25 ब़ब़, नाना खोन्कि निछाचि ओ, आन्काओ निम्पाङ्छाङ यामारानिन।
ब़ब़, नाना खोन्कि निछाचि ओ, आन्हाङ्पा येसु ख्रिस्त खोन्कि सेङ्लावाओ अ़चुसोम्तुक्मालाम्पा अ़ङ्को निम्पाङ निनाम्हाङ्एदा चात्लो यामारानिन खोन्कि अ़ङ्दुखादा वाङायुङ्सानिन्नि अ़ङ्का खानानिन यायोक प़नाङ्नानिन।
खानानिन्आछाङ आन्कान्का यामात्मालाम्पा फामादोत। खोन्कि ब़द्धे यामात्माओ अ़लामाय़ङ्दा आन्कान्का तोक्तुम्काओ आसिखाओ निम्पाङ ब़द्धे म़नाचिआ आन्लिप्पादा आलाङ अ़प़।
उवा, अ़ङ्का अ़ङ्ऩङानुयुङ! देकिनालो अ़ङ्का सिन्तुङ्योङ, आम्नुओ यामात्मा खोन्कि येसु ख्रिस्तओ अ़चुलावाओ अ़चुफामाआ अ़ङ्का फोङ्मा तोक्तुङ।
आन्काओ निम्पाङ्छाङ ओवात्नि यामारानिन: ख्रिस्तओ अ़चुतुक्वादाओ मो अ़कोङ्दुम खालुमा अ़वाखाम निनाम्हाङ्आ आन्कान्का लाम ऩहोत्तिन्प़न्काने। मोसोओ निम्पाङ अ़ङ्का छेक्खादा छुक्ताङ्युङ्साङ।
खोन्कि अ़ङ्को निकि युङ्खाछाङ तोङ्निप़नि। निनाम्हाङ्आ आम्नुओ यामात्मा अ़एन्कि अ़ङ्का खानानिन्एदा बान्मा तोक्तुङ्नेनिओ तामित्मा मुङाङा।
