4 खा-खाक्को माकेदोनियादाओचि अ़ङ्काएनान म़बान्कि खानानिन मान्चुम्त़युक्तिन्चिन्ओ ऩधिरिन्नालो आन्कान्का लेजोदा छुक्तिन्का, खोन्कि खानानिन ओन्ङा माआङ, मेन आन्कान्काछाङ लेजोदा त़छुक्तिन, देकिनालो आन्कान्का खानानिन ब़द्धे सोम्कुवा मुनिओ।
देकिनालो यरुसलेम्दाओ निनाम्हाङ्ओ अ़चुम़नाचिओ रादा मान्तोक्कादाचिओ निम्पाङ माकेदोनिया खोन्कि अखैयादाओ साम्भुङ्चिआ अ़चिलोक छुक्दाम प़मा अ़छ़ङ अ़मुवायुङ्सा।
झाराका साताओ बुयाओ लेन खानानिन झारासाआ आ-आप्पि त़दुउम्ओ अ़चित छेन्बि फेआनुम्कि कोवायुङ्सानुम। खोन्ओसा अ़ङ्का बान्ङाओ ग़रि कोप्मा अ़दोत्निन्ने।
अ़नुछ्याङा, ओ अ़ङ्तोक्पो लिमादा, अ़ङ्का हाङ्पाओ अ़चुपाङ्दाङ्का चेप्ङाङाओ माआङ, मेन खामान्सिन्वा चेप्ङाङा।
खोन्ओसा, आम्नुओ सोम्तुक्मा खोन्कि आम्नुओ तुक्वादा आन्काओ ऩङानुमाओ अ़सालुम्स़ङ साम्भुङ्चिओ अ़चुबुदा ओ म़नाचि खाङ्मेत्तानुम्च़म।
देकिनालो अ़ङ्का आम्नुओ मिन्मा सिन्तुङ्योङ। खोन्कि आनेम्ऩङ्दाङ्का अखैया धिखाहुप्दाओ म़नाचि छुक्दाम प़मा म़चुम्सान्यान्चिन निकिना आम्नुओ तुक्वादा माकेदोनियादाओ म़नाचि अ़ङ्ऩङानुयाङ्सा मोचि अ़ङ्का लोङ्च़ङ्ओ। आम्नुओ राक्आ मोचिएदाओ ब़द्धेकापाङ अ़चुचोङ्माङ काइसुयुङ्सुचि।
अ़ङ्का पावल अ़ङ्छुक्आ छाप्तुङ्कि हिप्नाङ्ना, मो अ़नाक अ़ङ्काङा छोरुङ। मेन खानाआ देत्नि अ़ऩङ्वा ह़ङ्म़ङ त़तोक्तुओ, मो मान्मान्केदो।
