10 खोन्कि निनाम्मादुङ्का काय़ निनाम्हाङ्ओ अ़चुछा येसु त़हुङुम्योम्निछाङ मोचि म़य़ङ्याङ। खोक्को निनाम्हाङ्आ म़सुवादाओदाङ्का अ़लासाखोन्तालोइसा, खोक्कोसाआङा तामा मुयाङ्ओ निनाम्हाङ्ओ अ़चुमाइसुङ्दाङ्का आन्कान म़लेन।
मोसाआ अ़क्छा दुवाछा तोक्तु, खोन्कि खाना खोक्कोसोओ अ़चुऩङ येसु त़पाक्तु, देकिनालो खोक्कोसाआ अ़चुम़नाचिओ अ़चुहेवाचिदाङ्का म़लेइसुचि।”
देकिनालो म़नाओ अ़छा अ़चुपापाओ अ़चुसाम्दा निनाम्हाङ काफाचिएनान य़, खोन्कि मोन्ग़रि खोसाआ झारा म़नाचिआ अ़मुवाओ अ़चुकाचिवाको सिरिफा म़प़चि।
अ़नुछ्या अ़ङ्का खानानिन लोनानिन, ओदा खा-खाक्को काएप्चिदाङ्का म़नाओ अ़छा अ़हाङ्होन्दा तायाङ्ओ मान्खाङ्माङ्तारि ऩस़निन्दानिन।”
मेन फरिसिचि खोन्कि सदुकिचिएदाओ ब़द्धेकापाङ बप्तिस्मा लोक्सि म़ताङाओ खाचिकि खोसाआ मोचि लोचि, “खानानिन अ़छ़क याक्याङ्ओ प़ओ अ़छाचि ओ! तामा मुयाङ्ओ निनाम्हाङ्ओ अ़चुमाइसुङ्दाङ्का फुङ्मा खानानिन साङ्आ चाप्ऩचेत्तिन?
मोन्ग़रि यरुसलेम्दा अ़क्छा सिमियोन अ़ऩङ मुवाङाओ म़ना युङाङा। खो साम्योक्मि खोन्कि निनाम्हाङ कामित म़ना युङाङा। खोसाआ इस्राएलिचिओ कालेन्पा म़ना तामा ग़रि हुङुयुङ्सुङु, खोन्कि सेङ्लावा खोएदा याआङा।
ब़द्धे म़नाचि बप्तिस्मा लोक्सि युहन्नाएदा म़ता। मेन युहन्नाआ मोचि लोचि, “खानानिन अ़छ़क याक्याङ्ओ प़ओ अ़छाचि ओ! तामा मुयाङ्ओ निनाम्हाङ्ओ अ़चुमाइसुङ्दाङ्का फुङ्मा खानानिन साङ्आ चाप्ऩचेत्तिन?
खोन्किना मोचिआ अ़लोवाचुचिन, “गालिल्दाओ म़नाचिओ, खानानिन देकि त़एविन्कि नाम्चोक्दुत्नि खात़चोविन्येन? खानानिन्आ ओन्ग़रि ओ येसु आम्नुओ रादाङ्का निनाम्मादुत्नि देत्नि निनाम्हाङ्आ अ़थेन्ताखात्ताङाओ त़खाम्युङ्सुम, मोवात्निङा खोक्को ओ हेन्खामादा म़लाय़।”
देकिनालो खोक्कोसाआ अ़छेन्ताओ अ़क्छा म़नालाम्पा हेन्खामादाओ झारा म़नाचि साम्योक्मि छ़ङ्छेन्मा निकिना खोक्कोसाआ अ़क्लेन अ़छ़ङ अ़मुवायुङ्सा। खोक्कोसाआ मो म़ना म़सुवादाओदाङ्का अ़खोन्तालोइसाकि झारा म़नाचि ओसोओ अ़चुसालुम्स़ङ अ़पुवायुङ्सा।”
खोन्नुछाङ निनाम्हाङ्आ खोक्को स़मादामाओ अ़चाअ़त्मादाङ्का अ़फोङ्साकि म़सुवादाओदाङ्का अ़लासाखोन्तालोइसा, देकिनालो खोक्को स़माओ अ़सावाआ लाप्मायुङ्मा मान्ऱदो।
ओ येसुङा निनाम्हाङ्आ म़सुवादाओदाङ्का अ़लासाखोन्तालोइसा, खोन्कि ओ य़ङ्ओ आन्कान झारा अ़सालुम्स़ङ युङिन्येन।
खोन्कि खानानिन्आ अ़लुक्निन्ओ ह़ङ्म़ङ काप़पा येसु रोमि रात्खामिचि सेत्त़मेत्तुम्च़म, मेन निनाम्हाङ्आ खोक्को म़सुवादाओदाङ्का अ़लासाखोन्तालोइसा। खोक्को म़खोन्तालोन्ताओ आन्काच्या खायुङ्साचुवा।
येसु ओन्ग़रि निनाम्मादु म़युङ्याङ। खोन्कि निनाम्हाङ्आ झारा सामाचि अ़ऩङ्वा अ़मुकि ओन्ङा खोक्को म़य़। मो य़ङ आराङ्राङ निनाम्हाङ्आ म़सेङ्याङ्ओ निनाम्हाङ्य़ङ खाकालुचिलाम्पा म़चेवायुङ्सा।
खानानिन खोन्कि इस्राएल्दाओ झारा म़नाचिआ सिन्तानुम, खानानिन्आ क्रुस्दा त़ख़न्तुम्सेरुम्ओ नासरत्ओ येसु ख्रिस्त निनाम्हाङ्आ म़सुवादाओदाङ्का अ़ह़ङ्सालोइसा, येसुओ अ़चुऩङ्दा ओ म़ना नुवाकि आम्नुओ बुदा एप्याङ।
खोन्कि सेङ्लावाआ खोक्को निनाम्हाङ्ओ अ़चुछा झारा सावापोरिओ निकिना खाङ्म़मेत्तुचि, देकिनालो आन्हाङ्पा येसु ख्रिस्त म़सुवादाओदाङ्का म़खोन्तालोन्ता।
हुङ्याङ्सा अ़नुवाक काचि मुयाङ्सा साऩङ्वा, साया खोन्कि अ़स़निन्दानिन्ओ ह़ङ्म़ङ कालाम्चि निनाम्हाङ्आ अ़लुक्निन्ओ ह़ङ्म़ङ म़प़चि।
येसु आन्हेवाचिओ निम्पाङ म़सुवा खोन्कि आन्कान साम्योक्मि कान्माओ निम्पाङ म़सुवादाओदाङ्का निनाम्हाङ्आ अ़लासाखोन्तालोइसा।
निनाम्हाङ्ओ अ़चुम़नाचि हेवामिचिओ निकिना लाहिपाक्मा काऱ साङ ओ? साङ्छाङ मात्द़ङ, देकिनालो ख्रिस्त आन्को निम्पाङ म़सुवा, मोदाङ्का च़लोक, खो म़सुवादाओदाङ्का अ़ह़ङ म़लिसा खोन्कि निनाम्हाङ्ओ अ़चुचुप्ताङ्छुक्लिप्पा म़युङ्याङ खोन्कि आन्को निम्पाङ याम़मात्याङ।
खोन्ओसा आन्हाङ्पा येसु ख्रिस्त म़लाताओ य़ङ राक्एनान हुङ्मादा खानानिन खाक्कोछाङ लावामि सावाओ य़ङ्दा त़हाप्तिन्दिसिमिन।
आन्को निम्पाङ माङ्हिम म़लिसाकि य़ङ्हुप्आ तारुओ माङ्हिम्दाङ्का ख्रिस्तआ आन्कान म़लेइसा, देकिनालो “स़ङ्दा क़ङ्माय़ङ झारा माङ्हिम लि”नि छाप्याङ।
मेन आन्ताङ्युङ निनाम्मादु युङ्याङ। खोन्कि मोदाङ्का म़ताओ आन्कालेन्पा, हाङ्पा येसु ख्रिस्त आन्कान राक्स़रि हुङुम।
खोक्को साम्भुङ्ओ अ़छोङ म़मुयाङ, खोन्कि मो साम्भुङ खोक्कोसोओ अ़चुपोक ओ। खोक्को अ़पुङ्चिपुक ओ, म़सुवादाओचिदाङ्का काखोन्लोन खोक्को बुयाओ म़मुयाङ। खोन्ओसा झारा य़ङ्चिदाङ्का खोक्को अ़छोङ्दुओ म़लिने।
खोन्ओसा माकेदोनिया खोन्कि अखैयादाओ झारा साकोङ्छ़ङ कामुचिएदा खानानिन अ़मात्ऩङ त़लिसिन।
मोचिआ आन्कान्का निरावाचि लेन्माओ नुय़ङ्खान खाएत्मा मान्प़ऩदान्का। मोवात्नि अ़धुन मोचिआ अ़चुहेवाचि पोन्याङ्सा अ़खात्याङ। मेन आदेङ मोचिएदा निनाम्हाङ्ओ अ़चुमाइसुङ छुक्तायुङ्सा!
ख्रिस्तओ अ़चुछाम्माय़ङ्चि लिसिन्काओसा खानानिन्एदाङ्का आन्कान्का फालुमा ऱन्काओ। मेन आन्कान्का आम्नुओ रादा अ़चुप्पो अ़छाचि नुलोक काखाङ कासिम्नान्चिन अ़चुमावात्नि लिसिन्का।
देकिनालो निनाम्हाङ्आ आन्कान दन्दा प़मा निम्पाङ माआङ, मेन आन्हाङ्पा येसु ख्रिस्तलाम्पा लेन्मा तोक्तुम्ने निम्पाङ बुयाङा म़छेन्ता।
निनाम्हाङ्ओ अ़चुबुदा खोन्कि अ़ह़ङ खोन्कि म़स़दाओचि छ़ङ्काछेन ख्रिस्त येसुओ अ़चुबुदा, खोन्कि खोक्कोसोओ अ़चुलामातामा खोन्कि अ़चुहाङ्होन मित्याङ्सा अ़ङ्का खाना चाप्चेत्याङ्सा लोना:
ओवात्निङा तामामित्मा मुन्येन्ओ य़ङ तामालामा लेन्ओ अ़लाम आन्कान खाम्योम। मो लेन तोक्पो निनाम्हाङ येसु ख्रिस्त आन्कालेन्पा अ़धिवा साम्दा म़य़याङ्ओ खाङ्म़मुनान्चिन।
मेन मोचिओ निम्पाङ क़माकात्तुओ निनाम्हाङ्ओ अ़चुछ़ङ्छेन्मा खोन्कि ङेङ्चि च़ऱप्पाओ मिआ राङ्माखान्मा ओन्ङा याक।
मोवात्नि ख्रिस्त्छाङ ब़द्धेकापाङ्सोओ अ़चुहेवा चुम्खाइसि अ़क्दु हेन्खोक्वा म़लिसा, खोन्कि खोक्को ह्वादुओदु हेवा चुम्खाइसि माआङ, मेन अ़चुऩङानुयाङ्सा खोक्को काहुङ्चि लेइसिओ निम्पाङ खाङ्म़मुनान्चिन।
येसुलाम्पा खानानिन निनाम्हाङ साकोङ्छ़ङ त़मुम। निनाम्हाङ्आ येसु ख्रिस्त म़सुवादाओदाङ्का अ़खोन्तालोइसा खोन्कि खोक्को साया अ़मेत्ता। खोन्ओसा आम्नुओ साकोङ्छ़ङ खोन्कि सोम्कुवा निनाम्हाङ्एदा याक्याङ।
आन्हाङ्पा येसु ख्रिस्तओ अ़चुपा, निनाम्हाङ्ओ अ़चुऩङ्लोङ्ने! खोक्कोसोओ तोक्पो अ़चुसोम्तुक्माआ म़सुवादाओदाङ्का येसु ख्रिस्तओ अ़चुलामाखोन्मालोन्मालाम्पा आन्कान अ़ऩङ्वा ह़ङ्म़ङ तोक्तुम। हान आन्कान अ़ह़ङ सोम्कुवादा आन्कान अ़क्तात लिसिन्युङ्सिन।
देकिनालो ओसोओ निकिना निनाम्हाङ्आ खानानिन ऩबुत्तिन्ओ। ख्रिस्तआछाङ आम्नुओ निम्पाङ दुखा अ़आङ्ताकि अ़क्तात अ़मात्ऩङ ऩछित्तिन्दान, खोन्कि खोक्कोसोओ अ़चुलाम्दा खानानिन्छाङ कोन्मादोत।
देकिनालो ख्रिस्त्छाङ आन्कान निनाम्हाङ्एदा तात्मा निम्पाङ साम्योक्मि म़ना मान्साम्योक्मिचिओ निकि खोक्को अ़धुन्ओ निम्पाङ हेवामिचिओ अ़चुफान्दा अ़क्दु म़सुवा। खोक्को पोक्दा म़सुवा, मेन लावादा म़खोन्तालोन्ता।
ओवात्निओसा खानानिन्आ निनाम्हाङ्ओ अ़चुलेन च़क्नि तानेनि मिन्मादोत। मो लेन नाम्छ़ऱ मिआ ह़त्कि योङ्खात, खोन्कि नाम, लादिप्मा खोन्कि साङ्केन्माचि म़ह़त्कि म़योङ्खात।
खोन्ओसा सोमातुक्नाङ्नानिन्ओ अ़ङ्यावाचि ओ, ओ य़ङ्चि काहुङ्चिओसा निनाम्हाङ्ओ अ़चुखाङ्मादा खानानिन थुपि खोन्कि ह़त्माय़ङ मात्द़ङ्ओ सेवाङ्निओ ह़ङ्म़ङ ह़ङानिन।
अ़ङ्काङा अ़ह़ङ ओ। अ़ङ्का सुवाङ्दाङ्ओ, खानुम, अ़ङ्का अ़धुन-अ़धुन्तारिओ निम्पाङ ह़ङ्ङाङा। खोन्कि स़माओ खोन्कि सित्म़ङ दुखा तोक्खायुओ अ़होत्खाचि अ़ङ्काएदा म़युङ्याङ।
खानुम, खोक्को य़वारिदा म़तायाङ! खोन्कि झारा म़क्चिआ खोक्को अ़खाङ, साङ्चिआ खोक्को अ़धुवायुङ्सा, खोचिआछाङ अ़खाङ। हेन्खामादाओ झारा म़नाचि खोक्कोसोओ अ़चुतुक्वाआ म़खाप। उवा, मो लिलाप! मोवात्निङा लिने।
