10 अ़नुछ्याङा खाक्को अ़क्दु साम्स़रिओ मुवाङा, मोदाङ्का काछो साम ताओसाआ हान मो बुयाओ साम मात्द़ङ।
हाङ अग्रिपा ओ, आप्फात अ़खोलेन लाम्दा खाराङ्याङ्हिदा निनाम्मादुङ्का नाम्साम्दाङ्काछाङ छाक्छाक्छाक्वाओ साम धाओ अ़ङ्का खाङ, मो अ़ङ्ऱङ्कोप्नि खोन्कि अ़ङ्काएनान काखात अ़ङ्यावाचिएदा लेराङा।
देकिनालो थुत्मेत्लो युङाओ साम्दा मोवात्नि लेराङानालो अ़धुन युङ्युङ्ओदा देम च़लोक साम्स़रिओ मु।
काह़त य़ङ्हुप साम्स़रिओ मुवाङानालो साम्योक्मि काकान काचि मोदाङ्का च़लोक साम्स़रिओ मु।
मो तोक्पो सावापोरिओ निनाम्हाङ्आ “ओक्को अ़ङ्का सोमातुक्तुङ्योङ्ओ अ़ङ्छा ओ, खोक्कोएदा च़लोक अ़ङ्ऩङानुवायुङ्सा”नि येसु म़य़ङाहिदा खोक्कोसाआ निनाम्हाङ पापाएदाङ्का साया खोन्कि ऩङ्चोन्मा अ़तोक्ता।
मोदा देम्खाछाङ खाअ़खुत्निन, खोन्कि मोचि कुपि माङ्लो नाम साम अ़दोत्निन, देकिनालो हाङ्पा निनाम्हाङ्ङा मोचिओ अ़चुसाम म़लि, खोन्कि मोचि अ़धुन-अ़धुन्तारि हाङ्म़मु।
