3 खोन्किना साम्भुङ्दाओचिआ खोचि मोदाङ्का म़छुत्तुचि। खोचि फोनिके खोन्कि सामरिया लियाङ्सा म़खाराङाहिदा निरावाचिआछाङ निनाम्हाङ अ़लोआओ य़ङ मोचि खाम़एत्तुचि। मो य़ङ्आ मोदाओ झारा साकोङ्छ़ङ कामुचिओ अ़न्नुनु अ़चुऩङानुवा।
मेन आन्कान खाबाचा चामा खोन्कि ऩङानुमान्चिन्दोराङाओ। देकिनालो ओ आम्निछा सुवादावात्निओ, हान ह़ङायुङ्सा, मासावात्निओ, धिरायुङ्सा।’”
खोन्कि अ़क्लेन पत्रुस पुवालोन्ताकि साकोङ्छ़ङ कामुचिओ अ़चुरादा चेप्मा पुङ्सु, मोदा आप्फात अ़क सये बिस्कापाङ हाङ्पा येसुदा साकोङ्छ़ङ कामु म़नाचि म़कोवान्युङ्सान्चिन।
निरावाचिआ ओ य़ङ अ़एनाकिना मोचिओ अ़चुऩङानुवा, खोन्कि निनाम्हाङ्ओ अ़चुय़ङ अ़चोन्ता, खोन्कि अ़लुक्निन्ओ ह़ङ्म़ङ्ओ निम्पाङ निनाम्हाङ्आ म़छेन्तुचिओचि झारा साकोङ्छ़ङ म़मुवा।
खोन्कि एन्तिओखियादाओ येसु काखेङ्चि अ़चुऩङानुमाआ खोन्कि सेङ्लावाआ म़भेप्ता।
खोचि एन्तिओखियादा लासाताचिकिना साम्भुङ अ़बुत्ताचु, खोन्कि निनाम्हाङ्आ खोचिएदा अ़मुवाओ झारा काचिचिओ अ़तुक्वादा खोन्कि देत्नि निनाम्हाङ्आ निरावाचिछाङ साकोङ्छ़ङ मुखालाम म़होत्तुप़चिओ मो खाअ़एत्ताचुचिन।
खा-खाक्को म़नाचि यहुदियादाङ्का एन्तिओखियादा म़ताकि काखेङ्चि “निनाम्हाङ्य़ङ खाकालु मोसाओ अ़य़ङ्हुप्वा सिप्मायाम्बुन त़मुन्मिन्नालो ना खानानिन त़लेरिमिन”नि साकोङ्छ़ङ कामुचि म़चिन्तुचि।
खोन्किना म़कोवान्चिन्ओ झारा म़नाचि वाइवेत म़युङा, खोन्कि निरावाचिओ अ़चुरादा खोचिलाम्पा बुन्चि खोन्कि म़दोम्दाओ काचिचि निनाम्हाङ्आ अ़मुवाओ अ़तुक्वादा बारनाबास खोन्कि पावल्आ खाअ़लुसाचुओ खोचिआ अ़एना।
खोन्किना छाम्माय़ङ्चिकि ताङ्पाचि खोन्कि यरुसलेम साम्भुङ्दाओ झारा म़नाचि म़तोङाकि अ़चुरादाङ्का पावल खोन्कि बारनाबास्एनान एन्तिओखियादा देम्कापाङ म़नाचि खान्मा अ़छ़ङ अ़मुवा। खोचिआ बारसाबास्नि लोवाङाओ यहुदा खोन्कि सिलास म़छेन्तुचि। खोचि मो साकोङ्छ़ङ कामुचिएदाओ बुसुवाचि ओ।
यहुदा खोन्कि सिलास ह़वाङ्माङ निनाम्हाङ्य़ङ खाकालुचिओसा खोचिआ साकोङ्छ़ङ कामुचि ब़द्धे निनाम्हाङ्य़ङ्लाम्पा राक अ़पुवाचुचिन, खोन्कि अ़चुसाकोङ्छ़ङ अ़पोइसापुवाचुचिन।
खोचि यरुसलेम सहरादा म़तालाहिदा झारा साम्भुङ्दाओचिआ खोन्कि छाम्माय़ङ्चिकिना ताङ्पाचिआ साऩङ्वा म़मेत्तुचि। निनाम्हाङ्आ पावल खोन्कि बारनाबास्लाम्पा अ़मुवाओ झारा काचिचिओ अ़तुक्वा खोचिआ मोचि खाअ़एत्ताचुचिन।
पावल छोङ्दासि काखात्चिआ खो एथेन्स सहरादातारि अ़छोङ्सादा। खोन्किना पावल्आ “सिलास खोन्कि तिमोथि ऱचि ओन च़क्नि बान्चिने”नि छोङ्सि काखात्चि लोबाइसुचि।
“अ़ङ्का देम्खाछाङ त़लाऩङ्खाङ्ऩङ्ऩम़ङ”नि य़ङाओदा मोचि चाअ़त्लो अ़चुमिन्मा तुआ। खोन्किना मोचिआ खो वाप्तेलायुतारि अ़छोङ्सादा।
मेन आन्काओ ग़रि चिआकि आन्कान्का हासिन्चिन्का खोन्कि आन्कान्का लाम वाङिन्का। झारा काखेङ्चिओ अ़चुओ खिम्हाङ्माचि खोन्कि अ़चुछाचि आन्कान्का सहरादाङ्का धियाङ्वामाओ अ़केम्तारि ऩछोङ्सिन्दान्का। मोदा झारासा आन्काओ तुम्प़छ़क तोम्तुम्काकि यामारिन्का।
खोन्कि रोम्दा कायुङ हाङ्पा येसुएदा साकोङ्छ़ङ कामुचिआ आन्कान्का तान्येन्काओ अ़एनाकिना अप्पियस बजारादा खोन्कि सुम्कायाक्खाखिम्निओदातारि आन्कान्का तुप्सि म़बाना। मोचि खाचिकि पावल्आ निनाम्हाङ आलाङ प़ खोन्कि राक तोक्तु।
सामरिया सहरादाओ म़नाचिआ निनाम्हाङ्ओ अ़चुय़ङ्दा साकोङ्छ़ङ अ़मुवाओ अ़एनाकि यरुसलेम्दा म़युङाङाओ छाम्माय़ङ्चिआ पत्रुस खोन्कि युहन्ना मोचिएदा म़छुत्तुचि।
खोन्किना अ़ङ्का स्पेन खात्ङाङाहिदा खानानिन तुप्मानि मिन्ङाङा। अ़चित लेन्तारि अ़ङ्का खानानिन्एनान यावायोक्दा ऩङानुङाचिन्ङान्च़ङ्कि खानानिन्आ अ़ङ्को अ़ङ्कोन्खादा त़फाङाऩङ्हेनि मिन्ङाङा।
खोन्ओसा साङ्आछाङ खो ऩङाऩछिरुन्ने, मेन खो अ़कोन्खा लाम्दा सेवाङ्नि बाइसानुम, खोन्किना खो अ़ङ्काएदा बान्ने। देकिनालो ब़ब़, निछाचिएनान म़बान निकिना अ़ङ्का खो हुङुङ्योङ।
मात्दे, खानानिन्एनान अ़क्चित्कालेन युङ्ङा माङ्लो चुङ्हिप्छाङ क़प्तुङ। खोन्कि अ़ङ्का खादा खात्ङानुछाङ खानानिन्आ अ़ङ्कोन्खा तोङ्माप़मा त़ऱङाऩङ्ने।
माकेदोनिया खात्ङाहिदा खानानिन्एदा बान्माकि तुप्मा खोन्कि माकेदोनियादाङ्का खानानिन्एदा लामाबान्माकि यहुदियादाओ अ़ङ्कोन्मादा खानानिन्आ अ़ङ्का खान्मा त़ऱङाऩङ्नि अ़ङ्का मिनाङ।
य़ङ्हुप काले जेनास खोन्कि अपोल्लोस्ओ अ़चुकोन्खा लाम्ओ निकि नुलोक फासुचि, खोन्कि मोचि दोत्याङ्ओ सामाचि झारा लाप्तुप़चि।
