4 आम्नुओ राक सेत्मा माआङ, मेन खानानिन्एदा याक्याङ्ओ अ़ङ्को च़लोक अ़ङ्सोमातुक्मा खानानिन सिन्तानुम निकिना अ़ङ्साकोङ्वादाओ ब़द्धे दुखा खोन्कि अ़ङ्योक्मा खोन्कि ब़द्धे अ़ङ्म़क्वाएनान अ़ङ्का खानानिन छाप्नानिन्ओ।
निनाम्हाङ्वात्निङा अ़ङ्का खानानिन खाङ्नायुङ्नानिन। अ़क्छा खिम्हाङ्पाओ सेङ्याङ्ओ वारिसावात्नि खानानिन खाङ्मुमाओ निकि अ़ङ्का ख्रिस्तओ निम्पाङ खानानिन दोत्नाप़नायुङ्नानिन।
अ़ङ्का आम्नुओ निम्पाङ अ़न्नुनु अ़ङ्ऩङानुयाङ्सा अ़ङ्सामाचि याङुङ्च़ङ, खोन्कि अ़ङ्का आप्पि अ़ङ्ह़ङ्म़ङ्छाङ प़नानिन। अ़ङ्का खानानिन च़लोक सोमातुक्नानिन्नालो दि खानानिन्आ अ़ङ्का चुक्लो सोमात़तुक्ङाऩङ?
खानानिन चिन्माखाङ्मा खोन्कि झारा य़ङ्दा लोमाय़ङ्वा त़च़न्येन हे माआङ्नि सिन्मा निम्पाङ अ़ङ्का खानानिन छाप्नानिन्ओ।
अ़ङ्का मो छाप्लावा काफिचि लाहि पाक्माचिओ निम्पाङ माङ्लो काफिएदाङ्का मिन्मातुक्मा तोक्माओ निम्पाङ छाप्तुङ्ओ माआङ। खानानिन्आ ना निनाम्हाङ्ओ अ़चुबुदा आन्काओ निम्पाङ अ़नुछ्याङा देम खान्नुलो त़ब़त्निङ्निनिओ य़ङ नुलोक खाङ्मुमा छाप्तुङ्ओ।
अ़ङ्का ब़द्धेकादु खाएत्नानिन्ओ म़नाचिओ अ़तुक्वादा हान्छाङ खानानिन खाप्याङ्सा लानालोनाङ्नानिन, ब़द्धे म़नाचि ख्रिस्तओ अ़चुक्रुस्ओ ङेङ्चिवात्नि म़ह़ङ।
