9 अ़नुछ्या, अ़ङ्ब़ब़, नाना खोन्कि निछाचि ओ, आन्काओ काचि खोन्कि दुखा खानानिन त़मित्तुम। आन्कान्का खानानिन साङ्छाङ दुखा मान्प़दामा निकिना अ़खाखुत खोन्कि अ़खोलेन काचि मुयाङ्सा आन्कान्का निनाम्हाङ्ओ अ़चुनुय़ङ्खान खानानिन खाएत्नि।
निनाम्हाङ्आ म़छेन्तुचिओचिआ अ़खाखुत-अ़खोलेन छुक म़फाङ्ओ य़ङ्दा दि खोक्कोसाआ छ़ङ ऩछेन्तुन्प़न्चिन कि? खोन्कि दि मोचिओ निकि खोक्को स़लेनि म़च़ कि?
खोन्किना खो चौरासिकादोङ बात्तुङुओन मेन्मित्मा लिसाकि युङाङा। खोसाआ निनाम्हाङ ब़क्खाखिम देम्खाछाङ मान्छित्दादोङु, मेन अ़खोलेन अ़खाखुत निनाम्हाङ ब़क्याङ्सा मोदा युङाङा। खोन्कि मान्चामाङ युङाकिछाङ यामाराङा।
मोचिओ अ़चुकाचि पावल्ओवात्निङा तित्खिम मुमाओसा पावल मोचिएनान्ङा युङाकि अ़क्नि काचि मुवा।
खोन्नुछाङ अ़ङ्का अ़ङ्ह़ङ्म़ङ देम्छाङ अ़लुङ छुक्ओ खोन्कि अ़ङ्को निम्पाङ दिसुवाछाङ अ़मित्ऩङ। मेन हाङ्पा येसुआ ऩपुवाङ्ओ खालुमा काचि निनाम्हाङ्ओ अ़चुसोमातुक्माओ नुय़ङ्खान्ओ अ़सालुम्स़ङ प़मा अ़ङ्लोत्मा तामालामा ऱङ्ने।
खोन्ओसा चाप्चेत्तानिन्चिन! सुम्कादोङ्तारि अ़खोलेन अ़खाखुत म़क्वा धान्याङ्सा अ़ङ्का खानानिन झारा चिन्नानिन्ओ मित्तायुङ्सानुम।
अ़ङ्का पावल, येसु ख्रिस्तओ अ़चुहारुक, अ़क्छा छाम्माय़ङ लिसि ऩबुत्ताङ ओ, खोन्कि निनाम्हाङ्ओ अ़चुनुय़ङ्खान खालुसि ऩछेन्ताङ्ओ।
निनाम्हाङ्ओ अ़चुआसिखालाम्पा अ़ङ्का येसु ख्रिस्तओ अ़चुतुक्वादा निरावा म़नाचि नुय़ङ्खान खाएत्तुङ्च़ङ। ओवात्नि, अ़ङ्का अ़क्छा काब़क्पा लिसाङ्किना निनाम्हाङ्ओ अ़चुऩङानुओ हेन्खोक्वा प़सि निरावाचि खोक्कोसोओ अ़चुबुदा बात्तुङ्च़ङ। मोचि सेङ्लावाआ सेङ्लो म़मुयुङ्सुचिओ।
ओ म़दोम्दाओ काचिचि, सावापोरिओ बुन्चि, सेङ्लावाओ अ़चुसावालाम्पा अ़ङ्का मुङ्युङ्सुङ। ओवात्नि यरुसलेम्दाङ्का इल्लुरिकन भेप्लो झारादात्नि ख्रिस्तओ अ़चुनुय़ङ्खान अ़ङ्का खालुसुङ्युङ्सुङ।
आन्कान्का आन्काओ छुक्आङा चात्लो काचि मुन्युङ्सिन्का। आन्कान्का ऩसुङ्तिन्काहिदा आसिखा प़म्च़म्का। आन्कान्का दुखा ऩप़न्काहिदा आन्कान्का आङ्तुम्का।
मेन अ़ङ्का ओ पाङ्चिदाङ्का खाक्कोछाङ मान्याङ्युक्तुङ्च़ङ। खोन्कि अ़ङ्को निकिना ओवाको सामाचि त़मेत्नि प़निने निम्पाङ छाप्तुङ्योङ्च़ङ्ओ माआङ। अ़ङ्का तोक्पो लिमाओ य़ङ्दाङ्का साङ्आछाङ छेक्मादाङ्का ना अ़ङ्का स़मा नुयाङ।
खोन्नालो अ़ङ्सिरिफा दि ओ? अ़ङ्सिरिफा ओङा ओ, अ़ङ्का मोहाङा नुय़ङ्खान खालुमा तोक्मा। नुय़ङ्खान खालुमादा झारा पाङ अ़ङ्का तोक्मादोत्नि मान्य़ङ्ङा।
दि आन्कान्का चामा खोन्कि दुङ्मा पाङ मात्द़ङ?
अ़ङ्का ब़द्धे काचि मुमादा, दुखादा, ब़द्धे मान्इम्माङ युङ्मादा, सास़मादा खोन्कि वामित्मादा, ब़द्धेकादु मान्चादा खोन्कि चुङादा तित मात्द़ङ्ओदा छुक्मादोरा।
खानानिन्एनान युङाङ्याङ्हिदा अ़ङ्का मान्तोक्ङानुछाङ अ़ङ्का साङ्छाङ दुखा मान्प़ङा, देकिनालो माकेदोनियादाङ्का म़बानाओ ब़ब़, नाना खोन्कि निछाचिआ अ़ङ्मान्तोक्दामादा ऩफासाङ। खोन्ओसा खानानिन दुखा त़तोक्तिमिन्ने निकिना अ़ङ्का क़म्ताङ्च़ङ, खोन्कि माय़ङ्छाङ मोवात्निङा च़ङा।
आन्कान्का धात्खावाचिदा, छेक्खावाचिदा, ङेन्चिदा, चात्लो काचि मुमाचिदा, मान्इम्माङ युङ्मादा, सास़मादा युङिन्का।
देकिनालो अ़ङ्का थेसलोनिकेदा युङाङ्याङ्हिदाछाङ खानानिन्आ अ़क्दुदाङ्का च़लोक्ङा अ़ङ्को निम्पाङ फामायु त़बाइसुम्कि त़फानि।
आन्निनाम्हाङ पापाओ अ़चुबुदा आम्नुओ साकोङ्छ़ङ्दाङ्का त़मुम्ओ काचि, खोन्कि सोमातुक्माआ त़मुम्ओ काचि खोन्कि आन्हाङ्पा येसु ख्रिस्तएदा त़मुम्ओ सोम्कुवाआ खानानिन त़छोसिन्ओ आन्कान्का अ़धुन मित्तुम्युङ्सुम्का।
आन्कान्का बुयाङा फिलिप्पिदा चाअ़त्लो दुखा आङ्तुम्काओ खोन्कि आन्काओ साया ऩपेप्तिन्काओ य़ङ ना खानानिन त़सिन्तुम्योम। मेन अ़न्नुनु फित्चि ऩमुन्कानुछाङ आन्निनाम्हाङ्लाम्पा आन्कान्का राक तोक्तुम्काकिना खोक्कोसोओ अ़नुय़ङ्खान मान्क़माङ खानानिन खाएत्नि।
आन्कान्का देम्खाछाङ म़नाचिएदाङ्का साऩङ्वा मेत्मान्लुदान्का, ना खानानिन्एदाङ्का ना निचिएदाङ्काङा।
खानानिन्एनान आन्कान्का तुप्मा ऱन्ने खोन्कि आम्नुओ सोम्कुवादा दि-दि मान्याक्युक, मो तामालामा ऱम्काने निकिना आन्कान्का अ़खाखुत अ़खोलेन झारा मिन्माआ यामारिन्येन्का।
ओ अ़ङ्का ऩपुवाङ्ओ चिन्माय़ङ साम्स़रिओ नुय़ङ्खान चोन्मा खान्तुओ निनाम्हाङ्ओवात्निओ मुयाङ।
खोत्निओसा आन्कान ओ मित्चिऩङ्आ चात्लो काचि खोन्कि दुखा मुन। देकिनालो झारा म़नाचिओ अ़चुकालेन्पा खोन्कि च़लोक्वा खोक्को साकोङ्छ़ङ कामुचि अ़ह़ङ निनाम्हाङ्दा आन्कान आन्सोम्कुवा युङ्सुम।
मेन साङ अ़नुछ्या मेन्मित्मा ओ, खोन्कि मोसोओ साङ्छाङ मात्द़ङ्ओनालो मो निनाम्हाङ्दा सोम्कुवा मु, खोन्कि अ़खाखुत अ़खोलेन यामात्युङ खोन्कि निनाम्हाङ्एदा फालु।
अ़ङ्का खाना अ़धुन अ़ङ्यामात्माचिदा मित्नाहिदा अ़ङ्का निनाम्हाङ आलाङ प़ङ। खोक्को अ़ङ्सुन्तुम्चिआ अ़ब़क्ताओवात्नि अ़ङ्का सेङ्याङ्ओ अ़ङ्छेन्खातायाआ ब़क्तुङ।
