१ तिमोथि 2:10 - बान्‍तावा राई

¹⁰ मेन निनाम्‍हाङ्‌ओ अ़नुवाक काचिचिलाम्‍पा म़चोङ्‌नान्‍चिन्‍ने, ओसाआ निनाम्‍हाङ काब़क मेत्‍छामाचि खान्‍तुचि।

१ तिमोथि 2:10 交叉參考

छाम्‍माय़ङ 9:36

योप्‍पा सहरादा तबिता अ़ऩङ मुवाङाओ अ़क्‍छा काखेङ्‌मा युङाङा। मोसोओ ग्रिक अ़ऩङ दोरकास ओ, अ़तुप्‍माय़ङ “ख़स्‍सामा”। मो अ़धुन निचिओ निकि अ़नुवाक काचि मुवाङा, खोन्‍कि मान्‍तोक्‍कादाचि फासुङुचि।

छाम्‍माय़ङ 9:39

खोन्‍किना पत्रुस चुम्‍सान्‍चिन्‌कि मोचिएनान खारा। मोया तालाकि म़नाचिआ खो खिम्‌ओ धाक्‍कोछान्‌दु अ़वाक्‍ता। झारा मेन्‍मित्‍माचिआ खो अ़कोम्‍ताखात्‍ताकिना दोरकास खोचिएनान युङाङाहिदा बोचिओ बोप्‍खुचि खोन्‍कि नि तित्‌चि खाप्‌याङ्‌सा खो खाङ्‌अ़मेत्‍ता।

एफिसि 2:10

देकिनालो आन्‍कान अ़नुवाक काचिचिओ निम्‍पाङ ख्रिस्‍त येसुदा मुन्‍माय़ङ खोक्‍कोसोओ अ़चुसिकि ओ। आन्‍कान अ़नुवाक काचि मुन्‍ने निम्‍पाङ निनाम्‍हाङ्‌आ बुयाङा अ़चुम्‍सायुङ्‌सा ओ।

१ तिमोथि 2:11

अ़क्‍छा मेत्‍छामा साऩङ्‌वाएनान खोन्‍कि वाइवेत युङ्‌कि खेङ्‌सुने।

१ तिमोथि 2:9

मोवात्‍निङा मेत्‍छामाचिछाङ खान्‍तुचिलो ताक्‍पेत्‍निओ तित म़हुम्‍नेनि अ़ङ्‌का मिन्‍ङा। अ़चुताङ्‌मुवा अ़न्‍नुनु अ़चोङ्‌कि हाराक्‌वा माङ्‌लो वाचेत्‍लुङ्‌चि खोन्‍कि ब़द्‍धे अ़लुङ्‌छुक्‌ओ तित्‌चि म़हुम्‌कि माआङ,

तितस 2:14

झाराकापाराओ आन्‍हेवादाङ्‌का आन्‍कान फोङ्‌सि, आन्‍कान सेङ्‌सि, खोन्‍कि अ़नुवाक काचि मुमा कास़ आप्‍पिओ अ़चुम़ना मुसि येसु ख्रिस्‍तआ आन्‍को निकि अ़चुह़ङ्‌म़ङ म़पुवा।

तितस 3:8

ओ अ़नुछ्‍याओ य़ङ ओ। निनाम्‍हाङ्‌एदा साकोङ्‌छ़ङ कामु झारासा अ़नुवाक काचि मुमादा मिन्‍मा अ़पाक्‍ने निकिना खाना त़छ़म्‍तुचिनेनि अ़ङ्‌का लोना। ओवाको काचिचि अ़नुवाक म़मु खोन्‍कि झारा म़नाचिओ निकि अ़नुवाक य़ङ ओ।

१ पत्रुस 2:12

निरावाचिओ अ़चुरादा आम्‍नुओ च़माथाङ्‌मा अ़नुवाक मुवानुम। मोचिआ खानानिन अ़त्‍लो काच़चिनि आम्‍नुओ देङ्‌सालाप्‍पादा म़चेप्‌नुछाङ मोचिआ आम्‍नुओ अ़नुवाक काचिचि म़खाचिकि हाङ्‌पा म़ताओ लेन मोचिआ निनाम्‍हाङ्‌ओ अ़चुओ ऩङ अ़चोन्‍ने।

२ पत्रुस 3:11

ओ झारा य़ङ्‌चि ओवात्‍नि म़ह़त्‍खात्‌ओसा खानानिन दियाको म़ना लिमादोत? आम्‍नुओ ह़ङ्‌म़ङ निनाम्‍हाङ्‌ओ निम्‍पाङ सेङ्‌याङ्‌ओ खोन्‍कि साम्‌योक्‍मि च़माथाङ्‌मादा प़मादोत।

खाङ्‌मुमा 2:19

खानानिन त़मुम्‌योम्‍च़म्‌ओ अ़तुक्‌वाचि झारा सिन्‍तुङ्‌योङ्‌च़ङ। आम्‍नुओ सोमातुक्‍माचि, आम्‍नुओ साकोङ्‌छ़ङ्‌चि, आम्‍नुओ सेवाचि खोन्‍कि आम्‍नुओ आङ्‌माय़ङ्‌चि अ़ङ्‌का सिन्‍तुङ्‌योङ्‌च़ङ। आदेङ्‌ओ आम्‍नुओ काचिचि बुयाओदाङ्‌का च़लोक म़मुयाङ निकिना अ़ङ्‌का सिन्‍तुङ्‌योङ।