19 सेङ्लावाओ अ़काचि मान्छेक्दानुम।
खानानिन लोमान्तेत म़नाचि ओ, ऱक्भाक साकोङ्वा कामु खोन्कि निनाम्हाङ्ओ अ़चुय़ङ मान्एन्कादा खानानिन अ़धुन सेङ्लावाओ अ़चुदेङ्सालाप्पा त़च़न। आम्नुओ सुन्तुम्चि देत्नि म़चुवा, खानानिन्छाङ मोवात्निङा त़च़न।
मेन मोदा युङ्याङ्ओ अ़क्छाएदा कोङ्दुम खाङ्मुमा तानालो बुदा काचेप वाइवेत युङ्ने।
खोन्कि निनाम्हाङ्ओ अ़चुसेङ्लावा दुखा मान्प़दानुम, खोक्कोएदा लेन्माय़ङ लेन्ओ निम्पाङ खानानिन ऩसेप्तिन्युङ्सिन।
मोन्ओङा माआङ, साकोङ्छ़ङ्ओ बान्छेक्खा क़क्तानुम, मोलाम्पा खानानिन सैतानाओ म़लेत्याङ्ओ अ़भेचि सेत्मा त़ऱम्च़म।
निनाम्हाङ्य़ङ ऩङामान्छित्दानुम।
खानाएदा याक्याङ्ओ लावामि सावा मान्मान्केदो, मो सावा ताङ्पाचिआ खोचिओ अ़चुछुक खानाएदा अ़युङ्साहिदा निनाम्हाङ्य़ङ खालुमालाम्पा खाना त़तोक्तुओ।
खोन्ओसा अ़ङ्का खाना मित्मेत्ना, अ़ङ्का खानाएदा अ़ङ्छुक युङ्सुङ्हिदा खाना त़तोक्तुओ निनाम्हाङ्ओ लावामि सावा लेइसुयुङ्सु।
