3 म़नाचि “झारा सेवाङ्नि खोन्कि रात्पाला आन्कान्एदा युङ्याङ”नि म़य़ङ्याङ्हिदा मोग़रिङा बुक्खुन्दिमाचि छा दाप्मा दुखाआ लाउचिवात्नि च़क्नि मोचिएदा अ़चुलुक्मा ता। खोन्कि मोचि मोदाङ्का फुङ्मा ऩऱनिन।
खानानिन प़चि ओ! अ़छ़क्एनान्ओ प़ओ अ़छाचि, खानानिन सित्म़ङ दुखातोक्खादाओ दन्दादाङ्का देत्नि त़लेरिन?
छातोक्मा ग़रि मेत्छामा अ़चाअ़त्मादा छुक, देकिनालो मोसोओ अ़ग़रि तायुङ्सा, मेन मोसाआ खाउग़रि छा तोक्तु, खोन्कि मोसाआ मो अ़चाअ़त्मा मान्तुकेसु, देकिनालो हेन्खामादा अ़क्छा छा लिसायुङ्साओदा मोसोओ अ़ऩङानु।
‘एनानुम! खानानिन म़ना कासुङ्चि ओ, त़दोम्तिन्दान खोन्कि त़स़न्दान! देकिनालो आम्नुओ ग़रिदा अ़ङ्का अ़क्तात अ़चाअ़त्मा काचि मुङाङा, मो काचिओ अ़तुक्वादा खा-खाक्कोसाआ खानानिन खात़एत्तिन्नुछाङ आम्नुओ कोङ्दा अ़खात्निन।’”
मोचिआ अ़धुन अ़लुक्निन्ओ दन्दा अ़आङ, खोन्कि हाङ्पाओ अ़चुबुदाङ्का खोन्कि खोक्कोसोओ अ़चुसावाओ साम्दाङ्का म़लोइसुखाइसुचि।
खानानिन बुया म़लिसाओचिओ निनाम्मादुओ अ़चुयायोक्खादा त़तान्युङ्सिन। मोचिओ अ़चुऩङ निनाम्मादु छाप्तायुङ्सा। मोचि अ़च़क़ल़क मुमाय़ङ साम्योक्मि म़नाचिओ अ़चुलावा ओ। खानानिन झारा म़नाचि छ़ङ्काछेन निनाम्हाङ्एदा त़तान्युङ्सिन।
हान आन्कान ओन तोक्पो लेन्मा ऩङाछिरुम्नालो आन्कान देत्नि निनाम्हाङ्ओ अ़चुदन्दादाङ्का फुङ्मा ऱन? अ़ऱन्मिन! देकिनालो ओ लेन्मा बुयाओदु हाङ्पाआङा खाअ़लुसा ओ, खोन्कि खोक्कोसोओ अ़चुय़ङ काएन म़नाचि आन्कान अ़छ़ङ सालुम्स़ङ म़पुवा।
निनाम्हाङ काफाचि हेवा म़मुवाहिदा निनाम्हाङ्आ मोचि मान्लेत्म़दोचि, मेन मोचि सित्म़ङ्चि दुखा तोक्खायु म़वेइसुदिसुचि, खोन्कि छ़ङ्छेन्माओ लेन्तारिओ निम्पाङ हेन्खामा भेन्युओ कुन्चियाधेक्धेक्ओहुत्दा म़छ़सुयुङ्सुचि।
