4 खोन्किना मो यरुसलेम्दाङ्का म़रिसाखाराओ साकोङ्छ़ङ कामुचिआ झारादात्नि म़खाराकि येसुओ अ़चुतुक्वादा खाअ़लुसा।
स्तिफनस अ़सेराकि दुखा प़मा म़पुक्तुचिओ ग़रि साकोङ्छ़ङ कामुचि झारादात्नि म़रिसाखाराओचिआ यहुदिचिओ अ़चुरादा ओन्ङा नुय़ङ्खान खाएत्याङ्सा फोनिके, साइप्रस खोन्कि एन्तिओखियातारि म़कोला।
स्तिफनस लुङ्ताक्आ वेन्मासेत्मादा सावल काङ्सा। मो लेन्ङा यरुसलेम्दा साम्भुङ्ओ अ़देङ्सालाप्पादा म़नाचिआ चाअ़त्लो दुखा प़मा म़पुक्तुचि। खोन्कि छाम्माय़ङ्चिदाङ्का नि झारा साकोङ्छ़ङ कामुचि यहुदिया खोन्कि सामरिया धिखाहुप्चिदात्नि म़रिसाखारा।
मोचिआ खानानिन अ़क्तात सहरादा दुखा ऩप़न्हिदा खानानिन नि सहरादा फुङ्सानिन। देकिनालो अ़नुछ्या अ़ङ्का खानानिन लोनानिन, म़नाओ अ़छा तामा बुया खानानिन्आ इस्राएल्दाओ झारा सहराचिदा आम्नुओ काचि त़मुन्चिइमिन।
आन्कान्का बुयाङा फिलिप्पिदा चाअ़त्लो दुखा आङ्तुम्काओ खोन्कि आन्काओ साया ऩपेप्तिन्काओ य़ङ ना खानानिन त़सिन्तुम्योम। मेन अ़न्नुनु फित्चि ऩमुन्कानुछाङ आन्निनाम्हाङ्लाम्पा आन्कान्का राक तोक्तुम्काकिना खोक्कोसोओ अ़नुय़ङ्खान मान्क़माङ खानानिन खाएत्नि।
पावल खोन्कि बारनाबास्आ हाङ्पाओ अ़चुय़ङ मोदाओ नि ब़द्धेकापाङ्चिएनान म़तोङाकि चिन्याङ्सा खोन्कि खालुयाङ्सा एन्तिओखियादाङा युङाचि।
अ़पुङ्मादाङ्काङा आप्पिओ अ़चुम़क्आ काखाङ म़नाचि खोन्कि निनाम्हाङ्ओ अ़चुय़ङ खाकाएत्चिआ आन्कान्का खाऩएत्तिन्काओ य़ङ्चि खोचिआ म़छाप्तुयुङ्सुचि।
मेन फिलिप्आ निनाम्हाङ्ओ अ़चुहाङ्होन्ओ अ़तुक्वादा खोन्कि येसु ख्रिस्तओ अ़चुऩङ्दा नुय़ङ्खान खालुसु, खोन्कि मोचि मो य़ङ्दा साकोङ्छ़ङ म़मुवाकि झारा दुवाछा खोन्कि मेत्छामाचि बप्तिस्मा म़लोआ।