12 मेन ओ म़नाचिआ ऩतुप्तुन्ओ य़ङ्चि म़सुङ्तुचि। ओचि अ़चुखारु मात्द़ङ्ओ सायाम्पोक्चिवात्नि म़मुयाङ, ओचि लाप्माकि सेत्मा निम्पाङ म़लिसाओवा म़मुयाङ। खोन्कि ओचिछाङ सायाम्पोक्चिवाङा म़लुक्खात।
च़क्ख़य़, अ़त्लो काचि, म़प्मा, चान्माचामा, ऩङ्च़, सुङ्मा, ऱक्भाक खोन्कि खामान्सिन य़ङ्चि म़लोन।
येसुआ मोचि हान्छाङ म़लोचि, “अ़ङ्का खात्ङालोन्ङा, खोन्कि खानानिन्आ अ़ङ्का त़लाम्ङाऩङ, खोन्कि खानानिन आम्नुओ हेवादा त़स़न। खादा अ़ङ्का खात्ङाङा, खानानिन तामा त़ऱन्मिन।”
साङ्आ अ़हेवामि च़माथाङ्मा अ़ऩङानुमाओ निम्पाङ लित्तु, मोसाआ अ़हेवामि च़माथाङ्मादाङ्काङा लुक्माखात्माओ अ़सिवा कोउ। मेन साङ्आ सेङ्लावाओ निम्पाङ लित्तु, मोसाआ सेङ्लावालाम्पाङा अ़लुक्निन्ओ ह़ङ्म़ङ कोउ।
ओ झारा थाप्स़ङ्चि थुत्मेत्लो म़याङ्कि म़लुक्खात। देकिनालो ओ य़ङ्चि म़नाचिआ म़मुचिओ लोमाय़ङ्चि खोन्कि चिन्माय़ङ्चि ओन्ङा ओ।
ओलाम्पाङा अ़लुङ्स़रिओ खोन्कि तोक्पो अ़चुहिप्माय़ङ्चि आन्कान म़पुवायुङ्सा, खोन्ओसा ओ हेन्खामादाओ पोप्माय़ङ अ़अ़त्पा मित्माचिदाङ्का फुङ्सानिन खोन्किना खानानिन निनाम्हाङ्ओ अ़चुच़माथाङ्मादा वाङानिन।
मो सोज्जे काचिन्पाचिआ म़नाचि “फोङ”नि ना म़हिप्तुचि, मेन मोचि आप्पिङा अ़अ़त्पा च़माथाङ्माओ अ़हारुक म़मुयाङ। देकिनालो खाक्को य़ङ्आ म़ना क़म्तु, मो म़ना मोसोओङा अ़हारुक लि।
मेन मोचिआ दि ऩतुप्तुन, मो य़ङ्चि म़सुङ्तुचि। मोचि अ़चुखारु मात्द़ङ्ओ सायाम्पोक्चिवात्नि म़मुयाङ, खोन्कि मोचि दि म़मिन, मोवात्निङा मोचि म़च़, खोन्ओसा मोचि म़लुक।
