा आन्‍कान सेङ्‌याङ्‌ओ साकोङ्‌वा खोन्‍कि अ़छ़ङ साकोङ्‌छ़ङ मुन्‌कि निनाम्‍हाङ्‌ओ अ़चुबुदा खारिन्‍ने। देकिनालो आन्‍छेन्‍खातायाचि ख्रिस्‍तओ अ़चुह़आ सेङ्‌माचि निकिना म़रेप्‍तायुङ्‌सा, खोन्‍कि आन्‍पोक्‌चि सेङ्‌याङ्‌ओ चाक्‌वाआ वाम़स़त्‍तापुवायुङ्‌सा।

हिब्रु 6:11

आन्‍काओ तोक्‍पो मिन्‍मा ओङा ओ, खानानिन झारासा आदेङ्‌तारि मो आम्‍नुओ राक खाङ्‌मुसानुम खोन्‍कि दि खानानिन्‌आ त़हुङुम्‌योम्‌ओ, मो अ़छ़ङ मुवानुम।

२ पत्रुस 1:10

खोन्‌ओसा, ब़ब़, नाना खोन्‍कि निछाचि ओ, खानानिन बुत्‍माय़ङ खोन्‍कि छेन्‍माय़ङ अ़छ़ङ मुमाओ निम्‍पाङ च़लोक राक मुवानिन, देकिनालो खानानिन मोवात्‍नि त़च़न्‌नालो खानानिन देम्‍खाछाङ त़धाम्‍सिमिन।

२ पत्रुस 1:3

खोक्‍कोसोओ अ़चुसावालाम्‍पा आन्‍कान ह़ङ्‌म़ङ खोन्‍कि साम्‌योक्‍मिदा दोत्‌ओ झारा सामाचि आन्‍कान म़पुवायुङ्‌सा। खोक्‍कोसोओ आप्‍पिओ अ़चुसाम खोन्‍कि अ़च़वाङ्‌लाम्‍पा आन्‍कान म़बुत्‍तायुङ्‌साओ निनाम्‍हाङ आन्‍कान सिन्‍तुम्‌ओसा ओ झारा सामाचि तोक्‍तुम।

२ पत्रुस 3:18

मेन आन्‍हाङ्‌पा खोन्‍कि कालेन्‍पा येसु ख्रिस्‍तओ अ़चुताया खोन्‍कि अ़चुसोम्‍तुक्‍मादा पोन्‌याङ्‌सा खारानिन। ओन्‍ग़रि खोन्‍कि अ़धुन हाङ्‌पाओ अ़चुऩङ्‌लोङ्‌ने। मोवात्‍निङा लिने!

१ युहन्‍ना 3:19

आन्‍कान ओदाङ्‌काङा अ़छ़ङ्‌दाओ निकिना आन्‍कान सिन्‍तुम, खोन्‍कि निनाम्‍हाङ्‌ओ अ़चुबुदा आन्‍साकोङ्‌वा सेवाङ्‌नि लु,

१ युहन्‍ना 5:7

खोन्‍कि सालुम्‍स़ङ काप़ ना सेङ्‌लावाङा म़युङ्‌याङ, देकिनालो सेङ्‌लावा अ़छ़ङ म़मुयाङ।