12 अ़ङ्का मो छाप्लावा काफिचि लाहि पाक्माचिओ निम्पाङ माङ्लो काफिएदाङ्का मिन्मातुक्मा तोक्माओ निम्पाङ छाप्तुङ्ओ माआङ। खानानिन्आ ना निनाम्हाङ्ओ अ़चुबुदा आन्काओ निम्पाङ अ़नुछ्याङा देम खान्नुलो त़ब़त्निङ्निनिओ य़ङ नुलोक खाङ्मुमा छाप्तुङ्ओ।
देकि खानानिन्एदाङ्का छेन्बि अ़लोक्ऩङ? दि अ़ङ्का खानानिन सोमाअ़तुक्नान्निमिन निकिना ओ? निनाम्हाङ्आ अ़सिन्याङ, अ़ङ्का खानानिन सोमातुक्नानिन!
खोन्कि ओ य़ङ्चिदाङ्का नि अ़लेन्खिन्तुम झारा साम्भुङ्चि खाङ्माओ पाङ खोन्कि मिन्राक, अ़ङ्काएदा याक्याङ।
देकिनालो ब़द्धे निचिवा आन्कान्का निनाम्हाङ्ओ अ़चुय़ङ काखित काइन्चि माआङ, मेन निनाम्हाङ्आ ऩछुत्तिन्काओ अ़चुमिन्मा सेङ्याङ्ओ म़नाचिवा आन्कान्का निनाम्हाङ्ओ अ़चुबुदा ख्रिस्तओ अ़चुतुक्वादा चेविन्का।
खानानिन चिन्माखाङ्मा खोन्कि झारा य़ङ्दा लोमाय़ङ्वा त़च़न्येन हे माआङ्नि सिन्मा निम्पाङ अ़ङ्का खानानिन छाप्नानिन्ओ।
अ़ङ्छाप्लावालाम्पा आम्नुओ मिन्मा तुआ, खोन्नुछाङ अ़ङ्मिन्मा मान्तुक्युक। बुयाना अ़ङ्मिन्मा तुआओङा ओ। मेन ओन्ग़रि मो अ़ङ्छाप्लावाआ अ़क्चित लेन्तारि ओन्ङा आम्नुओ मिन्मा तुआओ अ़ङ्का सिन्तुङ।
अ़क्छा म़नाआ आप्पि अ़खिम्लुम्पा तोङ्मा अ़लेसुन्लो निनाम्हाङ्ओ अ़चुसाम्भुङ देत्नि खोसाआ खाङ्मा ऱ?
