12 सोम्कुवा मुमा खान्तुओ निछा सिलास्ओ अ़फामालाम्पा ओ थुत्मेत्लो छाप्लावा अ़ङ्का छाप्तुङ्योङ। खानानिन राक प़नानिन खोन्कि खाएत्नानिन, निनाम्हाङ्ओ अ़छ़ङ अ़चुसोमातुक्मा ओङा ओ। ओदाङा खानानिन युङायाक्तानिन।
खो खाकि पत्रुस्आ येसु सेनु, “हाङ्पो, ओ म़ना देत्नि लि?”
खो मोदा तालाकि निनाम्हाङ्आ मोचि आसिखा प़चिओ खाकिना ब़द्धे अ़ऩङानुवा। खोन्कि खोसाआ झारा अ़चुमिन्माआ हाङ्पाएदा सोम्कुवा म़मुयुङ्ने निकिना मोचि झारा राक प़चि।
खोन्किना छाम्माय़ङ्चिकि ताङ्पाचि खोन्कि यरुसलेम साम्भुङ्दाओ झारा म़नाचि म़तोङाकि अ़चुरादाङ्का पावल खोन्कि बारनाबास्एनान एन्तिओखियादा देम्कापाङ म़नाचि खान्मा अ़छ़ङ अ़मुवा। खोचिआ बारसाबास्नि लोवाङाओ यहुदा खोन्कि सिलास म़छेन्तुचि। खोचि मो साकोङ्छ़ङ कामुचिएदाओ बुसुवाचि ओ।
खोन्नुछाङ अ़ङ्का अ़ङ्ह़ङ्म़ङ देम्छाङ अ़लुङ छुक्ओ खोन्कि अ़ङ्को निम्पाङ दिसुवाछाङ अ़मित्ऩङ। मेन हाङ्पा येसुआ ऩपुवाङ्ओ खालुमा काचि निनाम्हाङ्ओ अ़चुसोमातुक्माओ नुय़ङ्खान्ओ अ़सालुम्स़ङ प़मा अ़ङ्लोत्मा तामालामा ऱङ्ने।
खोक्कोएदाङ्का आन्कान ओ सोम्तुक्मादा साकोङ्छ़ङ्लाम्पा वाङ्मा तोक्तुम्युङ्सुम। मो सोम्तुक्मादा आन्कान युङिन्येन, खोन्कि निनाम्हाङ्ओ अ़चुसाम आन्कान्छाङ तोक्मा सोम्कुवादा आन्ऩङानुसिन्चिन्ने।
हान ब़ब़, नाना खोन्कि निछाचि ओ, अ़ङ्का खानानिन खाएत्नानिन्ओ नुय़ङ्खान अ़ङ्का खानानिन मित्मेत्नानिन। मो नुय़ङ्खान खानानिन्आ त़लोउम, खोन्कि मोदा खानानिन त़युङिन।
देकिनालो सिलास, तिमोथि खोन्कि अ़ङ्का आम्नुओ रादा आन्कान्का खालुसुम्काओ निनाम्हाङ्ओ अ़चुओ छा येसु ख्रिस्त “अ़नुछ्या” खोन्कि “माआङ”ओ मान्मुयाङ। मेन खोक्कोएदा अ़धुन “अ़नुछ्या” ओन्ङा मुवाङा।
आम्नुओ सोम्कुवादा आन्कान्का हाङ अ़मुन्मिन्का। मेन आम्नुओ सेवाङ्निओ निम्पाङ खानानिन्एनान तोङ्याङ्सा काचि आन्कान्का मुन्का। देकिनालो आम्नुओ सोम्कुवादा खानानिन काछो त़मुन्येन।
निनाम्हाङ्आ अ़ङ्का मो अ़कोङ्दुम सिन्ऩमेत्ताङ्ओ। ओसोओ अ़तुक्वादा अ़ङ्का खानानिन बुयाङा थुत्मेत्लो छाप्नानिन्ओ।
अ़ङ्का दियाको मुङाङा खोन्कि दे च़ङाङा, मो खानानिन्आछाङ त़सिन्तुम्ने निकिना सोमातुक्तुङ्योङ्ओ निछा खोन्कि हाङ्पाएदा सोम्कुवा मुमा खान्तुओ हाङ्पाओ काचि कामु तुखिकस्आ झारा य़ङ्चि खानानिन खात़एत्तिन।
मो नुय़ङ्खान आन्कान्का सोमातुक्तुम्योम्काओ काफापा यावा इपाफ्रास्आ खानानिन त़चिन्तिन। मो आन्काओ लिप्पादा ख्रिस्तओ अ़क्छा सोम्कुवा मुमा खान्तुओ काब़त्पा ओ।
अ़ङ्तुक्वादाओ झारा य़ङ्चि सोमातुक्तुङ्योङ्ओ निछा सोम्कुवा मुमा खान्तुओ काचि कामु खोन्कि हाङ्पाएदाओ यावा हारुक तुखिकस्आ खानानिन खात़एत्तिन।
खोएनान ओनेसिमस बान्याङ। खो खानानिन्एदाओ अ़क्छा ओ, खोन्कि खो आन्कान्का साकोङ्छ़ङ मुमायु खोन्कि सोमातुक्तुम्योम्काओ निछा ओ। खोचिआ ओदाओ झारा म़लियाङ्ओ य़ङ्चि खानानिन खाऩएत्तिन।
पावल, सिलास खोन्कि तिमोथिएदाङ्का निनाम्हाङ पापा खोन्कि हाङ्पा येसु ख्रिस्तएदा साकोङ्छ़ङ कामु थेसलोनिकेदाओ साम्भुङ्एदा ओ छाप्लावा छाप्तुम्योम्का। निनाम्हाङ्आ खानानिन आसिखा ऩप़न्ने खोन्कि सेवाङ्नि ऩमुन्ने!
पावल, सिलास खोन्कि तिमोथिएदाङ्का आन्निनाम्हाङ पापा खोन्कि हाङ्पा येसु ख्रिस्तदा साकोङ्छ़ङ कामु थेसलोनिकेदाओ साम्भुङ्एदा ओ छाप्लावा छाप्तुम्का।
ब़ब़, नाना खोन्कि निछाचि ओ, अ़ङ्का खानानिन राक प़नाङ्नानिन, खानानिन अ़ङ्यायोक्चिदा मिन्मा पाक्तानुम। देकिनालो ओ छाप्लावादा खानानिन अ़ङ्का थुत्मेत्लो ओन्ङा छाप्तुङ्युङ्सुङ।
खोन्ओसा आम्नुओ मिन्मा चुम्सानुम, क़म्तानिन्चिन, खोन्कि हाङ्पा येसु ख्रिस्त खाङ्म़मुनान्चिन्हिदा खानानिन सोमाऩतुक्तिन्ओदा झारा सोम्कुवा मुवानिन।
झारासा दियाको सावा त़तोक्तुम्युङ्सुम, अ़नुवाक कातोङ्पावा निनाम्हाङ्ओ अ़चुसोमातुक्माओ अ़खाला-अ़खालाओ अ़चुआसिखा अ़क्छा निएदा मो नुलोक याङानुम।
खोन्ओसा खानानिन ओ झारा त़सिन्तुम्योम, खोन्किना खानानिन्आ त़तोक्तुम्ओ अ़छ़ङ्दा त़युङिन्येन्नुछाङ अ़ङ्का ओ य़ङ्चि अ़धुन खानानिन मित्मेत्नानिन।
मोचिआ अ़नुवाक लाम अ़छिराकि अ़अ़त्पा लाम्दा म़वाङायुङ्सा। अ़अ़त्पादाङ्का तोक्माय़ङ काचिलुङ अ़नुवाक कामित बओरओ अ़छा बालाम मोचिआ अ़त़ङ्तायुङ्सा।
झारासा देमेत्रियस्ओ अ़तुक्वादा अ़सालुम्स़ङ अ़प़, खोन्कि अ़छ़ङ्आछाङ खाङ्मुसु। आन्कान्काछाङ खोसोओ अ़सालुम्स़ङ नुलोक प़म्का। खोन्कि खानानिन त़सिन्तुम्योम आन्काओ सालुम्स़ङ अ़छ़ङ मुयाङ।
सोमातुक्नाङ्नानिन्ओ यावाचि ओ, आन्कान झारासोओ लेन्माओ अ़तुक्वादा छाप्मा अ़न्नुनु लामाङ्युङ्सा। मेन हान मोसोओ अ़फान्दा, निनाम्हाङ्आ अ़चुओ म़नाचि अ़धुन्ओ निकिना म़प़चिओ साकोङ्छ़ङ रात्माओ निम्पाङ चात्लो काचि मुमाओ राक प़मा छाप्लावा छाप्मादोत्नि मिनाङ।
