15 आन्हाङ्पाआ म़नाचि हेवादाङ्का लेन्मा अ़वाखाम म़प़चिहिदा खोक्कोसाआ देम अ़हुङा मो य़ङ मित्तानुम। मोवात्निङा आन्कान सोमातुक्तुम्योम्ओ निछा पावल्आछाङ निनाम्हाङ्आ अ़पुवाओ तायावात्नि खानानिन मो य़ङ्चि त़छाप्तिन।
देकिनालो अ़ङ्का खानानिन चेप्मा सिवा खोन्कि ताया प़नानिन्कि खाक्कोछाङ आम्नुओ ङेङ्चिआ ना आम्नुओ य़ङ लामा अ़ऱ, ना आम्नुओ दुम क़प्माङा अ़ऱ।
खोन्ओसा आन्कान्का झारा अ़क्नि तोङिन्का, खोन्कि म़नाचि छेन्तुम्च़म्काकि मोचि आन्कान्का सोमातुक्तुम्योम्च़म्काओ यावाचि बारनाबास खोन्कि पावल्एनान अ़क्नि खानानिन्एदा बान्मा अ़छ़ङ मुम्का।
खोन्कि खोसोओ झारा अ़दुखाचिदाङ्का अ़रात्ता। निनाम्हाङ्आ योसेफ अ़नुवाक खारु अ़पुवाकि मिस्र हेन्कोप्दाओ हाङ फारोआ खो अ़ऩङानुसु। खोन्किना खो मिस्र हेन्कोप्दाओ खोन्कि हाङ्ओ झारा अ़खिम्लुम्पादाओ हाङ्काचि कामु अ़मुवा।
खोन्किना हननिया खाराकि यहुदाओ अ़खिम्दा वाङा। खोन्कि सावल्एदा अ़छुक युङ्सुकि लो, “सावल निछा, हाङ्पा येसु खाना त़बानाङाओ लाम्दा खानाएदा खाङ्म़मुसान्चिन, खोसाआङा अ़ङ्का खाना लामाखाखाङ्मा त़ऱने खोन्कि सेङ्लावाआ त़भेप्ने निकिना अ़ङ्का ऩछुत्ताङ्युङ्साङ।”
माङ्लो निनाम्हाङ्ओ अ़चुसोम्तुक्माआ खाना खोक्कोएदा लामान्चिन ऩतित्नि त़सिन्तुन कि, दि खोक्कोसोओ तोक्पो अ़चुसोम्तुक्मा, अ़चुआङ्मा खोन्कि अ़चुहुङ्मा त़सुङ्तुङु?
सेङ्लावालाम्पा खा-खाक्को खारुओ य़ङ चेप्मा, खा-खाक्को मो सेङ्लावालाम्पाङा तायाओ य़ङ चेप्मा,
ओ य़ङ्चि आन्कान्का खाएत्तुम्च़म्का, म़नाओ अ़खारुआ चिन्माय़ङ्ओ य़ङ्चिआ माआङ, मेन सेङ्लावाआ ऩचिन्तिन्काओवा आन्कान्का लावामि अ़छ़ङ्चि लावामि य़ङ्चिदा खालुसुम्च़म्का।
निनाम्हाङ्आ अ़ङ्का ऩपुवाङ्ओ अ़चुसोम्तुक्माआ अ़न्नुनु काले खिम्कामुआवात्नि छ़ङ अ़ङ्का युङ्सुङ, खोन्कि निचिआ मो दुङ्दा खिम मुयाङ्सा अ़खात। मेन झारा खिम कामुआ देत्नि मुमादोत खोसाआ मिन्मा पाक्मादोत।
निनाम्हाङ्आ अ़ङ्का मो अ़कोङ्दुम सिन्ऩमेत्ताङ्ओ। ओसोओ अ़तुक्वादा अ़ङ्का खानानिन बुयाङा थुत्मेत्लो छाप्नानिन्ओ।
मेन अ़ङ्का निनाम्हाङ्आ सोमाऩतुक्ताङ, देकिनालो हेवामिचिदाङ्का मुलो लिसाङ्किछाङ येसु ख्रिस्तओ अ़धिवाङ अ़चुहुङ्माआ अ़ङ्का अ़मात्ऩङ्वात्नि खाङ्मुमा अ़ऱङाने। खोन्ओसा निचिआ अ़सिन्कि खोक्कोएदा मोचिछाङ साकोङ्छ़ङ म़मुने खोन्कि अ़धुन्ओ ह़ङ्म़ङ अ़तोक्ने।
खानानिन्एदा साङ खारु अ़तोक्निनिन्नालो निनाम्हाङ्एदा दोत्ने, खोन्कि खोक्कोसाआ तोक्पो मिन्माआ यामान्सान्माङ मो अ़प़।
मेन निनाम्मादुङ्का य़ओ खारु बुयाङा अ़च़क़ल़क खोन्कि मो तोङ्मा काऱ मु, हुङ्मा काऱ मु, लोमावा काकाङ मु, सोमाकातुक मु, अ़नुवाक सिवा कासि मु, लिप्पा मान्वाङ्कादा मु खोन्कि कोङ्क़त्वा अ़मुनिन।
मो लावाचि बुया निनाम्हाङ्ओ अ़चुलोमावा मान्च़चि खोन्कि नोआओ अ़ग़रिदा वाप्तेला मुङुहिदा हेवादाङ्का म़ला हे निकिना निनाम्हाङ्आ आङ्याङ्सा म़हुङुङुचि। मो वाप्तेलादा अ़क्चिलोक म़नाचि माङ्लो आथ्कापाङ ओन्ङा चाक्वादाङ्का म़ह़ङा।
बुया सेङ्याङ्ओ निनाम्हाङ्य़ङ खाकालुचिआ खोन्कि आम्नुओ छाम्माय़ङ्चिलाम्पा खाअ़लुसाओ आन्हाङ्पा खोन्कि कालेन्पाओ अ़चुलोमाय़ङ खानानिन्आ मित्मादोत।
खोक्कोसोओ अ़चुहिप्माय़ङ्ओ अ़तुक्वादा स़लेनि म़च़नि खा-खाक्कोचि म़य़ङ्नुछाङ खोक्को स़लेनि ऩच़निन। मेन साङ्छाङ ऩलुक्निन्ने, मेन झाराकापाङ्आ हेवा मुमा अ़छित्नेनि म़मिन्कि खोक्कोसाआ खानानिन ऩहुङिन्येन।
