11 खोन्ओसा आम्नुओ निकि आन्कान्का अ़धुन यामारिन्का, आन्निनाम्हाङ्आ खानानिन ऩबुत्तिन्ओदा अ़नुवाक ह़ङ्म़ङ ह़ङ ऩमेत्तिन्ने। खोन्कि झारा आम्नुओ अ़नुवाक मित्चिऩङ खोन्कि साकोङ्छ़ङ्ओ काचि खोक्कोसोओ अ़चुसावालाम्पा ऩयाङ्सिन्प़न्ने।
बाखाआङा चा सिसु, बुया अ़कुकुरि लोन, खोन्कि अ़खाक, खोन्किना आदेङ अ़खाक्दा अ़सिवा पाक्तु।
अ़चुप्पा रुहुप्चिओ, मान्क़दानिन! देकिनालो निनाम्मादुओ आम्नुओ पापाआ खोक्कोसोओ अ़चुहाङ्होन खानानिन प़मा अ़चुऩङानुवायुङ्सा।
अ़ङ्का झारा अ़ङ्साकोङ्वाआ खोक्कोसोओ अ़चुछाओ अ़चुनुय़ङ्खान खालुमादा खोक्को ब़रुङ, खोन्कि अ़धुन अ़ङ्यामात्मादा अ़ङ्का खानानिन मित्नानिन्ओ य़ङ निनाम्हाङ अ़ङ्सालुम्स़ङ म़युङ्याङ।
देकिनालो निनाम्हाङ्ओ अ़चुआसिखा खोन्कि अ़चुबुत्माय़ङ देम्खाछाङ अ़फान्निन।
अ़ङ्ब़ब़, नाना खोन्कि निछाचि ओ, अ़ङ्का आप्पि आम्नुओ तुक्वादा अ़ङ्सोम सुवायुङ्सा, खानानिन आप्पि अ़नुवाक नुमाआ त़भेप्तिन्युङ्सिन खोन्कि झारा ताया खानानिन्एदा याआयुङ्सा, खोन्कि अ़क्छा निएदा चिन्मा काऱ त़लिसिन्युङ्सिन।
साङ-साङ खोक्कोसाआ बुयाङा म़छेन्तुचि, मोचि खोक्कोसाआ म़बुत्तुचिछाङ। खोन्कि साङ्चि खोक्कोसाआ म़बुत्तुचि, मोचि खोक्कोसाआ साम्योक्मिछाङ म़काइसुचि, खोन्कि साङ-साङ साम्योक्मि म़काइसुचि, मोचि खोक्कोसाआ साम्स़रिओछाङ म़मुचि।
आन्हाङ्पा येसु ख्रिस्तओ अ़चुलामातामा लेन्दा खानानिन ऩङ्छिन मान्मुमाङ युङ्मा खोक्कोसाआ खानानिन आदेङ्तारि साकोङ्छ़ङ्दा नुलोक ऩयुङ्सिन।
अ़ङ्यामात्मादा खानानिन मित्याङ्सा आम्नुओ निम्पाङ आलाङ प़मा अ़ङ्का अ़छित्ऩङ।
निनाम्हाङ्ओ अ़चुमिन्माओ मित्चिऩङ्वात्नि खोक्कोसाआ आन्कान ख्रिस्त येसुलाम्पा आन्कान अ़चुछाचि लिमा निम्पाङ बुयाङा अ़छ़ङ अ़मुवा।
खोन्कि निनाम्हाङ्आ ख्रिस्तदा अ़युङ्साओ अ़चुमित्चिऩङ्वात्नि खोक्कोसाआ अ़चुकोङ्दुम आन्कान सिन्मा म़पुवायुङ्सा।
खोन्कि अ़ङ्का सोम्कुवा मुङा, निनाम्हाङ्आ खानानिन्एदा अ़क्तात अ़नुवाक काचि अ़पुङ्साओ, खोक्कोसाआ येसु ख्रिस्त म़लाताओ लेन्तारि मो अ़ताला।
देकिनालो खानानिन्एदा निनाम्हाङ आप्पि काचि म़मुयाङ। खोक्कोसाआ खानानिन अ़चुओ अ़नुवाक मित्चिऩङ तामालामा मिन्मा खोन्कि सावा ऩप़न।
खोन्ओसा निनाम्मादुओ सिरिफा तोक्मा मित्चिऩङ्आ बुया लोत्ङाङा। निनाम्हाङ्आ ओसोओ निम्पाङ ख्रिस्त येसुलाम्पा निनाम्मादुत्नि ऩबुत्ताङ्ओ।
आन्निनाम्हाङ पापाओ अ़चुबुदा आम्नुओ साकोङ्छ़ङ्दाङ्का त़मुम्ओ काचि, खोन्कि सोमातुक्माआ त़मुम्ओ काचि खोन्कि आन्हाङ्पा येसु ख्रिस्तएदा त़मुम्ओ सोम्कुवाआ खानानिन त़छोसिन्ओ आन्कान्का अ़धुन मित्तुम्युङ्सुम्का।
ओ झारासा निनाम्हाङ्ओ अ़चुछ़ङ्छेन्मा साम्योक्मि मुयाङ्ओ खाङ्मुसु। खोन्ओसा निनाम्हाङ्ओ अ़चुहाङ्होन्दा खानानिन अ़नुवाक ऩकाइसिन, मोसोओ निम्पाङ खानानिन्आ दुखाछाङ त़आङ्तुम्योम।
खोन्ओसा आन्कान्का खालुसुम्काओ नुय़ङ्खान्लाम्पा आन्हाङ्पा येसु ख्रिस्तओ अ़चुऩङ्चोन्मा खानानिन्आछाङ तोक्तानुम निम्पाङ खोक्कोसाआ खानानिन ऩबुत्तिन।
आन्साकोङ्छ़ङ कापुङ खोन्कि काताला येसु नुलोक आन्म़क्आ खाम्ने। खोक्कोसाआ आदेङ तोक्माय़ङ अ़चुऩङ्नुमा अ़मित्ताकि सायापेप्माय़ङ क्रुस्दा स़माओ अ़तुक्वादा दित्छाङ मान्मित्अ़दा। खोन्ओसा ओन्ग़रि खोक्को निनाम्हाङ्ओ अ़चुहाङ्युङ्खाओ अ़चुचुप्ताङ्छुक्लिप्पा म़युङ्याङ।
खोन्ओसा निनाम्हाङ्आ ऩबुत्तिन्ओ त़सेङियेन्ओ अ़ङ्ब़ब़, नाना, खोन्कि निछाचि ओ, निनाम्हाङ्आ अ़छाम्साओ खोन्कि मुलो काब़क्पानि आन्कान य़ङिन्ओ येसु मित्तानुम।
झारा सोमाकातुक निनाम्हाङ्आ ख्रिस्तदा अ़धुन अ़चुऩङ्चोन्माओ निम्पाङ खानानिन ऩबुत्तिन्युङ्सिन। खानानिन्आ अ़क्चित्तारि दुखा त़आङ्तुम्चिउम्कि खोक्कोसाआ खानानिन अ़ऩङ्वा ऩलासिन्मुन, ऩतोङ्सिन, सावापोरिओ ऩमुन, खोन्कि ऩतुङ्निन्ओ छ़ङ्दा खानानिन ऩयुङ्सिन।
मेन सार्दिस्दा थोरेत म़नाचि म़युङ्याङ, मोचिआ अ़चुहेवाआ अ़चुतित्चि मान्पोप्म़युक्तुचि। मोचि अ़ङ्काएनान ओम्याङ्ओ तित म़हुम्कि म़कोन, देकिनालो मोचि अ़ङ्काएनान कोन्मा खान्तुचिओ म़मुयाङ।
खोन्कि मोचि अ़क्तात हाङ्होन खोन्कि आन्काओ निनाम्हाङ काब़क्चि त़मुम्युङ्सुम्च़म, खोन्कि मोचि हेन्खामादा हाङ्म़मु।”
