21 खाक्को साऩङ्वा मान्मेत्दामायु मुयाङ, साङ मोदाङ्का आप्पि सेङ्नान्चिन्नालो खो साऩङ्वा मित्चिऩङ्ओ निम्पाङ अ़क्छा खाम्मा लि, खोन्कि खिम्दाओ खिम्हाङ्पाओ निम्पाङ सेङ्साओ, याङ्मा खान्तुओ लि, खोन्कि खाक्कोछाङ अ़नुवाक काचिओ निम्पाङ चुम्युङ।
मेन हाङ्पाआ हननिया अ़लोवा, “खारा! देकिनालो निरावाचि, हाङ्चि खोन्कि इस्राएलि म़नाचिओ अ़चुबुदा अ़ङ्ऩङ खालुमा निकि खो अ़ङ्का छेन्तुङ्युङ्सुङ।
आम्नुओ रादाङ्का बुयाओ खमिरा माङ्लो मो अ़अ़त्पा म़ना लोइसानुम। खोन्किना खानानिन खमिरा मान्होन्माङ्ओ अ़ऩङ्वा बुत्थ़ बोप्वात्निङा त़लिसिन। आन्को काक्माखात्मा चानुचाओ थुबाछा ख्रिस्त म़युङ्याङ, खोन्किना खोक्कोसोओ अ़चुह़ अ़सोलाचिआयुङ्सा।
खोन्ओसा सोमातुक्निङ्निओ यावाचि ओ, आन्कान्एदाओ हिप्माय़ङ्चि म़युङ्याङ्ओसा आन्पोक खोन्कि आन्लावा झारा पोप्मादाङ्का आन्कान आप्पि सेङ्सिन्चिन्ने, खोन्कि निनाम्हाङ्ओ अ़चुकित्मादा झारा सेङिन्ने।
निनाम्हाङ्आ खानानिन झारा आसिखा च़लोक प़मा ऩऱन। खोन्ओसा खानानिन्एदा अ़धुन झारा य़ङ च़लोक युङ्ने, खोन्कि झारा अ़नुवाक काचिओ निम्पाङ च़लोक प़मा रुवानिन।
देकिनालो आन्कान अ़नुवाक काचिचिओ निम्पाङ ख्रिस्त येसुदा मुन्माय़ङ खोक्कोसोओ अ़चुसिकि ओ। आन्कान अ़नुवाक काचि मुन्ने निम्पाङ निनाम्हाङ्आ बुयाङा अ़चुम्सायुङ्सा ओ।
मेन खाना निनाम्हाङ्ओ अ़चुम़ना, ओ झारादाङ्का अ़थाया युङा, खोन्कि साम्योक, निनाम्हाङ ब़क्मा, साकोङ्छ़ङ, सोमातुक्मा, हुङ्मा, खोन्कि सिम्मान्चिन्ओ मित्चिऩङ मुवा।
मान्साम्योक्मि खोन्कि खामान्सिन दुम कालुदाङ्का अ़थाया युङा। देकिनालो ओसाआ म़नाचि च़लोक मान्साम्योक्मिदा तित्तुखात्तुचि।
अ़धिवा खिम्दा हाराक्वाओ खोन्कि रुपाओ ओन्ङा खाम्माचि ऩयुङ्निन, मेन स़ङ्ओ खोन्कि बाखाओछाङ म़युङ, खा-खाक्को साऩङ्वाओ मित्चिऩङ्ओ निम्पाङ खोन्कि खा-खाक्को साऩङ्वा मान्मेत्दामाओ निम्पाङ।
ओसाआ निनाम्हाङ्ओ अ़चुम़नाचि झारा अ़नुवाक काचिदा नुलोक मुमाओ निम्पाङ म़चुम्सुचि।
लुका ओन्ङा अ़ङ्काएनान युङ्याङ। मर्कुस खानाएनान अ़क्नि बात्तु, देकिनालो खो अ़ङ्काचिदा फामा अ़न्नुनु अ़नुवाक मुयाङ।
हाङ्काचि कामुचि खोन्कि पाङ कातोक्चिओ अ़चुक़म्मादा युङ्मादोत निकिना मोदाओ म़नाचि मित्मेत्तुचि। मोचि लोमावा म़च़ने, खोन्कि झाराकापाराआ नुलोक च़सि म़चुम्नान्युङ्नान्चिन्ने।
आन्म़नाचिआ अ़नुवाक काचि मुमादा अ़चुमिन्मा अ़पाक्ने, खोन्किना अ़न्नुनु दोत्याङ्ओ सामाचि कोप्मा अ़ऱने। मोवात्नि म़च़नालो आन्म़नाचिआ सोज्जेओ ह़ङ्म़ङ ऩखाइसुन।
ओ अ़नुछ्याओ य़ङ ओ। निनाम्हाङ्एदा साकोङ्छ़ङ कामु झारासा अ़नुवाक काचि मुमादा मिन्मा अ़पाक्ने निकिना खाना त़छ़म्तुचिनेनि अ़ङ्का लोना। ओवाको काचिचि अ़नुवाक म़मु खोन्कि झारा म़नाचिओ निकि अ़नुवाक य़ङ ओ।
हान खानानिन अ़छ़ङ य़ङ्दा लोमाय़ङ्वा त़च़न्किना आम्नुओ मिन्मा त़सेङ्सुम्ओसा आम्नुओ साकोङ्छ़ङ कामु यावाचि सोमातुक्तानुम्च़म। अ़क्छा निएदा साकोङ्वादाङ्का राक्एनान सोम्तुक्मुवानिन।
ओ चिन्माखाङ्माचिआ आम्नुओ साकोङ्छ़ङ अ़नुछयाओनि अ़छ़ङ अ़मु, खोन्कि मिलाम्पा हेङ्नुछाङ लुक्खात्ओ हाराक्वादाङ्काछाङ च़लोक अ़च़वाङ निकिना खाङ्म़मु। ओ येसु ख्रिस्त खाङ्म़मुनान्चिन्हिदा ऩङ्चोन्मा, ऩङ्लोङ्मा खोन्कि साया तोक्मा खान्तुओ लिने।
खोन्कि खोक्को म़सेङ्याङ्वात्निङा खोक्कोएदा सोम्कुवा कामुचि झारा आप्पि म़सेङ्नान्चिन।
