२ कोरिन्‍थि 5:1 - बान्‍तावा राई

¹ खोन्‍कि आन्‍कान सिन्‍तुम्‌योम, आन्‍को ओ हेन्‍खामादाओ आन्‍पोक लुक्‍खात्‌नुछाङ निनाम्‍मादु निनाम्‍हाङ्‌आ म़पुवाओ आन्‍खिम, माङ्‌लो अ़धुन्‌तारि युङ्‌युङ्‌ओ आन्‍पोक युङ्‌याङ, मो छुक्‌आ मुवाओ माआङ।

२ कोरिन्‍थि 5:1 交叉參考

मर्कुस 14:58

“ओक्‍को आन्‍कान्‍का ओवात्‍नि य़ङाओ एनुम्‍का, ‘अ़ङ्‌का म़नाओ अ़छुक्‌आ मुमाय़ङ, ओ निनाम्‍हाङ्‌ओ अ़चुब़क्‍खाखिम भुङ्‌सुङ्‌खाइसुङ, खोन्‍कि सुम्‌कालेन्‌दा म़नाओ अ़छुक्‌आ मान्‍मुमाय़ङ नितात निनाम्‍हाङ ब़क्‍खाखिम मुङ।’”

छाम्‍माय़ङ 7:48

खोन्‍नुछाङ, झारादाङ्‌का तोक्‍पो निनाम्‍हाङ म़नाचिआ मुमाय़ङ ब़क्‍खाखिम्‌चिदा ऩयुङ्‌निन। ओवात्‍नि निनाम्‍हाङ्‌य़ङ खाकालुचि म़य़ङायुङ्‌सा:

१ कोरिन्‍थि 3:9

देकिनालो आन्‍काच्‍या ना निनाम्‍हाङ्‌ओ निम्‍पाङ अ़क्‍नि अ़चुकाचि कामुचिओ। खानानिन निनाम्‍हाङ्‌ओ अ़चुव़क ओ, निनाम्‍हाङ्‌ओ अ़चुखिम्‌ओ।

२ कोरिन्‍थि 4:7

झारादाङ्‌का तोक्‍पो सावा आन्‍कान्‍काएदाङ्‌का माआङ, मेन निनाम्‍हाङ्‌एदाङ्‌काओनि नुलोक खाङ्‌मुमाओ निम्‍पाङ ओ अ़लुङ छ़ओ छेन्‍बि आन्‍कान्‍का खाम्‍बाखावाको ब़चिदा याक्‌याङ।

२ कोरिन्‍थि 5:4

देकिनालो आन्‍कान्‍का ओ पोक्‌दा युङिन्‌येन्‍काहिदा मिन्‍मा चाअ़त्‍माआ आन्‍कान्‍का ह़त्‍पा लुन्‍का, आन्‍कान्‍का आन्‍काओ कालाङ्‌द़क लिसिन्‍काने निम्‍पाङ माआङ, मेन च़लोक दिप्‍तिन्‍चिन्‍काने निकिना ओ। खोन्‌ओसा दि स़दाओ मुयाङ, मो ह़ङ्‌म़ङ्‌दा फान्‍नान्‍चिन्‍ने।

कलस्‍सि 2:11

खानानिन ख्रिस्‍तदा तामाङा सिप्‍मायाम्‍बुन पाक्‍तिन्‌वाको ओ। म़नाओ अ़छुक्‌आ पाक्‍माय़ङ सिप्‍मायाम्‍बुन माआङ, मेन ख्रिस्‍तआ पाक्‍माय़ङ सिप्‍मायाम्‍बुन्‌आ हेवा मुमा सावादाङ्‌का म़फोङ।

२ तिमोथि 1:12

खोवात्‍निओसा अ़ङ्‌का ओ य़ङ्‌चिदा छेक्‍खादा दुखा आङ्‌तुङ्‌योङ, खोन्‍नुछाङ अ़ङ्‌का ओ य़ङ्‌दा अ़ङ्‌लेजो अ़कात्‍निन। देकिनालो अ़ङ्‌का साङ्‌एदा साकोङ्‌छ़ङ मुङ्‌युङ्‌सुङ, अ़ङ्‌का सिन्‍तुङ्‌योङ खोन्‍कि अ़छ़ङ मुङ्‌युङ्‌सुङ, दि अ़ङ्‌का खोक्‍कोसोओ अ़चुलामाय़मातारि प़ङ्‌युङ्‌सुङ, मो रात्‍मा काऱ खोक्‍को म़युङ्‌याङ।

हिब्रु 11:10

अब्राहाम्‌आ ओ मु, देकिनालो निनाम्‍हाङ्‌आ मित्‍चिऩङ अ़मुवाओ खोन्‍कि अ़धुन युङ्‌युङ्‌ओ छ़ङ्‌दा मुमाय़ङ सहरा खोसाआ हुङुङु।

हिब्रु 9:11

मेन ख्रिस्‍त आइमित साऱङ म़ताचिआओ अ़नुवाक य़ङ्‌चिओ मुलो काब़क्‍पा म़लिसा। खोक्‍को निनाम्‍मादुओ च़लोक तोक्‍पो खोन्‍कि अ़च़क़ल़क तित्‍खिम्‌दा म़खारा। मो छुक्‌आ मुमाय़ङ्‌ओ माआङ खोन्‍कि ओ मुन्‍माय़ङ हेन्‍खामाओ अ़धाङ माआङ।

हिब्रु 9:24

ख्रिस्‍त म़नाओ अ़छुक्‌आ मुमाय़ङ सेङ्‌याङ्‌ओदा मान्‌वाङ्‌चि। मो अ़नुछ्‍या निनाम्‍मादुओ अ़मात्‍ऩङ ओन्‍ङा ओ। मेन खोक्‍को निनाम्‍मादुङा म़वाङा, खोन्‍कि खोक्‍को आन्‍लिप्‍पादा निनाम्‍हाङ्‌ओ अ़चुबुदा म़खारायुङ्‌सा।

१ पत्रुस 1:4

आम्‍नुओ निकि देम्‍खाछाङ अ़लुक्‍निन्‍खात्‍निन्‌ओ खोन्‍कि मान्‍पोप्‌ओ खोन्‍कि अ़युन्‍निन्‍खात्‍निन्‌ओ पाङ्‌यि निनाम्‍मादु युङ्‌सायुङ्‌सा।

२ पत्रुस 3:11

ओ झारा य़ङ्‌चि ओवात्‍नि म़ह़त्‍खात्‌ओसा खानानिन दियाको म़ना लिमादोत? आम्‍नुओ ह़ङ्‌म़ङ निनाम्‍हाङ्‌ओ निम्‍पाङ सेङ्‌याङ्‌ओ खोन्‍कि साम्‌योक्‍मि च़माथाङ्‌मादा प़मादोत।

१ युहन्‍ना 3:14

आन्‍कान सिन्‍तुम्‌योम, आन्‍कान स़मादाङ्‌का ह़ङ्‌म़ङ्‌दा सोत्‍तिन्‌युङ्‌सिन्‍चिन, देकिनालो आन्‍कान ख्रिस्‍तियान यावाचि सोमातुक्‍तुम्‌योम्‍च़म। साङ खासोमाअ़तुक्‍निन, मो स़मादा याक।

१ युहन्‍ना 3:19

आन्‍कान ओदाङ्‌काङा अ़छ़ङ्‌दाओ निकिना आन्‍कान सिन्‍तुम, खोन्‍कि निनाम्‍हाङ्‌ओ अ़चुबुदा आन्‍साकोङ्‌वा सेवाङ्‌नि लु,

१ युहन्‍ना 3:2

सोमातुक्‍नाङ्‌नानिन्‌ओ यावाचि ओ, ओन्‍ग़रि आन्‍कान निनाम्‍हाङ्‌ओ अ़चुछाचि ओ, खोन्‍कि आन्‍कान माय़ङ देलिसिन ओ, मो ओन्‍ग़रितारि मान्‍सिन्‌युक्‍तुम। मेन आन्‍कान सिन्‍तुम्‌योम, ख्रिस्‍त खाङ्‌म़मुनान्‍चिन्‌ओ ग़रि आन्‍कान्‌छाङ खोक्‍कोवाकोङा लिसिन, देकिनालो खोक्‍को देत्‍नि म़कात्‌याङ, आन्‍कान मोवात्‍निङा खोक्‍को खाम।