1 येसु ख्रिस्तओ अ़चुहारुक खोन्कि छाम्माय़ङ सिमोन पत्रुस्दाङ्का, आन्निनाम्हाङ खोन्कि कालेन्पा येसु ख्रिस्तओ अ़चुसाम्योक्मिदा आन्काओवाको अ़लुङ छुक्ओ अ़क्निवा सोम्कुवा कामुचिएदा ओ छाप्लावा छाप्तुङ्योङ।
बारकापाङ छाम्माय़ङ्चिओ अ़चुऩङ्चि ओचिङा ओ, बुया पत्रुस्नि लोवाङाओ सिमोन खोन्कि खोसोओ अ़निछा अन्द्रियास, जब्दियाओ अ़छा याकुब खोन्कि खोसोओ अ़निछा युहन्ना,
येसु गालिल धियाङ्वामाओ अ़केम्दा म़कोलाङाहिदा खोक्कोसाआ पत्रुस्नि लोवाङाओ सिमोन खोन्कि खोसोओ अ़निछा अन्द्रियास ह़वाङ्माङ धियाङ्वामादा बोप्छ़क वेत्ताङाचिओ म़खाचि, देकिनालो खोचि ङा कालाप्चि ओ।
खोन्कि अ़ङ्कोङ्हुत्याङ्का अ़ङ्कालेन्पा निनाम्हाङ्एदा अ़ङ्ऩङानु।
खोवात्निओसा निनाम्हाङ्ओ अ़चुखारुआ म़लोयाङ, ‘अ़ङ्का मोचिएदा निनाम्हाङ्य़ङ खाकालुचि खोन्कि छाम्माय़ङ्चि छुत्तुङ्च़ङ। मोचिदाङ्का खा-खाक्कोचि म़सेरुचि खोन्कि खा-खाक्कोचि दुखा म़प़चि।’
खोन्किना खोसाआ येसुएदा सिमोन तारु। येसुआ मो अ़खा खोन्कि अ़लोवा, “खाना युहन्नाओ अ़छा सिमोन ओ, खाना केफास्नि लो।” (ओ पत्रुस्ङा ओ, मोसोओ अ़तुप्य़ङ लुङ्छ़ङ ओ)।
साङ अ़ङ्का ब़त्मास़नालो मोसाआ अ़ङ्का अ़त़ङ्ङाने, खोन्कि अ़ङ्का खादा युङ्ङा, अ़ङ्का काब़त्छाङ मोदाङा युङ। साङ्आ अ़ङ्का अ़ब़त्ङा, अ़ङ्पापाआ मो साया अ़मेत।
खोन्कि येसुआ मोचि म़लासुलोचि, “खानानिन सेवाङ्नि लिसानिन! देत्नि पापा निनाम्हाङ्आ अ़ङ्का ऩछुत्ताङ, मोवात्निङा अ़ङ्काछाङ खानानिन छुत्नानिन।”
निनाम्हाङ्आ बुयाओदु निरावाचि सोमाम़तुक्तुचिकि देत्नि मोचिएदाओचि खोसोओ निम्पाङ म़नाचि म़छेन्तुचि, मोसोओ अ़तुक्वादा सिमोन्आ आन्कान खाम़एत्तायुङ्सा।
अ़ङ्का पावल, येसु ख्रिस्तओ अ़चुहारुक, अ़क्छा छाम्माय़ङ लिसि ऩबुत्ताङ ओ, खोन्कि निनाम्हाङ्ओ अ़चुनुय़ङ्खान खालुसि ऩछेन्ताङ्ओ।
अ़ङ्य़ङ्ओ अ़तुप्माय़ङ ओङा ओ, आम्नुओ खोन्कि अ़ङ्को, आन्साकोङ्छ़ङ्लाम्पा आन्कान अ़क्छा निएदा राक तोक्मा ऱम्ने।
देकिनालो नुय़ङ्खान्आ म़नाचि निनाम्हाङ्ओ अ़चुबुदा देत्नि साम्योक्मि कान्नि खाङ्मुसु। मो साम्योक्मि आन्कान्एदा साकोङ्छ़ङ्लाम्पा झारा ता। साम्कालिन्दा ओवात्नि छाप्याङ, “साम्योक्मि साकोङ्छ़ङ्लाम्पा ह़ङ।”
निनाम्हाङ्आ खानानिन ख्रिस्त येसुएनान अ़क्तात ऩमुन्युङ्सिन। खोक्कोङा आन्को निम्पाङ निनाम्हाङ्एदाङ्काओ ताया माङ्लो आन्कान साम्योक्मि काकान, आन्कान कासेङ खोन्कि आन्कान कालेन्पा म़लिसायुङ्सा।
छाम्माय़ङ म़नाचिएदाङ्काओ अ़ङ्का अ़चुप्पाङ ओ। अ़ङ्का छाम्माय़ङ म़नानि लोमा अ़खान्ऩङ, देकिनालो अ़ङ्का निनाम्हाङ्ओ अ़चुसाम्भुङ दुखा प़ङ।
दि अ़ङ्का अ़ङ्ताकावा च़मा अ़ऱऩङ कि? दि अ़ङ्का छाम्माय़ङ माआङ? दि अ़ङ्का आन्हाङ्पा येसु मान्खाङ्युक्तुङ? दि खानानिन हाङ्पाओ निम्पाङ अ़ङ्का मुङ्ओ काचि सिवा माआङ कि?
साम्कालिन्दा “अ़ङ्का साकोङ्छ़ङ मुवाङ, खोन्ओसा अ़ङ्का चेवाङ”नि काय़ङ्ओ अ़चुलावा आन्कान्काएदा याक्याङ्ओसा आन्कान्काछाङ साकोङ्छ़ङ मुन्का, खोन्कि आन्कान्का चेविन्का।
खोन्ओसा आन्कान खोक्कोएदा निनाम्हाङ्आ अ़नुवाक कान्मा म़ऱने निम्पाङ हेवाङा मान्मुकादा ख्रिस्त निनाम्हाङ्आ आन्को निम्पाङ हेवाओ हेन्खोक्वा अ़मुवा।
देकिनालो देत्नि निनाम्हाङ पत्रुस्ओ अ़छाम्माय़ङ अ़काचिदा यहुदिचिओ अ़चुरादा काचि म़मुवा, मोवात्निङा अ़ङ्छाम्माय़ङ काचिदाछाङ निरावाचिओ अ़चुरादा निनाम्हाङ काचि म़मुवा।
मो य़ङ खोक्कोसोओ म़सेङ्याङ्ओ छाम्माय़ङ्चि खोन्कि निनाम्हाङ्य़ङ खाकालुचि सेङ्लावालाम्पा आइमित खाङ्अ़मुसायुङ्सा, मो बुयाओ दुङ्चिदाओ म़नाचि सिन्मान्मेत्चि।
खोन्कि खोक्कोसोओ अ़चुओ मोहामाय़ङ्चि ओचिङा ओ, खा-खाक्को छाम्माय़ङ्चि, खा-खाक्को निनाम्हाङ्य़ङ खाकालुचि, खा-खाक्को नुय़ङ्खान खाकालुचि, खा-खाक्को साम्भुङ्दाओ काखाङ्चि खोन्कि खा-खाक्को काचिन्चि म़छेन्तुचि।
अ़क्तात्ङा हाङ्पा, अ़क्तात्ङा साकोङ्छ़ङ खोन्कि अ़क्तात्ङा आन्बप्तिस्मा मुयाङ।
ओ छाप्लावा ख्रिस्त येसुओ अ़चुहारुक्चि पावल खोन्कि तिमोथिदाङ्का ओ। ख्रिस्त येसुदा अ़क्भोम त़लिसिन्ओ फिलिप्पिदा कायुङ धिताङ्पाचि खोन्कि साम्भुङ काफापाचि झारा निनाम्हाङ्ओ अ़चुम़नाचि अ़ङ्का छाप्तुङ्योङ्ओ।
देकिनालो ख्रिस्तओ निम्पाङ खानानिन ब़क्मा अ़वाखाम ऩप़न्युङ्सिन, खोक्को साकोङ्छ़ङ मुमा ओन्ङा माआङ, मेन खोक्कोसोओ निम्पाङ दुखा आङ्माछाङ ओ।
खोन्ओसा अ़ङ्का झारा खोक्कोएदा अ़क्नि मुमान्चिन ऱङाने। य़ङ्हुप मुयाङ्सा अ़ङ्का साम्योक्मि लिमा अ़ऱऩङ, मेन अ़ङ्साम्योक्मि ओङा ओ, मो ख्रिस्तएदा याक, मो साकोङ्छ़ङ्लाप्मा निनाम्हाङ्एदाङ्का ताओ साम्योक्मि ओ।
अ़ङ्का आम्को अ़छ़ङ साकोङ्छ़ङ मित्तुङ। मो साकोङ्छ़ङ, बुया आम्दिमा लोइस्दा याआङा, खोन्कि आम्मा युनिस्दा, खोन्कि अ़ङ्का अ़नुछ्या सिन्तुङ्योङ, मो साकोङ्छ़ङ खानाएदाछाङ याक्याङ।
अ़ङ्का पावल निनाम्हाङ्ओ अ़चुहारुक खोन्कि ख्रिस्त येसुओ छाम्माय़ङ्आ ओ छाप्लावा छाप्तुङ्योङ। निनाम्हाङ्आ म़छेन्तुचिओचिओ अ़चुसाकोङ्छ़ङ पोइसि खोन्कि निनाम्हाङ्ओ अ़ऩङानुओ अ़छ़ङ य़ङ म़नाचिआ तुप्मा निकि फासि निनाम्हाङ्आ अ़ङ्का ऩछाम्साङ।
अ़ङ्काएनान अ़क्निवाओ साकोङ्छ़ङ कामु अ़ङ्को अ़नुछ्याओ अ़ङ्छावाको तितस ओ छाप्लावा छाप्तुङ्योङ। आन्पापा निनाम्हाङ खोन्कि आन्कान कालेन्पा ख्रिस्त येसुआ खाना सोमातुक्मा खोन्कि सेवाङ्नि ऩप़ने।
ओवात्निङा तामामित्मा मुन्येन्ओ य़ङ तामालामा लेन्ओ अ़लाम आन्कान खाम्योम। मो लेन तोक्पो निनाम्हाङ येसु ख्रिस्त आन्कालेन्पा अ़धिवा साम्दा म़य़याङ्ओ खाङ्म़मुनान्चिन।
निनाम्हाङ खोन्कि हाङ्पा येसु ख्रिस्तओ अ़हारुक याकुब्दाङ्का हेन्खामादा रावा-रावाचिओ अ़चुरादा त़रिसिन्चिन्ओ बारकाभुङ्चिएदा अ़ङ्सेवा!
येसु ख्रिस्तओ अ़चुछाम्माय़ङ पत्रुस्दाङ्का, पोन्तस, गलातिया, कापादोकिया, एसिया खोन्कि बिथिनियादा कायुङ लोन्माखान्माय़ङ फात्ताफेला म़लिसाओचि निनाम्हाङ्आ म़छेन्तुचिओचिओ निम्पाङ ओ छाप्लावा छाप्तुङ्योङ।
ओ चिन्माखाङ्माचिआ आम्नुओ साकोङ्छ़ङ अ़नुछयाओनि अ़छ़ङ अ़मु, खोन्कि मिलाम्पा हेङ्नुछाङ लुक्खात्ओ हाराक्वादाङ्काछाङ च़लोक अ़च़वाङ निकिना खाङ्म़मु। ओ येसु ख्रिस्त खाङ्म़मुनान्चिन्हिदा ऩङ्चोन्मा, ऩङ्लोङ्मा खोन्कि साया तोक्मा खान्तुओ लिने।
खोन्ओसा खानानिन साकोङ्छ़ङ कामुचिओ निकिना खोक्को अ़लुङ्छ़ओ म़मुयाङ, मेन साकोङ्छ़ङ मान्मुकादाचिओ निकिना, “खिम कामुचिआ अ़काचि मात्द़ङ्ओ निकिना ऩङाअ़छिराओ लुङ्ताक मो खुचुरोङ्दाओ मुलो लुङ्ताक म़लिसायुङ्सा।”
अ़ङ्काछाङ अ़क्छा ताङ्पाओसा ख्रिस्तओ दुखाओ सालुम्स़ङ खोन्कि आन्कान खाङ्म़मेत्ओ साम्दा कावाङ्चिओसा हान आम्नुओ रादाओ ताङ्पाचि अ़ङ्का राक प़ङ्योङ्च़ङ।
ओलाम्पाङा अ़लुङ्स़रिओ खोन्कि तोक्पो अ़चुहिप्माय़ङ्चि आन्कान म़पुवायुङ्सा, खोन्ओसा ओ हेन्खामादाओ पोप्माय़ङ अ़अ़त्पा मित्माचिदाङ्का फुङ्सानिन खोन्किना खानानिन निनाम्हाङ्ओ अ़चुच़माथाङ्मादा वाङानिन।
अ़ङ्का येसु ख्रिस्तओ अ़चुहारुक खोन्कि याकुब्ओ अ़निछा यहुदा ओ। याकुब्ओ अ़निछा ओ। निनाम्हाङ्आ खा-खाक्कोचि म़बुत्तुचि, निनाम्हाङ पापाओ अ़चुसोमातुक्मादा कायुङ्चि खोन्कि येसु ख्रिस्तआ म़रात्तुचिओचिओ निम्पाङ अ़ङ्का ओ छाप्लावा छाप्तुङ्योङ।
