3 पावल्आ तिमोथि अ़क्नि खात्मानि मित्तु, खोन्ओसा खोसाआ मोचिदा कायुङ यहुदिचिआ फित्चि ऩमुन्ने निकिना खो सिप्मायाम्बुन पाक्तु। देकिनालो मोचिदा कायुङ झारा यहुदिचिआ तिमोथिओ अ़पा ग्रिक ओ निकिना अ़सिन्ताङा।
मेन मोचि ‘सेम्पोक हेन्खोक्वा दात्माय़ङ चामायु चामा, ताङ्लान मुमादाङ्का खोन्कि अ़पोत्दा पिन्मासेत्माय़ङ सायाम्पोक्ओ अ़सा चामा खोन्कि अ़ह़ चामादाङ्का अ़थाया युङानिन’निकिना आन्कान छाप्तुम हान्तुम्च़म्ने।
बारनाबास काङ्सा खोन्कि खोसाआ मर्कुस्नि लोवाङाओ युहन्नाछाङ अ़क्नि खात्मानि मित्तु।
मेन पावल्आ सिलास छेन्तु, खोन्किना साकोङ्छ़ङ कामुचिआ निनाम्हाङ्ओ अ़चुछुक्दा म़लेत्तुछोक्तुचि, खोन्कि खोचि म़छुत्तुखाइसुचि।
सिप्मायाम्बुन पाक्मा दित्छाङ माआङ खोन्कि सिप्मायाम्बुन मान्पाक्दामाछाङ दित्छाङ माआङ। मेन निनाम्हाङ्ओ अ़चुलोमाय़ङ काङ्माङा अ़च़वाङ य़ङ ओ।
यहुदिचि तात्माचि निम्पाङ अ़ङ्का यहुदिचिएदा यहुदिचिवाङा लिसाङ। य़ङ्हुप्ओ अ़क़म्मादा कायुङ्चि तात्माचि निम्पाङ अ़ङ्का य़ङ्हुप्ओ अ़क़म्मादा मात्द़ङ्ङाङानुछाङ य़ङ्हुप्ओ अ़क़म्मादा म़याआङाओचि तात्माचि निम्पाङ य़ङ्हुप्ओङा अ़क़म्मादा याइन्वाङा लिसाङ।
मेन अ़ङ्काएनान अ़क्नि कायुङ तितस ग्रिक्नुछाङ सिप्मायाम्बुन लिमादोत निकिना साङ्आछाङ राकाङ्थेत्नि मान्मुअ़दा।
देकिनालो देत्नि निनाम्हाङ पत्रुस्ओ अ़छाम्माय़ङ अ़काचिदा यहुदिचिओ अ़चुरादा काचि म़मुवा, मोवात्निङा अ़ङ्छाम्माय़ङ काचिदाछाङ निरावाचिओ अ़चुरादा निनाम्हाङ काचि म़मुवा।
ख्रिस्त येसुएदा सिप्मायाम्बुन पाक्तुम्नुछाङ अ़पाक्तिमिन्नुछाङ मो अ़च़वाङ य़ङ माआङ। मेन साकोङ्छ़ङ सोमातुक्मालाम्पा खाङ्मु।
मेन तिमोथि दियाको म़ना ओ, खानानिन्आ त़सिन्तुम्योम, देत्नि अ़छाआ अ़पा ब़रु, मोवात्निङा खोसाआ अ़ङ्का नुय़ङ्खान खालुमा अ़फासाङ।
