17 मो तोक्पो सावापोरिओ निनाम्हाङ्आ “ओक्को अ़ङ्का सोमातुक्तुङ्योङ्ओ अ़ङ्छा ओ, खोक्कोएदा च़लोक अ़ङ्ऩङानुवायुङ्सा”नि येसु म़य़ङाहिदा खोक्कोसाआ निनाम्हाङ पापाएदाङ्का साया खोन्कि ऩङ्चोन्मा अ़तोक्ता।
“खानुम, अ़ङ्काफा अ़ङ्का छेन्तुङ्युङ्सुङ। खो अ़ङ्का सोमातुक्तुङ्ओ, खोन्कि खोएदा अ़ङ्ऩङानुवायुङ्सा। अ़ङ्का खोएदा अ़ङ्लावा पाक्तुङ्प़ङ, खोन्कि खोसाआ रावा-रावाओ म़नाचि तोङ्लो छ़ङ्छेन्माय़ङ खाम़एत्तुचि।
खोन्कि म़प्च़क़क्दा निनाम्हाङ्य़ङ खाकालु मोसा खोन्कि एलिया खोचिएदा खाङ्मुसाचिचिन, खोन्कि खोचि येसुएनान चेप्मा अ़पुङ्साचु।
पत्रुस चेवाङाहिदाङा, छोक्छोक्छोक्वाओ य़वारिआ मोचि भुक्तुखात्तुचि, खोन्कि मो य़वारिदाङ्का अ़क्तात य़ङ ता, “ओक्को सोमातुक्तुङ्योङ्ओ अ़ङ्छा ओ, खोक्कोएदा च़लोक अ़ङ्ऩङानुवायुङ्सा। खोक्कोसाआ ऩलोन्ओ एनानुम!”
खोन्ओसा खारानिन, खोन्कि झारा रावाचि काखेङ मुवानुम्च़म, निनाम्हाङ पापा, अ़चुछा खोन्कि सेङ्लावाओ अ़चुऩङ्दा मोचि बप्तिस्मा पुवानुम्च़म।
मोन्ग़रि निनाम्मादुङ्का ओवाको य़ङ ता, “ओक्को अ़ङ्का सोमातुक्तुङ्योङ्ओ अ़ङ्छा ओ, खोक्कोएदा अ़न्नुनु अ़ङ्ऩङानुयाङ।”
खोन्कि निनाम्मादुङ्का अ़क्तात य़ङ ता, “खाना अ़ङ्को अ़ङ्छा ओ। अ़ङ्का खाना सोमातुक्नाङ्ना। खानाएदा अ़ङ्को ब़द्धे अ़ङ्ऩङानुयाङ।”
खोन्किना य़वारिआ मोचि भुक्तुखात्तुचि, खोन्कि य़वारिदाङ्का अ़क्तात य़ङ ता, “ओक्को अ़ङ्का सोमातुक्तुङ्योङ्ओ अ़ङ्छा ओ, खोक्कोसाआ ऩलोन्ओ एनानुम!”
अ़ङ्पापाआ झारा सामाचिएदा पाङ्मुमा सावा अ़ङ्का ऩपुवाङ्युङ्साङ। निनाम्हाङ्ओ अ़चुछा साङ निकि अ़ङ्पापाएदाङ्का साङ्आछाङ अ़सिन्तुन। अ़ङ्पापा साङ निकिना अ़ङ्काएदाङ्का साङ्आछाङ अ़सिन्तुन। खोन्कि अ़ङ्का साङ्एदा खाङ मुमानि मिन्ङा, मोएदाङ्का नि साङ्आछाङ अ़ङ्पापा साङ निकिना अ़सिन्तुन।”
खोन्कि सेङ्लावा साप्दुकुत्वावात्नि खोक्कोएदा म़धान्तान्चिन। खोन्कि निनाम्मादुङ्का अ़क्तात ओवाको य़ङ ता, “खाना अ़ङ्को अ़ङ्छा ओ। अ़ङ्का खाना सोमातुक्नाङ्ना। खानाएदा अ़ङ्को ब़द्धे अ़ङ्ऩङानुयाङ।”
देत्नि अ़ङ्पापाआ अ़ङ्का ऩसिन्ङा, मोवात्निङा अ़ङ्का अ़ङ्पापा सिन्तुङ। अ़ङ्का अ़ङ्भेराचिओ निम्पाङ अ़ङ्ह़ङ्म़ङ प़ङ्च़ङ।
अ़ङ्का ‘निनाम्हाङ्ओ अ़चुछा ओ’नि य़ङाङ्हिदा देत्नि निनाम्हाङ्ओ अ़चुसाया पेप्तुङ्नि त़लोनि? अ़ङ्का पापा निनाम्हाङ्आ ऩछेन्ताङ्कि हेन्खामादा ऩय़साङ्ओ म़ना ओ।
अ़ङ्का साकोङ्छ़ङ मुवाङ्ऩङ, अ़ङ्का पापाएदा याक्ङाङा, खोन्कि पापा अ़ङ्काएदा म़याक्याङ। माङ्नालो अ़ङ्का मुङ्च़ङ्ओ म़दोम्दाओ बुन्चि खानुम्च़म्कि साकोङ्छ़ङ मुवाङ्ऩङ।
येसुआ अ़लासालोवा, “लाम, अ़छ़ङ खोन्कि ह़ङ्म़ङ अ़ङ्काङा ओ। अ़ङ्काएदाङ्का नि साङ्लाम्पाछाङ अ़ङ्पापाएदु खात्मा अ़ऱनिन।
मोवात्नि मोचि झारा अ़क्तात म़लिने। आपो, देत्नि खानानिन अ़ङ्काएदा त़याइन्येन, खोन्कि अ़ङ्का खानानिन्एदा मोवात्निङा मोचिछाङ आन्काचिएदा म़याक्ने, खोन्कि खानानिन्आ अ़ङ्का त़छुत्ताङ्ऩङ्ओ निकिना हेन्खामादाओ म़नाचि साकोङ्छ़ङ म़मुने।
येसुआ मो अ़लोवा, “अ़ङ्का मान्लाप्युङ्दाङ, देकिनालो अ़ङ्का ओन्ग़रितारि निनाम्हाङ पापाएदु मान्खात्युक्ङा। अ़ङ्निछाचिएदा खाराकि मोचि खाएत्तुचि, ‘अ़ङ्पापा खोन्कि आम्नुओ पापा खोन्कि अ़ङ्निनाम्हाङ खोन्कि आम्नुओ निनाम्हाङ्एदा खात्ङाङा।’”
निनाम्हाङ पापाआ अ़चुछा सोमाअ़तुक, खोन्कि झारा सामाचि खोक्कोसोओ अ़चुछुक्दा अ़पुवायुङ्सा।
देकिनालो अ़चुपाआ अ़चुछा सोमाअ़तुक, खोन्कि खोक्कोसाआ आप्पि अ़मुओ झारा अ़चुकाचि अ़चुछा खाङ्अ़मेत। ओदाङ्का तोक्पो काचिचि खोक्कोसाआ अ़चुछा खाङ्अ़मेत, खोन्किना खानानिन त़दोम्तिन्दान।
देत्नि पापा आप्पिएदा ह़ङ्म़ङ प़मा सावा याक्याङ, मोवात्निङा खोक्कोसाआ अ़चुछाछाङ अ़धुन्ओ ह़ङ्म़ङ प़माओ सावा अ़पुवायुङ्सा।
लुक्खात्ओ चामायुओ निम्पाङ काचि मान्मुदानिन, मेन अ़लुक्निन्ओ ह़ङ्म़ङ काप़ चामायुओ निम्पाङ काचि मुवानिन। मो चामायु म़नाओ अ़छाआ खानानिन ऩप़न। देकिनालो पापा निनाम्हाङ्आ म़नाओ अ़चुछाएदा अ़चुओ सेप्मा पाङ अ़पुवायुङ्सा।”
अ़ङ्पापाआ ऩपुवाङ्ओ झारा अ़ङ्काएदा म़ता, खोन्कि अ़ङ्काएदा काता देत्निकिछाङ अ़ङ्का अ़लाऩङ्च़ऩङ।
खोन्कि अ़ङ्का काछुत्ओ अ़चुमिन्मा ओङा ओ, खोक्कोसाआ अ़ङ्का ऩपुवाङ्ओचिदाङ्का साङ्छाङ अ़ङ्का अ़माऩङ्ने, मेन मोचि आदेङ्ओ लेन्दा अ़ह़ङ मुङ्च़ङ्ने।
खोन्किना अ़क्मिन्माओ लियाङ्सा अ़क्य़ङ्आ आन्हाङ्पा येसु ख्रिस्तओ अ़चुनिनाम्हाङ पापाओ अ़चुऩङ लोङ्मा खानानिन रुवानुम।
आन्हाङ्पा येसु ख्रिस्तओ अ़चुपापा निनाम्हाङ्ओ अ़चुऩङ चोन्ने। खोक्को सोमाकातुक पापा, खोन्कि झारा सोम्कासेत निनाम्हाङ म़युङ्याङ।
हाङ्पा येसुओ अ़चुनिनाम्हाङ पापा, खो अ़धुन-अ़धुन म़चोन्ने। खोक्कोसाआ अ़सिन्याङ, अ़ङ्का अ़म़प्ऩङ।
येसुङा निनाम्हाङ्ओ अ़चुसाम्ओ अ़लेत्माओ, खोन्कि निनाम्हाङ देत्नि म़मुयाङ येसुछाङ मोवात्निङा म़मुयाङ। झारा हेन्खामा आप्पि अ़चुसावापोरिओ य़ङ्आ अ़क़क्याङ। आन्हेवाचि येसुआ वाअ़सुवाचिआकि साम्स़रिओ निनाम्हाङ्ओ अ़चुचुप्ताङ्छुक्लिप्पा निनाम्मादु खोक्को म़युङा।
निनाम्हाङ पापा खोन्कि अ़चुछा येसु ख्रिस्तदाङ्का सोमातुक्मा, सोम्कुवा खोन्कि सेवाङ्नि आन्कान्एदा अ़छ़ङ्दा खोन्कि सोमातुक्मादा युङ्ने।
अ़ङ्का येसु ख्रिस्तओ अ़चुहारुक खोन्कि याकुब्ओ अ़निछा यहुदा ओ। याकुब्ओ अ़निछा ओ। निनाम्हाङ्आ खा-खाक्कोचि म़बुत्तुचि, निनाम्हाङ पापाओ अ़चुसोमातुक्मादा कायुङ्चि खोन्कि येसु ख्रिस्तआ म़रात्तुचिओचिओ निम्पाङ अ़ङ्का ओ छाप्लावा छाप्तुङ्योङ।
