4 खोन्ओसा खानानिन्आ आङ्माय़ङ खोन्कि झारा दुखाचिदाओ सोम्कुवा मुमाय़ङ खोन्कि अ़चाअ़त्माचि खानानिन्आ त़आङ्तुम्योम्ओ अ़तुक्वादा तोक्पो लियाङ्सा निनाम्हाङ्ओ नि अ़चुसाम्भुङ्चि आन्कान्का खाएत्तुम्च़म्का।
आम्नुओ तामित्माआ खानानिन आम्नुओ ऩङानुने, आम्नुओ दुखादा काआङ लिसानिन, अ़धुन यामारायुङ्सानिन।
हुङ्याङ्सा अ़नुवाक काचि मुयाङ्सा साऩङ्वा, साया खोन्कि अ़स़निन्दानिन्ओ ह़ङ्म़ङ कालाम्चि निनाम्हाङ्आ अ़लुक्निन्ओ ह़ङ्म़ङ म़प़चि।
मेन आन्कान दि अ़तोक्तिमिन, मो आन्कान सोम्कुवा मुम्नालो आन्कान मो आङ्याङ्सा हुङुम।
देत्नि त़युङिन्येन्हिदा हाङ्पा येसुआ खानानिन ऩछेन्तिन खोन्कि अ़चुओ म़ना लिमा निनाम्हाङ्आ ऩबुत्तिन, मोवात्निङा युङानिन। झारा साम्भुङ्चिओ निम्पाङ अ़ङ्य़ङ्हुप ओङा ओ।
खोन्ओसा ख्रिस्तओ निम्पाङ अ़ङ्मान्ऱदामाचिदा, सुङ्माचिदा, चाअ़त्लो लिमाचिदा, दुखा प़माय़ङ्चिदा, हाप्मादिमाचिदा अ़ङ्का अ़ङ्सोम्सेत्ङान्च़ङ। देकिनालो खाउग़रि अ़ङ्का अ़ऱऩङ, मोन्ग़रि अ़ङ्का सावापोरि मुङा।
देकिनालो खोसोओ अ़बुदा आम्नुओ तुक्वादा तोक्पो लिसाङ्नुछाङ, अ़ङ्का खानानिन्आ लेजो मान्मेत्त़दाङ्ऩङ। मेन देत्नि आन्कान्का खानानिन लोनिओ झारा य़ङ्चि अ़छ़ङ म़मुवाङा, मोवात्निङा तितस्ओ अ़बुदा आम्नुओ तुक्वादा आन्कान्का तोक्पो लिसिन्काओ य़ङ्छाङ अ़छ़ङ लिसायुङ्सा।
खानानिन्एदा अ़ङ्को अ़धिवा सोम्कुवा याक्याङ। खानानिन्एदा ब़द्धे अ़ङ्ऩङानुङाङान्च़ङ। अ़न्नुनु अ़ङ्सोम्सुवायुङ्सा। झारा आन्काओ दुखादा च़लोक अ़ङ्ऩङानुवायुङ्सा।
देकिनालो अ़ङ्का आम्नुओ मिन्मा सिन्तुङ्योङ। खोन्कि आनेम्ऩङ्दाङ्का अखैया धिखाहुप्दाओ म़नाचि छुक्दाम प़मा म़चुम्सान्यान्चिन निकिना आम्नुओ तुक्वादा माकेदोनियादाओ म़नाचि अ़ङ्ऩङानुयाङ्सा मोचि अ़ङ्का लोङ्च़ङ्ओ। आम्नुओ राक्आ मोचिएदाओ ब़द्धेकापाङ अ़चुचोङ्माङ काइसुयुङ्सुचि।
खा-खाक्को माकेदोनियादाओचि अ़ङ्काएनान म़बान्कि खानानिन मान्चुम्त़युक्तिन्चिन्ओ ऩधिरिन्नालो आन्कान्का लेजोदा छुक्तिन्का, खोन्कि खानानिन ओन्ङा माआङ, मेन आन्कान्काछाङ लेजोदा त़छुक्तिन, देकिनालो आन्कान्का खानानिन ब़द्धे सोम्कुवा मुनिओ।
आन्निनाम्हाङ पापाओ अ़चुबुदा आम्नुओ साकोङ्छ़ङ्दाङ्का त़मुम्ओ काचि, खोन्कि सोमातुक्माआ त़मुम्ओ काचि खोन्कि आन्हाङ्पा येसु ख्रिस्तएदा त़मुम्ओ सोम्कुवाआ खानानिन त़छोसिन्ओ आन्कान्का अ़धुन मित्तुम्युङ्सुम्का।
देकिनालो अ़ङ्ब़ब़, नाना खोन्कि निछाचि ओ, ख्रिस्त येसुदा साकोङ्छ़ङ कामु यहुदियादाओ निनाम्हाङ्ओ अ़चुसाम्भुङ्चि कात़ङ खानानिन त़लिसिन्युङ्सिन। देत्नि यहुदि साम्भुङ्चिआ अ़चुम़नाचिदाङ्का दुखा अ़आङ्ता, मोवात्निङा खानानिन्आ आम्नुओ हेन्कोप्दाओ म़नाचिलाम्पा दुखा त़आङ्तुम।
आन्हाङ्पा येसु म़य़हिदा खोक्कोसोओ अ़चुबुदा आन्काओ सोम्कुवा खोन्कि आन्काओ ऩङानुमा माङ्लो सिरिफाओ तोक्पो लिमा खानानिन्ङा माआङ कि?
हाङ्पाआ आम्नुओ साकोङ्वा निनाम्हाङ्ओ अ़चुसोम्तुक्मा खोन्कि ख्रिस्तओ अ़चुहुङ्मा नुलोक तुप्मादा ऩतित्तिन्ने।
निनाम्हाङ्ओ अ़चुमिन्मा तामालामा खोन्कि हिप्माय़ङ्ओसो अ़सिवा तोक्मा खानानिन दुखा आङ्मादोत।
खानानिन त़सोसिन्नेनि आन्कान्का अ़मिनिमिन्का, मेन साकोङ्छ़ङ खोन्कि हुङ्मालाम्पा निनाम्हाङ्ओ अ़चुहिप्माय़ङ कातोक्चि म़चुवावात्नि लिसानिन।
खोन्किना अब्राहाम आङ्याङ्सा खाहुङाकि निनाम्हाङ्आ अ़हिप्ताओ तोक्तु।
खानानिन त़सिन्तुम्योम, काहुङ्चि आन्कान आलाङ्मिओनि लोम्च़म। खानानिन्आ अय्युब्ओ अ़हुङ्माय़ङ खोन्कि हाङ्पाओ अ़चुमित्चिऩङ त़एनुम्युङ्सुम। आदेङ हाङ्पाआ देत्नि नुलोक अ़मुवा मो त़सिन्तुम्योम। देकिनालो हाङ्पा अ़न्नुनु नुलोक कामित खोन्कि सोमाकातुक म़मुयाङ।
तायादा क़म्तानिन्चिन खोन्कि क़म्मान्चिन्दा आङ्मा, आङ्मादा साम्योक्मि,
निनाम्हाङ्ओ अ़चुम़नाचि खोचिआ निनाम्हाङ्ओ अ़चुलोमाय़ङ अ़मु खोन्कि येसुएदा साकोङ्छ़ङ म़मु, मोचि काहुङ लिमाकि युङ्मादोत।
