4 देकिनालो आन्कान्का ओ पोक्दा युङिन्येन्काहिदा मिन्मा चाअ़त्माआ आन्कान्का ह़त्पा लुन्का, आन्कान्का आन्काओ कालाङ्द़क लिसिन्काने निम्पाङ माआङ, मेन च़लोक दिप्तिन्चिन्काने निकिना ओ। खोन्ओसा दि स़दाओ मुयाङ, मो ह़ङ्म़ङ्दा फान्नान्चिन्ने।
खोन्कि मुन्माय़ङ्आ ओन्ङा माआङ, मेन आन्कान आप्पि साङ्एदा सेङ्लावाओ बुयाओ अ़सिवा याक्याङ, तात्माछावात्नि लोक्लुमा खोन्कि आन्पोक लेन्माओ निम्पाङ राक्एनान हुङ्याङ्सा आन्कान आप्पिछाङ आन्कोङ्हुत्या ह़त्पा लुन्येन।
एनानुम, अ़ङ्का अ़क्तात अ़कोङ्दुम खानानिन खाएत्नानिन, आन्कान झारा अ़इम्सिन्दान्मिन,
ओदा अ़नुछ्या आन्कान ह़त्पा लुन्येन, खोन्कि निनाम्मादुओ खिम तोक्मा स़न।
देकिनालो ओसाआ आन्कान म़दिप, खोन्ओसा आन्लावा पोक मात्द़ङ्ओवाको अ़कालाङ्द़क अ़मुनिन।
अ़ङ्का ओ अ़ङ्पोक्दा युङ्ङाङाओन खानानिन अ़धुन मित्मेत्मायुङ्मा नुलोक लिनि अ़ङ्का मिन्ङा।
