17 ओ हेन्खामादाओ कातोक्चि ऱक्भाक मान्लिदानिन्नि लोचि। अ़छ़ङ मात्द़ङ्ओ चासुम्छेन्बिदा माआङ, मेन आन्कान ऩङानुमान्चिन्ओ निम्पाङ झारा सामा ब़द्धे याङ्मा काप़ निनाम्हाङ्एदा मोचि सोम्कुवा म़मुने।
साङ म़नाओ अ़छाओ अ़देङ्सालाप्पादा चेप, मो अ़लेत। मेन साङ सेङ्लावाओ अ़देङ्सालाप्पादा चेप, मो ओ जुगादा खोन्कि तायाङ्ओ जुगादाछाङ अ़लेत्निन।
खोन्किना येसुआ अ़चुकाखेङ्पाचि म़लोचि, “अ़नुछ्या अ़ङ्का खानानिन लोनानिन, कातोक म़ना निनाम्हाङ्होन्दा वाङ्मा ब़द्धे चाअ़त।
खोन्किना पाच्काबेखा हाराक्वाओ फेक्वा कातोक्आ च़क्नि खाराकि मो खित्मा इन्मा काचिदा पाउ, खोन्कि पाच्काबेखा च़लोक दुउ।
अ़नाम्प़क्साऱङ लिसायुङ्सा अरिमाथियादाओ योसेफ अ़ऩङ मुवाङाओ अ़क्छा कातोक म़ना ता। खोछाङ येसुओ अ़चुकाखेङ्पा याआङा।
निनाम्हाङ मान्सिन्कादाचिआ ओ झारा सामाचि म़लामुचि। मेन निनाम्मादुओ आम्नुओ पापाआ खानानिन ओवाको झारा सामाचि दोत्याङ निकिना अ़सिन्याङ।
येसुओ अ़चुय़ङ्आ अ़चुकाखेङ्पाचि दोम्तुदोचि। मेन येसुआ मोचि म़लासुलोचि, “अ़ङ्छाचि ओ! निनाम्हाङ्ओ अ़चुहाङ्होन्दा वाङ्मा ब़द्धे चाअ़त।
मोदा अ़क्छा जखायस अ़ऩङ मुवाङाओ म़ना युङाङा। खो दाम्दु कालात्चिओ अ़चुमुलो खोन्कि कातोक म़ना मुवाङा।
खोसाआ मोचिओ अ़चुय़ङ लासु, “ह्वातात तित कातोक्आ मान्तोक्कादा अ़क्तात प़ने, खोन्कि चामायु कातोक्आ मान्तोक्कादा प़ने।”
खोन्नुछाङ खोसाआ खोक्को देम सोमाकातुक म़युङ्याङ निकिना म़नाचि खाङ्म़मेत्तुयुङ्सुचि। खोक्कोसाआ खानानिन निनाम्मादुङ्का वा खोन्कि अ़नुवाक चा खोन्कि चामायु ऩप़न्कि ऩङानुमाआ आम्नुओ साकोङ्वा कोङ्हाक्नि ऩमेत्तिन्प़न।”
खोचि एन्तिओखियादा लासाताचिकिना साम्भुङ अ़बुत्ताचु, खोन्कि निनाम्हाङ्आ खोचिएदा अ़मुवाओ झारा काचिचिओ अ़तुक्वादा खोन्कि देत्नि निनाम्हाङ्आ निरावाचिछाङ साकोङ्छ़ङ मुखालाम म़होत्तुप़चिओ मो खाअ़एत्ताचुचिन।
निनाम्हाङ हाप्तिन्दिसिन्वा म़नाएदाङ्का फाऩलुनिन, देकिनालो खोक्कोसाआङा ह़ङ्म़ङ, साक्मा खोन्कि झारा सामाचि झारा म़नाचि म़प़चि।
मो नुयाङ, मोचिओ अ़चुसाकोङ्छ़ङ मान्मुदामाआङे खेत्चि म़ओराओ। खाना आम्साकोङ्छ़ङ्आ ओन्ङा मो स़ङ्ताङ्दा त़चोक्तायुङ्सा। खोन्ओसा ऱक्भाक मान्मुदा, मेन क़याङ्सा युङा।
देकिनालो खानानिन्आ ओ अ़नुछ्या सिन्तानुम, खाक्कोछाङ ताङ्लान कामु खोन्कि अ़सेङ्निनिन्ओ म़ना माङ्लो च़क्ख़य़ कामु म़ना (मो अ़क्छा सेम्पोक काब़क ओ), ख्रिस्तओ खोन्कि निनाम्हाङ्ओ अ़चुहाङ्होन्दा देम्खाछाङ पाङ्यि अ़तोक्तुन।
ख्रिस्तओ अ़चुय़ङ खानानिन्एदा च़लोक याक्ने। झारा खारुएनान अ़क्छानिएदात्नि चिन्मुवानिन खोन्कि चाप्चेत्मुवानिन। चोन्मा छाम, साम्ऱङ, खोन्कि लावामि छाम लुवानिन। आम्नुओ साकोङ्वादाओ आलाङ्एनान निनाम्हाङ्एदा छाम लुवानिन।
देकिनालो देत्नि आन्कान्का खानानिन तुप्निहिदा साऩङ्वा त़मेत्निओ, खोन्कि देत्नि सेम्पोक्चिदाङ्का अ़ह़ङ खोन्कि अ़छ़ङ निनाम्हाङ ब़त्सि त़लासिन्ओ, मोसोओ अ़तुक्वादा झारादात्निओ म़नाचिआ खाअ़लु।
अ़ङ्का माकेदोनिया खाराङ्याङ्हिदा खाना यायोक प़नादानाओ वात्नि, खाना एफिसस्दा युङा, खोन्कि सोज्जे काचिन्चि देत्निकिछाङ मोदा मान्चिन्दानुम्च़म्नि लोचि।
मेन अ़ङ्का बान्मा छ़ङानालो निनाम्हाङ्ओ अ़चुखिम्लुम्पादा देत्नि तुङ्मादोत मो खानानिन सिन्मादोत। ओ खिम्लुम्पा अ़ह़ङ निनाम्हाङ्ओ अ़चुसाम्भुङ ओ, खोन्कि अ़नुछ्याओ अ़तोम्खा खोन्कि छ़ङ ओ।
खोत्निओसा आन्कान ओ मित्चिऩङ्आ चात्लो काचि खोन्कि दुखा मुन। देकिनालो झारा म़नाचिओ अ़चुकालेन्पा खोन्कि च़लोक्वा खोक्को साकोङ्छ़ङ कामुचि अ़ह़ङ निनाम्हाङ्दा आन्कान आन्सोम्कुवा युङ्सुम।
निनाम्हाङ खोन्कि ख्रिस्त येसु खोन्कि छेन्माय़ङ निनाम्हाङ काफाचिओ अ़चुबुदा अ़ङ्का खाना चात्लो लोना, ओ झारा यायोक्चि लिप्पा मान्वाङ्माङ माङ्लो साङ्छाङ नुलोक अ़त्लो मान्मुमाङ मुचि।
झारा ह़ङ्म़ङ काप़ निनाम्हाङ खोन्कि पन्तियस पिलातस्ओ अ़बुदा अ़नुवाक सालुम्स़ङ काप़ ख्रिस्त येसुओ अ़चुबुदा अ़ङ्का खाना लोनाङ्ना,
मेन खाक्को म़नाचि कातोक लिमा म़लाम, मोचि चिन्माखाङ्मादा म़छुक, खोन्कि वाय़दा म़धा खोन्कि ब़द्धे खामान्सिन खोन्कि क़माकात्तुओ मिन्मादा म़वाङ। मोसाआ म़नाचि चिन्मा खोन्कि लुक्मादा सारुचि।
देकिनालो देमास्आ, ओ आइमित्ओ हेन्खामा सोमातुक्तुकि अ़ङ्का अ़छिराङ्दाङ्युङ्साङ, खोन्कि खो थेसलोनिके खारायुङ्सा। क्रेसेन्स गलातिया खारायुङ्सा, खोन्कि तितस दलमातियादा।
ओ सोम्तुक्माआ आन्कान खान्अ़त्ओ ह़ङ्म़ङ खोन्कि हेन्खामादाओ च़क्ख़य़ छित्म़मेत, खोन्कि ओ सोम्तुक्माआ आन्कान आप्पि क़म्तिन्चिन्कि ओ हेन्खामादा निनाम्हाङ्ओ अ़चुमिन्मावा च़मा खोन्कि निनाम्हाङ्एनान तोङ्ओ ह़ङ्म़ङ क़प्मा ऱम।
आन्कालेन्पा येसु ख्रिस्तओ अ़चुतुक्वाआ निनाम्हाङ्आ खोक्कोसोओ अ़चुलावा आन्कान्एदा च़लोक म़पाक्तापुवा।
खोन्नालो खानानिन आन्हाङ्पा खोन्कि कालेन्पा येसु ख्रिस्तओ अ़धुन्ओ अ़चुहाङ्होन्दा अ़धिवो साऩङ्वाएनान वाङ्मा त़तोक्तुम।
