5 मोवात्निङा सावाछाचि ओ, ताङ्पाचिओ अ़चुक़म्मादा युङानिन। खानानिन झारा सिम्सानिन्चिन्कि अ़क्छा निएदा फाकाफा मुवानिन, देकिनालो, “निनाम्हाङ्आ ऱक्भाक्चि फित्चि म़मुचि, मेन कासिम्नान्चिन्चि खोक्कोसाआ सोमाम़तुक्तुचि।”
मेन खानानिन आम्नुओ रादा ओवात्नि लिमा अ़नुनिन। खानानिन्दाङ्का साङ झारादाङ्का अ़धिवाङ मुयाङ, मो अ़चुप्पो म़नावात्नि लिने, खोन्कि साङ बुसुवा काचि मु, मो काब़त्पावाको लिने।
अ़क्छा निएदा ब़ब़, नाना खोन्कि निछाचि सोमातुक्कातुक मुवानिन। खानानिन्दाङ्का च़लोक निचि साया मेत्तानुम्च़म।
मेन हाङ्पा येसु ख्रिस्तओ अ़मात्ऩङ त़ङ्तानुम खोन्कि हेवामि च़माथाङ्माओ मित्माचिदा देत्नि सोम्सेत्मान्चिन्ओ अ़तुक्वादा मिन्मा मान्पाक्दानुम।
ख्रिस्तओ अ़चुसाऩङ्वादा अ़क्छा निओ अ़पाङ्दा युङानिन।
देम्खाछाङ आप्पि खानानिन खाङ्मान्चिन माङ्लो तोक्पो लिमाओ निम्पाङ देत्छाङ माच़दानिन, मेन सिम्नान्चिन्सा निचि खानानिन आप्पिदाङ्का अ़धिवा मित्तानुम्च़म।
ओवात्नि निनाम्हाङ्आ ऩछेन्तिन्ओ सेङ्याङ्ओकि सोमा ऩतुक्तिन्ओ म़नाचि त़लिसिन्ओसा खानानिन नोत्चिचिवाओ, सोमाकातुक, अ़नुवाक, कासिम्नान्चिन खोन्कि काहुङ लिसानिन।
बुवा म़ना चाअ़त्लो मान्रेन्दो, मो आप्पि आम्पापावात्नि यायोक प़। निछा सावाछाचि आम्निछाचिवात्नि मुचि।
आम्नुओ बुसुवाचिआ ऩलोन्ओवा चुवानिन, खोन्कि मोचिओ अ़चुपाङ्दा युङानिन। देकिनालो मोचिओ अ़चुकाचि खानानिन खाङ्मा ओ, मोचिआ निनाम्हाङ खाएत्मादोत। खोन्ओसा ओ काचि मोचिआ अ़चुऩङानुयाङ्सा अ़मुने, खोन्कि ह़त्पादा माआङ। माङ्नालो खानानिन नुलोक त़लिसिमिन।
मेन खोक्कोसाआ अ़न्नुनु च़लोक सोमाम़तुक। खोन्ओसा साम्कालिन ओवात्नि य़ङ, “निनाम्हाङ्आ ऱफोक्वा, फित्चि अ़मु, मेन कासिम्नान्चिन्चि सोमाअ़तुक।”
अ़चिन्मादिमादा, खानानिन झारा साकोङ्वादा अ़क्तात लिसानिन, अ़क्छा निएदा फामुवानिन, अ़क्छा निएदा सोमातुक्कातुक मुवानिन, अ़नुवाक साकोङ्वा खोन्कि कासिम्नान्चिन मिन्माओ लिसानिन।
ख्रिस्तआ अ़चुपोक्दा दुखा अ़आङ्ताओसा खानानिन्छाङ येसुआवात्नि मिनानिन। देकिनालो साङ्आ अ़पोक्दा दुखा आङ्तुयुङ्सु, मोसाआ हेवा मुमा छिरुयुङ्सु।
मेन अ़ह़ङ खोन्कि म़सुवादाओचिओ अ़चुछ़ङ्काछेन निनाम्हाङ्ओ अ़चुबुदा, मोचिआ अ़मुवाओ अ़चुकाचिओ अ़तुक्वादा खाएत्मादोत।
